«Молодежный к. №23 орта мектебінің базасындағы тірек мектебі (ресурстық орталығы)» КММ.

Ашық сабақ

Тақырыбы: «Тотығу. Оксидтер. Олардың атаулары»

(8-сынып)

Химия-биология мұғалімі: Молдабаева Ж.Е

Сабақтың тақырыбы: «Тотығу. Оксидтер. Олардың атаулары»

Сабақтың мақсаты: Бейорганикалық қосылыстардың бірі оксидтермен танысып, олардың атауларымен танысу, тотығу реакциясына анықтама беру.

Міндеттері:

Білім беру: Заттардың оттекпен әрекеттесуі-тотығу реакциясы, екі элементтен тұратын біреуі оттек болатын қосылыстарды оксидтер екенін түсіндіру.

Дамыту:Бейорганикалық қосылыстардың негізгі кластары туралы білім дамыту.

Тәрбиелеу:Жауапкершілік, ізденімпаздық, ұжымшылдық сезімге тәрбиелеу.

Сабақтың түрі: аралас сабақ.

Құрал-жабдықтар: периодтық кесте, кітап, карточкалар.

Сабақтың жоспары: І.Ұйымдастыру кезеңі.(1-2 минут)

ІІ. Үй жұмысын тексеру. (10-15 минут)

ІІІ. Жаңа тақырыпты оқыту. (10-15 минут)

ІV. Жаңа тақырыпты қорытындылау. (5-6 минут)

V. Бекіту. (5-8 минут)

VI. Үйге тапсырма .(1-2 минут)

VII. Бағалау. (1-2 минут)

Сабақтың барысы:

І. Ұйымдастыру кезеңі.

–Сәлеметсіздерме балалар! Бүгін кім кезекші? Сабақта кім жоқ?

- Жаңа тақырыпты бастамас бұрын біз үй жұмысын тексерейік.

ІІ. Үй жұмысын тексеру.

1.Оттек қандай заттармен әрекеттеседі?

2.Реакция кезінде жылу бөлініп, жарық шығару реакциясы қандай реакция?

3.Көмірдің оттекпен әрекеттесу реакциясы қалай жүреді жалпы сипаттама?

4.Күкірттің оттекпен әрекеттесу реакциясы?

5. Фосфордың оттекпен әрекеттесу реакциясы?

6.Темірдің оттекпен әректтесу реакциясы?

ІІІ. Жаңа тақырыпты оқыту.

Заттардың оттекпен әрекеттесуі тотығу реакциясына жатады. Оттек заттармен әрекеттескенде тотықтырғыш қызметін атқарады. Оттек барлық металдармен және бейметалдармен әреттесіп, оксидтер түзеді. Мысалы:

4AL+3O₂=2AL₂O₃

2Cu+O₂=2CuO

Мұндағы оттек алюминий, мыс атомдарын тотықтырып, алюминий оксидін және мыс (ІІ) оксидін түзеді.

Жай заттардың оттекпен әрекеттесуінің жалпы сызбасы:

жай зат

оттек

оксид

+ =

Оксидтер – біреуі оттек болып келетін екі элементтен құралған қосылыстар.

Оксидтердің құрамы екі элементтен тұратындықтан биэлементті қосылыстарға жатады. Биэлементті қосылыстардың формуласында, алдымен тиісті элемент атомының, одан соң оттек атомының таңбасы жазылады.

Мысалы:

Fe₂O₃-темір (ІІІ) оксиді, дитемір триоксиді.

CuO-мыс (ІІ) оксиді, мыс монооксиді

SO_3-күкірт (VІ) оксиді, күкірт триоксиді.

Mn₂O₇-марганец (VІІ) оксиді ,димарганец гептаоксиді.

AL₂O₃-алюминий (ІІІ) оксиді немесе диалюминий триоксиді.

Атомдар саны грекше оқылады, яғни моно-бір, ди-екі, три-үш, тетра-төрт, пента-бес, гекса-алты, гепта-жеті т.б

ІV. Жаңа тақырыпты қорытындылау.

Заттардың оттекпен әрекеттесуі –тотығу реакциясы болып табылады.

Оксидтер дегеніміз- біреуі оттек болып келетін екі элементтен құралған, биэлементті қосылыстар.

V. Бекіту.

Есеп шығару.

№1

Формулалары келтірілген заттардың ішінен : KOH, CaO, H₂S, H₂O, CO_2, ALCL₃, AL₂O₃, Fe₃O₄, SO₂.

№2

Формулалары берілген оксидтердегі: H₂O, B₂O₃, N₂O₅, P₂O₅, N₂O₃, Fe₂O₃,Cu₂O, Ag₂O

Оттекпен байланысып тұрған элементтердің валенттіліктерін элемент таңбасының үстіне жазыңдар.

№3

Оксидтердің формулаларын құраңдар:

AL(ІІІ), Li(І), N(V), Hg(І), Cr(ІІІ), Mn (VII)

VI. Үйге тапсырма. §23 оқу,66-бет

№1,2,3-стандартты деңгей,

№4,5-алгоритмдік деңгей,

№6 эврикалық деңгей.

VII. Бағалау.

Бүгінгі сабағымыз аяқталды, сау болыңдар!