ТОЛАҒАЙ эстафеталық сайысы

Тақырыбы: «Толағай» эстафеталық сайысы

Мақсаты: 1. Салауатты өмір салтын қалыптастыру;

2. Оқушылардың демалыс кезіндегі бос уақытын тиімді пайдалану;

3. Оқушылардың дене қасиеттерін дамыту, дені сау ұрпақ тәрбиелеу;

Құрметті ұстаздар және оқушылар! Біздің оқушыларымыз дені сау, саналы, білімді, өрісі биік, денсаулығы мықты болып өсуі қажет. Олай болса, бүгінгі оқушыларымыздың демалыс кезіндегі бос уақытын тиімді пайдалану мақсатында 5 – сынып білім алушылары мен сынып жетекшілері арасында ұйымдастырылып отырған «Толағай» эстафеталық сайысына қош келдіңіздер!

1. Ұстанған салауатты өмір салтын,
   Жасқанып, ешқашан да мойымайтын,
   Болашақ спортшылар келді ортаға
   Қол соғып қарсы алайық, қане, халқым!

2. Әр таңды бақытпенен атырамыз
   Өнерді ой көгінде бақылаңыз,
   Сайысқа қатысуға енді ортаға
   «ТОЛАҒАЙҒА»қатысатын командаларды шақырамыз – дей келе ортаға бүгінгі спортшы оқушыларымызды шақырамыз.

1. Алғашқы болып ортаға шығатын, 5 «А» класын қол соғып қарсы алайық. Класс жетекшісі –

2. Келесі болып ортаға шығатын, 5 «Ә» класын қарсы алайық. Класс жетекшісі –

3. Ортамызға келесі болып шығатын 5 «Б» класын қол соғып ортаға шақырамыз. Класс жетекшісі –

4. Келесі болып ортаға шығатын, 5 «В» класын қарсы алайық. Класс жетекшісі –

Сайысты бастамас бұрын, сайысымызға әділ баға беретін әділқазылар алқасымен таныстырайық.

1.________________________________________________

2.________________________________________________

3.________________________________________________

4.________________________________________________

Спорттық сайысымыз бес балдық жүйемен бағаланады.

Құрметті жарысқа түскелі тұрған командалар, әділқазы алқалары және сайысымыздың қонақтары! Сайысымыздың әр бөлімімен таныстыруға рұқсат етіңіздер.

Сайысымыз 7 кезеңнен тұрады:

1. «Таныстыру» кезеңі (команда аты, ұраны, төсбелгісі)

2. Эстафеталық таяқшамен жүгіру

3. «Шар мен стакан» икемділер мен шапшаңдар сайысы;

4. Ептілікті іске қосайық... (теннис шаригін стаанға түсіру)

5. «Шығыршықтан өтіп көр» Шығыршықпен сайыс

6. Дәл түсір... (баклашканы лақтырып түсіру)

7. «Командаңды жина...» Шығыршықпен жүгіру сайысы

Ендеше сайысымызды бастаймыз.

1 - кезең: «Таныстыру» кезеңіне кезек берейік.
Шарты: Әр топ өздерін таныстырып, ұрандарын айтады.

1. 5 «А» класын ортаға шақырамыз.

2. 5 «Ә» класын ортаға шақырамыз.

3. 5 «Б» класын ортаға шақырамыз.

4. 5 «В» класын ортаға шақырамыз.

2 кезең: «Эстафеталық таяқшамен жүгіру» сайысына кезек береміз.

Шарты: Белгі бойынша әр команда сайыскерлері эстафеталық таяқшаны ұстап жүгіріп барып – келіп таяқшаны келесі сайыскерге береді. Сайыс осылай жалғасады.

3. кезең: «Шар мен стакан» икемділер мен шапшаңдар сайысы

Шарты: Шарды үру арқылы стаканды іліп алып жүгіріп барып мәреге жинау

4 кезең: Ептілікті іске қосайық... (теннис шаригін стаканға түсіру)

Шарты: Әр команда ойыншылары жүгіріп келіп стаканды көтеру арқылы үстінде тұрған шарикті ішіне түсіру қажет.

5 кезең: «Шығыршықтан өтіп көр» Шығыршықпен сайыс

Шарты: Әр команда жетекшісі ортада екі қолына шығыршық ұстап тұрады. Команда ойыншылары жүгіріп келіп арасынан өтуі қажет

6 кезең: Дәл түсір... (баклашканы лақтырып түсіру)

Шарты: Команда ойыншылары жүгіріп барып баклашканы айналдыра лақтырып дәл түсіру керек. Егер түсіре алмаған жағдайда конустан ұстап 3 рет айналып кері жүгіріп барады.

7 кезең: «Командаңды жина...» Шығыршықпен жүгіру сайысы

Шарты: Команда жетекшісі шығыршық арқылы команда ойыншыларын келесі мәре сызығына жинауы қажет.

Бүгінгі Толағай эстафеталық сайысы осымен аяқталды. Енді сайысымыздың шарттары бойынша қорытынды шығарып жеңімпаздарды анықтап, марапаттау үшін сөз әділқазы алқаларына беріледі..

«Толағай» әні қосылады.