Тіл дәуірлейді- ұлт жаңғырады.

Жазу қай заманда болмасын үлкен өркениеттің негізі болды. Қазақстан Республикасы Тұңғыш Президент Елбасы Нұрсұлтан Назарбаевтың бастамасымен қазақ әліпбиін кириллдан латын қарпіне көшіру мәселесін қолға алу жөнінде айтқан болатын. Бұл тек қаріп ауыстыру ғана емес , тұтас руханиятқа ықпал жасайды.

Білім, ғылым, өндіріс саласына еніп жатқан жаңа технологияларға латын әліпбиі арқылы қол жеткіземіз. Сондықтан латын әліпбиіне көшумен халықаралық ақппараттық кеңестікке шығу жеңілдейді. Яғни, ғаламтор жүйесін халқымызға ана тілінде меңгеруге жол ашады. Қазір бәріміздің көзіміз ашық, көкірегіміз ояу. Бірнеше тілді бес-алты айдың ішінде қорықпай, еркін үйреніп алып жатқанда, ана тілдегі дыбыстарды басқаша таңбалауды ғана меңгеріп алу бүгінгі жас ұрпаққа көп қиындық келтірмейді.Әрі бүгінде ұялы байланыстағы хабарламалардың көбі осы графикамен жазылуда. Латын әліпбиіне көшу мемлекеттік тілдің қолданыс аясын одан әрі кеңейтуге мүмкіндік жасайды. Тіл тазалығы мәселесіне келсек, тіліміздегі қазіргі жат дыбыстарды таңбалайтын әріптерді қысқартып, сол арқылы қазақ тілінің табиғи таза қалпын сақтауға мүмкіндік аламыз. Қазақ тілін оқытуда басы артық таңбаларға қатысты емле, ережелер қысқарып , мектептен бастап барлық оқу орнында оқыту үдерісі жеңілдейді.

Сулейменова Р.А

қазақ тілі пәні мұғалімі

5 «А» мектеп-гимназиясы