Тепе-теңдікті сақтау жаттығулары

Тақырыбы: Тепе-теңдікті сақтау жаттығулары

Мақсаты: Жылдамдықты дамыту;

Шыдамдылыққа баулу;

Ептілікті жетілдіру Қолданылатын құралдар: Ойын доптары, кітаптар, жүру ағаштары Өткізілетін орны: спорт зал

Сабақтың жүрісі: Дайындық бөлімі: 12-15 минут 1. Оқушыларды сапқа тұрғызу, түгендеу, сәлемдесу 2. Саптағы жаттығулар: Жүру мен жүгіру, сол және оң қапталмен жүгіру 3. Жан-жақты бұрылулар: солға және оңға бұрылу 4.Дене тынысын қалпына келтіретін жаттығулар жасату

Негізгі бөлімі: 20-25 минут Тепе-теңдікті сақтау жаттығуларының қиындығы салмақ түсетін аумақтың көлеміне және одан дене салмағы ортасының орналасу биіктігіне байланысты болады. Аяқты басып тұру орнының кішіреуі аяқтың өкшесіне, ұшына көтерілу, бір аяқпен тұру, аяқтың ұштарын жақындастырып тұрудың есебінен болады. Салмақ тсу орталығын ұлғайтуға қолды жоғары көтеріп, аяқтың ұшына тұрып, қайта түсу мысал бола алады. Тепе-теңдікті сақтау жаттығулары көп жағдайда батылдық, сенімділік, сабырлылық, тапқырлық, зеректілік, табандылық және зейін аудару сезімдерін дамытады. Қолдың бастапқы қалыптарын өзгерту, басты жан-жаққа, оңға және солға бұру мен еңкейту,көзді жұмуда тепе-теңдікті сақтау жаттығуларын орындауға өзінің ықпалын тигізеді. Бұл салаға тән жаттығуларды екі топқа бөлуге болады, олар: бір орында тұрып орындалатын және қозғалыс кезінде орындалатын жаттығулар. Белгілі бір биіктікте тепе-теңдікті сақтау жаттығулары гимнастикалық орындықта, жұмыр және төрт қырлы бөренеде, гимнастикалық баспалдақта орындалады.

Тепе-теңдікті сақтау жаттығулары: 1.Аяқ ұшымен жүру, қол белде; 2 рет айналу 2.Өкшемен жүру, қол белде; 2 рет 3. Тізені бүгіп, жартылай отыра жүру; 2 рет 4.Бір сызық үстінде жүру, қол белде; 3-4 рет 5.Екі қолды екі жаққа созып жүру, табан сыртымен; 3-4 рет 6. Екі қолмен екі доп ұстап жүру; 3-4 рет 7. Дәл осылай тек кітаппен жүру; 3-4 рет 8. «Қарлығаш» элементін жасау; уақытпен тұру 9. Жауырынға тұрып, алдыға еңкейіп барып бір аяқты бүгіп, екі қолды қапталға созып тепе-теңдіәкті сақтап отыра қалу; т.б.

Қорытынды бөлімі: 3-5 минут 1. Жүру мен жүгіруді алмастыру

2.Денені қалпына келтіру жаттығуларын жасату

3.Сапқа тұрғызу, қорытынды жасау, бағалау

4. Үйге тапсырма беру