Тіл –ұлттық құндылық

Тіл – ұлттың жаны,рухы,оның бет-бейнесі,ертеңі мен болашағы.Қай ұлтта, қай мемлекетте болмасын тіл маңызды рөл атқарады. Адам баласының бойына ана тілі анасының ақ сүтімен дариды. Мемлекеттік тілді сол елдің төлқұжаты десек те болады. Әрбір елдің өзіне тән ерекшелейтін өз ана тілі, салт-дәстүрі, әдеп-ғұрыптары бар. Оның бәрі ата-бабамыздан келе жатқан сарқылмас қазына. Тіл жанашыры Ахмет Байтұрсынұлының «Егер де біз қазақ деген ұлт болып тұруды тілесек, қарнымыз ашпас қамын ойлағандай тіліміздің де сақталу қамын қатар ойлау керек» деген жақсы сөзі бар.

Расында да тілсіз біз ешкім емеспіз. Ұлттық болмысымыздан, дәстүрімізден айырыламыз.
Тілге деген құрметті алдымен әркім өзінен бастауы керек. Күнделікті қолданыста ауыз екі тілде ғана емес, техника тілін де өз ана тілінде қолданса, тілге деген сұраныс артады. Мемлекеттік тіліміздің мәртебесін көтеру – өз қолымызда.Т іл туралы жазу, ол туралы айтудан қашпау да, жалықпау да керек. Себебі, тіл бүкіл бір халықтың жүрегі. Тіл – ең ұлы қару. Тіл – ең асыл құндылық. Тіл – ең керемет қатынас құралы. Қазақ тілі – әлемдегі мағынасы көп, синонимдік тіркесі мол, сөйлеу стилі сұлу, ерекше тіл. Абайға дейін жыраулар, батырлар мен хандар, шешендер осы ана тіліміз арқылы дау шешіп, соғыстың бетін қайтарған.

Тіл -жеке адам ойлап тапқан туынды емес,ол барша ұлтқа ортақ ,соның төл перзенті.Сол халықтың мәдени әлеуметтік өмірінде өзіндік мәні бар киелі ұғым.Тіл ата-бабамыздан қалған асыл қазына.Тіл-тәуелсіздік тұғыры.Тіл-ұлттың жан дүниесі.

Қай қоғамдада тіл мәселесі болатыны белгілі.Біздің ұлтта да тіл мәселесі өзекті.Қазақстанда қазақ тілі-мемлекеттік тіл.Солай бола тұрса да,бізде қазір көптеген қазақтар өзара орысша сөйлесіп,қазақ тілінің таралу өрісін тарылтып,қолдану аясын әлсіретуде.Қазір көптеген жастар ана тілін дұыс білмейді.Сол себепті тіліміз құлдырап барады.Тіл тағдыры- ел тағдыры екенің еш уақытта ұмытпай, әрбір адам өз ана тілін білуі және меңгеруі міндетті. Сондықтан әрбір азамат мәңгілік еліміздің сарқылмас байлығы –қазақ тілің көзінің қарашығындай сақтап ,құрметін арттырса,ұлтымыздың болашағы жарқын болары анық. Ана тілімізбен мақтанып,тілімізді құрметтейік!

Табылды Аяулым Кенжебекқызы