Театрдың бала өміріне пайдасы

Театрдың бала өміріне пайдасы

Мектеп жасына дейінгі баланы тәрбиелеу мен білім беруде театр өте маңызды орын алады. Театр – балалар үшін мереке. Театр баланың ой-өрісін кеңітеді, балаға ұмытылмайтын эмоция сыйлайды. Театрланған ойындар арқылы баланың ақыл-ойын, тілін, шығармашылығын, қиялын дамытуға болады. Бала айналасындағы құбылыстарға ерекше мән береді. Баланы қоршаған тұрмыстағы оқиғаларды, ертегілерді, көркем шығармаларды сахналық қойылымдарға айналдырып, баланы кейіпкер ретінде қатыстыру өте маңызды.

Біздің балабақшадағы театрдың басым бағыттардың бір бөлігі болып табылатындығына байланысты бірнеше іс-шараларды жоспарлау және үйлестіру қажет болды: бірлескен іс-шаралар, семинарлар, шебер сыныптар, театрлық ойындар ойнау, ата-аналармен жұмыс. Бұл іс-шаралар жүйелі жұмыс жасауды бағыттайды.

Театр балаларды еркін етеді, шығармашылық идеяларын шығарады, өз белсенділіктерінен әсер алады. Театр баланың жеке басын, оның даралығын және шығармашылық әлеуетін ашуға ықпал етеді. Бала өз сезімдерін, эмоцияларын, ішкі дүниелерін шешуге мүмкіндік алады. Театр балаларға арналған ең демократиялық және қол жетімді өнердің бірі болып табылады:

- балаларды шығармашылыққа тәрбиелеу;

- эстетикалық талғамды қалыптастыру;

- адамгершілік тәрбиеге;

- ой арманын, қиял, ынтасын дамыту, сөйлеуді дамыту;

- коммуникативтік қасиеттерді дамыту;

- жағымды эмоционалды көңіл-күй қалыптастыру, шиеленісті жою, театр ойыны арқылы жанжалды жағдайларды шешу.

Қазақ ертегілерін алатын болсақ, жамандықты жеңу, жақсылыққа ұмтылып, еліне, жеріне деген сүйіспеншілігі еңбек сүйгіштігі бейнеленеді. Мысалы, «Алтын сақа» ертегісіндегі баланың жалмауыз кемпірдің алдына қорықпай баруы. «Ер төстік» ертегісінде оның ағаларын іздеуге шыққанда, жер асты өнерпаз достарының таңғажайып өнерлері арқасында кездескен қиыншылықтардың бәрін жеңіп шығуы. «Қарлығаш пен дәуіт», «Түлкі мен құмыра», «Қасқыр мен кірпі», «Түлкі мен қоян», «Қайырымды қоян» ертегілерінде қайырымдылық, достық туралы айтылса, түлкі жайындағы кез келген ертегіні алып қарасақ, онда қулық, арамдық, аңқаулық туралы айтылады. Бірінде мақтаншақтықтан арылу айтылса, бірінде жақсылық, адалдық жайлы ой қозғалады.