Тоғызқұмалақ үйірме жоспары

Түсінік хат

Қоғамымыздың іргетасын нығайту үшін бүгінгі жастарға үлгілі, өнегелі тәрбие беру - қазіргі міндеттердің бірі.
Оқушыда жалпы адамзаттық құндылықтар мен адамның айналадағы дүниемен жеке тұлғалық қатынасын (этикалық, эстетикалық, адамгершілік тұрғысынан) тәрбиелеу мақсатын халқымыздың мәдени рухани мұрасының, салт-дәстүрінің озық үлгілерін оның бойына дарыту арқылы жүзеге асыруға болады. Осымен байланысты бағдарлама халқымызға тән әдептілік, қонақжайлық, мейірімділік, т.б. сияқты қасиеттер, табиғатқа деген қарым-қатынасындағы қазақ халыққа тән ерекшеліктер. Жас ұрпақ қазақ халқының мәдениетімен, асыл мұраларымен ұлттық әдебиеттер арқылы танысып келеді. Халық ойынды тәрбие құралы деп таныған. Ойынды сабақта қолдану оқушылардың ой-өрісін жетілдірумен бірге, өз халқының асыл мұраларын бойына сіңіріп, кейінгі ұрпаққа жеткізе білу құралы.
Тоғызқұмалақ ойыны-өте қызық әрі терең ойлауды талап ететін, халқымыздың даналығын көрсететін ұлттық ойындарының бірі. Халқымызбен бірге жасасып келе жатқан тоғызқұмалақ ойыны қазір кең тарап, дамып, жетіліп келеді.

Халық педагогикасының адам, отбасы, өскелең жас ұрпақты тәрбиелеу туралы арман-мақсаттарын, орныққан пікірлерін, ұсыныстарын қамтып көрсететін педагогикалық идеялар мен салт-дәстүрлері өткен мен қазіргінің арасындағы байланысты көрсетеді.

«Тоғызқұмалақ» спорттық үйірменің бағдарламасы 5-9 сыныптар оқушыларына арналып құрастырылған. Аптасына 1 сағаттан өтеді, жылына 34 сағат қарастырылған.

«Тоғызқұмалақ» үйірмесінің мақсаты:

• Ұлттық өнерімізді әрі қарай дамыту, насихаттау;

• өсіп келе жатқан жасөспірімдерге үйрену, өз бетімен айналысуға баулу;

• балаларды логикалық ойлауға, математикалық ықшам сақтау әдістеріне үйрету;

• ойынға деген қызығушылықтарын арттыру арқылы қатысушылардың санымен, сапасын өсіру.

«Тоғызқұмалақ» үйірмесінің міндеті:

• «Тоғызқұмалақ» сабақтарына міндетті түрде қатысу;

• өзінің даярлығын арттыру және спорттық шеберлігін жетілдіру;

• спорттық бұқаралық бағытта өткізілетін шараларға белсене қатысу;

• мұғалімнің нұсқау кеңестерін пайдалана отырып, жаттығуларды өз беттерімен орындау;

• тоғызқұмалақ теориялық білімінің талаптарын білу және тәжірибе жүзінде қолдану

Күтілетін нәтижелер.
- Тоғызқұмалақ ойыны ұлттық ойын түрі ретінде мектеп оқушылары арасында кеңінен таратылады.
- Үйірме мүшелері тоғызқұмалақ ойынына машықтанады, мол тәжірибе жинайды.
- Осы ойын әдістерін үйрету арқылы ұрпақтар сабақтастығы жалғасады.
- Дарынды оқушылар іріктеледі.
- Аудандық байқауларға қатысу арқылы бұл ойын бұқаралық сипатқа ие болады

Тоғызқұмалақ үйірмесінің жоспары

Пайдаланатын әдебиеттер:

1. «Тоғызқұмалақ» Ә. Ақшораев

2. «Тоғызқұмалақ есептері мен этюдтері» М. Шотаев

3. «Тоғызқұмалақтың теледидарлық сабақтары» М. Шотаев

4. «Тоғызқұмалақ ұлттық ойыны» А.Ж. Куватов

5. «Тоғызқұмалақты бірге үйренейік» Д.И. Қапаев, С.К. Ақтаев,

А.Ж. Куватов