Тазалық –денсаулық кепілі

Е лбасымыз Н.Ә.Назарбаев өзінің «Қазақстан-2030» стратегиялық бағдарламасында халықты салауатты өмір салтына ынталандыруда басым бағыттың бірі ретінде атап көрсетуінен кейін қолдау алды. Сол себептен, халықтың денсаулығы үшін елімнің мақсатына қол жеткізу менің де мақсатым деп білемін.

 Қоршаған ортаның тазалығы менің түсінігім бойынша барлық адамзаттың міндеті деп ойлаймын. Таза ұстау қазіргі таңда экологияны яғни, қоршаған ортаны қорғау ең басты мәселе болып отыр. Қоршаған ортаны ластауға, зиян келтіруге жол бермеу керек. Жануарларға, өсімдіктерге қиянат  жасамауымыз керек. Адамның денсаулығы – қоғам байлығы. Әрбір адам өз денсаулығының мықты болу жолдарын қарастыру керек. Дені сау адамның көңіл-күйі көтеріңкі болып, еңбекке әрқашан құлшына кіріседі. Халқымыз «Дені саудың – жаны сау» деп орынды айтқан. Отанымыздың келешегі, көркеюі – салауатты өмір салтын сақтау қолдауда.Қараңғы үйге кіріп келіп шам жақсаңыз, шам үйді жарық қылады. Көп қызыл гүлдің ішінен бір ақ гүл көрсең, көзің соған түседі. Біздің де өмірімізді жарық қылатын, жан-жағымызға тамаша сәулесін шашатын, өмірдегі басты байлық – денсаулық. Денсаулық – бұл адамның еңбекке белсенді болуы, әрі ұзақ өмір сүруі, тәннің саулығын және рухани саулығын сезіну. Біреулер денсаулықты әсемдікпен, әдемілікпен байланыстырады. Енді біреулер үшін денсаулық — күш-қуат, ерік-жігер, салауатты ой сана. Тағы бір топ ағзадағы сырқат белгілерін айта бастайды. Шындығында, біздің денсаулығымыз қоршаған ортамызға, тыныс-тіршілігімізге тікелей байланысты. Бірақ денсаулықтың нағыз анықтамасы қандай екені осы шығарма бойынша түсіндіргім келеді.Дүниежүзілік Денсаулық сақтау ұйымының жарғысында «Денсаулық — физикалық ақаудың, аурудың болмауы ғана емес, адамның физикалық, психикалық, рухани және әлеуметтік тұрғыдағы толыққанды белсенділігі» ретінде түсіндіріледі. Бірақ, бұл менің ойымша, келешекке бағытталған түсіндірме.Қоршаған ортаның тазалығында адам өміріне әсер етеді. Таза ортаның табиғаты да, ауасы да, адам жанына жылулықты ұялатады. Әрқашанда қоршаған ортамызды таза ұстап, табиғаттың сұлулығын көрсетуіміз керек. Сол себепті де, жылда күз бен көктем мезгілдерінде аулаларды тазалау жұмыстары жүргізіледі. Бақытты болғымыз келсе, әрдайым таза жүрейік!

Кентау көпсалалы колледжінің

арнайы пән оқытушысы

Жолдасбаева Жанат Султангельдиевна