Тəрбие сағаты. "Наурыз аруы 2019"

Наурыз аруы-2019

Мақсаты: қазақ қызының бойындағы ұлттық дәстүрімізге сай әдептілік, көріктілік, ептілік, инабаттылық, кішіпейілділік, сұлулық т.б жан-жақты ұлттық қасиеттерін таныта білу, қазақ халқының ұлттық өнерін, салт-дәстүрін дәріптеуге үйрету, оқушылардың танымдық және шығрмашылық қабілетін, эстетикалық талғамын, шебірлігін дамыту, көпшілік алдында өзін-өзі ұстай білуге, мейірімділікке тәрбиелеу.

1-жүргізуші: Армысыздар, құрметті ұстаздар, көктем гүліндей жайнаған қыздар! Бүгін сіздер мектебіміздің «Наурыз аруы-2019» байқауын тамашалауға келіп отырсыздар. Қош келдіңіздер!

2-жүргізуші: :  Сіздерге мерекелік көңіл –күй тілей отырып, сіздерді көгілдір көктемнің шуақты күндерімен бірге келетін 22 Наурыз Ұлыстың Ұлы күнімен шын жүректен құттықтаймыз.

1-жүргізуші:

Армысыздар ағайын, құрбы- құрдас!

Бармысыздар жан күйер, әр қауымдас!

Бүгінгі кеш әуенін біз бастайық,

Сайыста көңілменен қол соғайық!

2-жүргізуші:

Тіл байланып қалатындай көргенде,

Сұлулықты соған ғана бергенбе.

Кімде болса бас иеді мойындап,

Қарсы алдына қыздарымыз келгенде

1- жүргізуші:

Шық аруым жарысқа,

Бір-бірінен қалыспа.

Өнеріңді байқасын,

Мына отырған халықта та, - демекші бүгінгі мектепішілік байқауға қатысатын аруларымызды ортаға шақырайық.

2- жүргізуші:

Жақсы адам кімге болсын болар пана,

Мол оның тал бойында ақыл, сана.

Көркіне ақылы да сай келетін

Бірінші келе жатқан –бұл Елизавета

Қарсы алыңыздар сахнаға 1-ші қатысушымыз 8 «А» сынып оқушысы

Митина Елизавета келеді!

1- жүргізуші:

Жақсыдан артта із қалмақ,

Данадан айтар сөз қалмақ,

Гульнара қызға қарасаң,

Жайнап бір тұрған қызғалдақ.

Қошемет көрсетіңіздер, сахнаға 2-ші қатысушымыз 8 «Б» сынып оқушысы Хинизова Гульнара келеді!

2- жүргізуші:

Мінезі жұмсақ мақпалдай,

Көргенде таңдай қақандай.

Анна  ару қайда бар

Арайлап атқан ақ таңдай

Қарсы алыңыздар сахнаға 3-ші қатысушымыз 8 «В» сынып оқушысы Коф Анна келеді.

1- жүргізуші:

Асем деген арудың,

Сурет десең келбетің

Шартарапқа шашып нұр,

Аспанның айы жерде тұр.

Ду қол шапалақ, сахнада 4-ші қатысушымыз 8«Г» сынып оқушысы Абдахманова Асем келеді.

2- жүргізуші:

Шалқытып мерекеде ән салайық,
Өнерпаз өрендерге тамсанайық.
Әділдік пен шындықты арқа тұтқан
Әділқазы алқасымен танысайық.

Қыздарымыздың өнерін, еңбегін бағалайтын әділқазылар алқасымен таныс болыңыздар:

Мектебіміздің оқу-ісі жөніндегі орынбасары – Қазбекова Кульнар Сугурбековна

Мектебіміздің тәрбие -ісі жөніндегі орынбасары – Матбакиева Аийдам Азимжановна

Мектебіміздің қазақ тілі мен әдебиеті пәнінің мұғалімі –

Мектебіміздің қазақ тілі мен әдебиеті пәнінің мұғалімі –

1-жүргізуші: Ендігі сәтте бүгінгі байқауымыздың кезеңдерін атап өтейін.

1 – кезең. «Сәлем – сөздің атасы» – деп аталады, әр ару өзін - өзі таныстырады.

2 – кезең. «Өнерлі өрге жүзер», әр ару өз өнерлерін көрсетеді. (Барлық өнер түрлері жатады, оның ішінде ән, би, мәнерлеп оқу немесе қолөнер).

3 – кезең. «Анамның сүйікті асы». Арулар өздерінің үйден жасап келген ұлттық тағамдарын қалай пісірілуін айтып беріп, көрсетеді.

4- кезең. «Сәндік өнер», яғни бір қыз баланың шашын сәндейді де атын айтады.

2-жүргізуші:

Арулар келіп жетті танысуға

Бойындағы бар дарынды танытуға

Қорықпастан сахнаға келгелі тұр

Әдеппен, ізетпен танысуға, - дей келе қыздарымыз өздерін таныстыруды бастасын. Ендеше 1- кезең таныстыру. Ортада -

8«А» сынып оқушысы Митина Елизавета

8 «Б» сынып оқушысы Хинизова Гульнара

8 «В» сынып оқушысы Коф Анна

8 «Г» сынып оқушысы Абдрахманова Асема

1-жүргізуші:

Біреулер сынға түсер өнерімен

Біреулер жырға түсер өлеңімен

Не болса да айтады жүрегімен

Өнер деген керемет деп білем мен – дей отырып келесі кезеңде аруларымыз өз өнерлерін көрсетеді. Қарсы алыңыздар. Ортада:

8«А» сынып оқушысы Митина Елизавета

8«Б» сынып оқушысы Хинизова Гульнара

8 «В» сынып оқушысы Коф Анна

8 «Г» сынып оқушысы Абдрахманова Асема

2-жүргізуші:

Арусыңдар таудай биік талабың,

Қызысыңдар еркін өскен даланың

Ал, қанекей мүдірмеңдер бұл сында

Ас әзірлеу, қыздар үшін қиын шаруа болып па? - келесі кезекте аруларымыз өздерінің үйден жасап келген ұлттық тағамдарын қалай пісірілуін айтып беріп, көрсетеді. Ортада -

8«А» сынып оқушысы Митина Елизавета

8«Б» сынып оқушысы Хинизова Гульнара

8 «В» сынып оқушысы Коф Анна

8 «Г» сынып оқушысы Абдрахманова Асем

1-жүргізуші:

Сұлу қыздар, ару қыздар, бұрымдылар

Шашты кеспей оны күтіп қараңдар.

Қыздың көркі шаш екенін түсініп

Өріп қойып шаш үлгісін жасаңдар, - ал, қазір байқауымыздың шешуші кезеңі. Қыздар шаш өру түрлерін көрсете отырып, шаш үлгісін жасайды және қорғайды.

2-жүргізуші:

Барына риза болсын көрермендер,

Көрсетті өнерлерін жас өрендер.

Осымен сайысымыз аяқталсын,

Қазылар берсін енді шын бағасын. Әділ қазыларға алқасына сөз беріледі.

1-жүргізуші:

Сайысқа қатысқан қыздарымызға және көрермендерімізге үлкен алғысымызды айтамыз. Осындай іс - шараларға белсене араласып, ат салысып қатысқандарыңызға көп - көп рахмет, келесі кездескенше ел аман, жұрт тыныш болсын!

Жалпы білім беретін №17 мектеп

Наурыз аруы-2019

Өткізген: Шарипова А.Б.

Алматы қаласы, 2019ж.