Іс-әрекет кезеңдері

Тәрбиешінің іс-әрекеті

Балалардың іс-әрекеті

Мотивациялық-
қозғаушылық

Шаттық шеңбері:
Топ, топ басайық,
Жалаудан күн жасайық.
Жаса, жаса, алтын күн,
Жаса, жаса, жарқын күн.

Шаттық шеңберін қайталап, тәрбиешімен бірге қимылдар жасайды.

Ұйымдастырушылық-
ізденушілік

-Сендер ертегі тыңдағанды жақсы көресіңдер ме?
«Торғай мен түлкі» ертегісі
Баяғыда торғай мен түлкі дос болыпты. Түлкі:
-Торғай бауырым, екеуміз бірлесіп егін ексек қайтеді?- депті. Сөйтіп екеуі егін егіпті. Егіндері жайқалып, жақсы шығыпты. Бір күні екендерін орып, жинап алу үшін екеуі таңсәріден тұрып егістікке келеді. Түлкі:
-Торғай бауырым, сен астықты ора бер. Мен сонау төбеге шығып, аспанды тіреп, ұстай тұрайын. Әйтпесе төбемізге құлап кетіп жүрер, - деп қорқытады. 
Жарайды, - дейді торғай егінді оруға кіріседі. Түлкі төбеге шығады. Аспанды ұстап тұрған секілденіп, алдыңғы екі аяғын жоғары көтеріп, шоңқиып отырып қалады. 
Торғай: - Түлкі, түлкі қане бері кел, енді астық басайық, - дейді.
-Торғай, мен тұра бермесем болмас. Аспан құлап кетіп, бидайымызды басып қалар. Астықты өзің баса берсеңші, - дейді түлкі.
Торғай астық басып, содан соң бидайды тазалап болып:
-Түлкі бері кел, бидайды бөлісіп алайық, - дейді.
Мұны естіген түлкі жетіп келеді. Ол келе шелекті алып:
-Міне саған бір шелек, ал маған екі шелек. Өйткені мен аспанды ұстап тұрдым емес пе? Бұл әлдеқайда ауыр жұмыс қой, - дейді.
Торғай үн қатпайды. Өз еншісіне тиген бидайды алады да, басы ауған жаққа кете барады. Жолда оған бір ит жолығып:
-Сен неге көңілсізсің? – деп сұрайды.
Торғай өзінің түлкіден көрген қорлығын айтып береді.
Қудың мына қулығына ызаланған ит: -Жүр мені, астық қоймасына ертіп апар, - дейді. Торғай итті түлкінің қоймасына алып келеді. Ит қоймаға кіріп, бидайға көміліп, түлкіні аңдып жатады. Келесі күні түлкі де келіп, диірменге тарттырып алмақ болып, бидайып қаптай бастайды. Бір кезде астық арасынан иттің құлағы көрінеді. Түлкі: «Мұны жеуге болатын нәрсе екен» деп ойлайды да, қауып кеп қалады. Осы кезде ит арс етіп шығып, түлкінің өзіне тап береді. Зәресі ұшқан түлкі әзер дегенде қашып құтылады. 
-Балалар біз бүгін «Торғай мен түлкі» ертегісімен таныстық. Ендеше ертегі кейіпкерлерін қайталап айтайық.
-Түл-кі
-Тор-ғай
-Балалар, білесіңдер ме, түлкі өте қу аң. Ал торғай момын, тез алданып қалатын

Балалар ертегіні тыңдайды.