Тіл - асыл қазына

Сабақтың тақырыбы: Тіл – асыл қазына

Сабақтың мақсаты: 1. Оқушылардың еліне, ұлтына,тіліне деген сүйіспеншілігін арттыру, тілді ұлттық мұра ретінде сезінуге, тіл мәдениетін сақтай білуге үйрету, тіліміздің қадір қасиетін бойларына дарыту.

Сабақтың барысы: І. Ұйымдастыру.

Сабақтың мақсатымен таныстыру.

Біздің сабағымыздың тақырыбы: «Тіл – асыл қазына» . Балалар қалай ойлайсыңдар біз не туралы айтамыз?

Дұрыс айтасыңдар, біз өзіміздің ана тілімізде сөздер үйреніп, ойындар арқылы тіл байлығымызды дамытамыз. Тіл мәдениетін сақтай білуге үйренеміз. Ана тілі - әр адамның өз ұлтының жан дүниесі мен мәдениетінен ғасырлар бойы жиған рухани азығынан нәр алатын кіндік тамыры.
Біздің ана тіліміз – қазақ тілі. Ол тек отбасы, ошақ қасының ғана тілі емес, мемлекеттік тіл!

Балалар қазір өлең тыңдаңдар.

Тіл туралы. (Әбділда Тәжібаев)

Туған тілім – тірлігімнің айғағы,

Тілім барда айтылар сыр ойдағы.

Өссе тілім, мен де бірге өсемін,

Өшсе тілім, мен де бірге өшемін.

Тілсіз хайуан – бейшара,

Бейшараға не шара?
Осы өлеңнің мағынасын қалай түсінесіңдер? Өз ойларыңды топ болып бөлініп, айтамыз.

Топқа түстер бойынша бөліну.

1 тапсырма «Мақал – сөздің атасы» Мақалдың басы айтылады, балалар мақалды аяқтау керек.

1 топ:
Тіл тағдыры – (ел тағдыры)
Сәлем – сөздің (анасы)
Өнер алды – (қызыл тіл)

Тіл қылыштан... (өткір).

2 топ:
Піл көтермегенді,... (тіл көтереді).
Тілден артық... (қазына жоқ).
Ана сүті бой өсіреді, Ана тілі... (ой өсіреді).
Жыланның уы тісінде, Адамның уы... (тілінде).

2 тапсырма. Аз берілген уақыт ішінде сұрақтарға тез жауап беру керек.

1 топ:

1.  Дауыссыз дыбыстар нешеге бөлінеді?
2. «Көксерек» әңгімесін кім жазған?
3. Қазақстан Республикасында Тілдер мерекесі қашан?
4. «Қазақ хрестоматиясын» жазған кім?
5. Қазақстан жерінен өткен жол.
6. «Қазақ вальсінің королі» атанған композитор кім?
7. Әнұранның авторларын атап бер.
2 топ:

1. Жіңішке дауысты дыбыстарды ата.

2. Әліппенің атасы кім?

3. Қазақстан Республикасында Ата Заң мерекесі қашан?
4. «Абай жолы» романының авторы кім?

5. Қазақстанда 2017 жылы халықаралық қандай көрме өтеді?

6. «Көзімнің қарасы» өлеңінің авторы кім?

7. ҚР мемлекеттік Туының авторы кім?

3 тапсырма. «Бейнелі сөзге бейімді бол» тұрақты тіркестердің мағынасын ашады.

1 топ:
1 Тауы шағылу
2 Тепсе темір үзер
3 Аузының суы құру

2 топ:
4 Күлін көкке ұшыру
5 Тасы өрге домалау

6. Төбе шашы тік тұрды

4 тапсырма. «Сөз тапқанға қолқа жоқ»
Оқушыларға 3 әріптен беріледі, берілген сұрақтардың жауабы сол әріптерден басталуы керек. А, С, М.

– Қол не үшін керек?
– Қай қалада тұрасыз?
– Далада ауа райы қандай?
– Қай пәннен сабақ бересіз?
– Сіз музыка тыңдайсыз ба?
– Үйге кіммен қайтасыз?
– Мында неге келдіңіз?
– Қандай тағамды ұнатасыз?
– Сіз үшін өмірде не қымбат?

Ой толғаныс. Психологиялық тренинг. Қағаз лақтыру.

• Балалар, сендер өз достарыңа не тілейсіңдер, соны қағазға жазып, бір-біріңе лақтырасыңдар, мен қашан болды деймін, сол кезде алып оқисыңдар.
  Рефлексия. Бүгінгі сабақта не ұнады? Не ұнамады? Қай тапсырма қиындық туғызды?