Тіл — ұлттың жаны мен рухы

Автор: Бекберген Гүлнағира Қайратқызы

Тіл — кез келген ұлттың төлқұжаты, рухани тірегі. Ана тілі арқылы ұлттың тарихы, мәдениеті, дүниетанымы, салт-дәстүрі сақталады. Қазақ халқы үшін де тіл — тәуелсіздік пен тұтастықтың белгісі.

Қазіргі жаһандану дәуірінде қазақ тіліне деген құрметті сақтау — әр азаматтың парызы. Кей жастар арасында өз тілінде сөйлеуден ұялу, қазақша сөйлеуді "ескілік" санау үрдісі байқалады. Бұл — қауіпті құбылыс. Себебі тілінен айырылған халық — болашағынан айырылады.

Тілді сақтау — оны тек сөйлеу деңгейінде емес, күнделікті өмірде, әлеуметтік желілерде, мәдени іс-шараларда қолдану. Мемлекеттік мекемелерде, білім беру орындарында, бизнес пен ғылым саласында қазақ тілінің қолданысын арттыру — маңызды міндет. Сонымен қатар, отбасы — тіл тәрбиесінің бастау көзі. Бала алғаш ана тілінде сөйлеуі үшін ата-ана үлгі болуы қажет.

Бүгінгі таңда жастар арасында қазақ әдебиетін оқу, ұлттық құндылықтарға бет бұру үрдісі байқалады. Бұл — қуанышты жаңалық. Біз тіл арқылы рухымызды сақтап, ұлттық кодты келер ұрпаққа жеткізе аламыз.

Қорыта айтқанда, тіл — жәй байланыс құралы емес, ол — ұлттың жан-дүниесі. Қазақ тілін сүю, дамыту — ұлт алдындағы қасиетті борыш.