Тик токқа деген тәуелділіктен қалай арылса болады?

Қазіргі таңда тик токқа деген тәуелділік елімізде күннен-күнге артып барады. Бесіктен белі шықпаған бүлдіршіннен бастап пенсияға шыққан ата-әжелерімізге дейін күніне 7-8 сағат тик токта отыруы әдетке айналды. Осы тұста өзімді мысал ретінде айтатын болсам, мен аптасына тик токқа 5-6 сағатымды жұмсаймын. Бұл қалай десеңіздер айтайын. 

Егер де сіз күніңізді оқуға,жұмысқа, тірлікке арнайтын болсаңыз, сіздің тик токта отыруға уақытыңыз болмайды. Сол себепті күніңізді жоспарлап, уақытыңызды тиімді пайдалана біліңіз.

Иә,әлеуметтік желілерде үйренеріміз көп. Бірақ, әр нәрсенің өз уақыты бар дегендей, дедлайнмен жүруді үйреніңіз. Себебі,соның арқасында күніңіздің құр босқа өтпегенін түсінетін боласыз. Сондықтан сізге керегі бірінші-жоспар. Екінші өзіңізге көңіл бөліңіз. Яғни, серуендеңіз, киноға, салонға, кафеге барыңыз, шоппинг жасаңыз. Өзіңізді дамытқыңыз келсе, кітаптар оқыңыз, спорт залға барыңыз. Уақытыңызды өмірде беріліп жатқан мүмкіндіктерге жұмсаңыз. Сол кезде сіздің тик токқа деген қызығушылығыңыз төмендейді. Солай өзіңізді қолға алсаңыз тек тик токқа емес, әлеуметтік желіге деген тәуелділіктен арыла аласыз.