тренинг-сабақ

Облыстық есту қабілеті бұзылған балаларға арналған арнайы

мектеп-интернаты

«Өмір, сен маған қымбатсың!»

(Тренинг)

2020-2021 оқу жылы

Тренинг тақырыбы: «Өмір, сен маған қымбатсың!»

Мақсаты :

- өмір  адам  баласына  бір ақ  рет  берілетін  қымбат  сый  екеніне ықпал  ету.

-адам  бойында  болатын асыл  қасиеттерді, адамгершілік, мейірімділік  сезімдерін  дамыту . Жақсы  қасиеттерді  үйрету, жаман  қасиеттерден  жиренту .

- балалардың  ойын  ашу , өмірге  деген  көзқарастарын  қалыптастыру .

Қатысушылар: құрама топ

Көрнекілік  : Түрлі-түсті қалам, қарындаш, А4, түрлі түсті қарандаш, стикерлер т.б.       

Жоспары:

1. «Ойлануға  арналған  балықтар » жаттығуы.

2. « Сөйлемді  жалғастыр »  жаттығуы .

3. « Егер  сен  ағаш  болсаң » тренинг

4. « Менің  мақсатым » тренинг

5. Психологиялық  кеңес :  Қызықты  өмір  сүру  үшін!!!

Психолог:

- Өмір –ол  адамға  бірақ  рет  берілетін  баға  жетпес  қымбат  сый. Осындай  сыйды  саған  сыйлаған  кім ?... Әрине  саған осындай  баға  жетпес  сый  сыйлаған  ең  қымбат  адамдарың , ол  сенің  ата – анаң. Сондықтан  оларды  ренжітпеуіміз  керек ,айтады – ғой,

«Анаңды  үш  рет  Меккеге  арқалап апарсаңда борышыңды өтей алмайсың»  -деп. Себебі , біріншіден  ол  саған  «өмір»  сыйлады , саған  жарық  дүние көрсетті , сені  өсірді , сенің  ыстығыңа  күйді , суығыңа  тоңды, түн ұйқысын  төрт  бөліп  сені  аялады , тәрбиелеп  өсірді .

Егер  саған  анаң  осындай  баға  жетпес  сый  сыйласа,сен  соған  лайықты  өмір сүруге  тиіссің. Өз  өмірің , өз  әлемің  өз  қолыңда ! Біреуге  ренжіп ,біреуді  кінәлап , мін тағу  дұрыс  емес . Өмірдегі  қайғыны , қиындықты сәтсіздікті  көтере  білу  керек. Жаңа , жақсы  ойлар  ойлау  керек.

Адам  өмірі  жеңіс пен  жеңілістен , сәттілік  пен сәтсіздіктен қайғы  мен  қуаныштан  құралады . Міне  өмірдің  өзі  біле білсең  сонысымен  қымбат.

Енді  осы  өмір  туралы  ойларымызды  тренингжаттығу  жасау  арқылы  жалғастырайық .

1. «Ойлануға  арналған  балықтар» жаттығуы.  ( сұрақ – жауап  түрінде )

Мақсаты: оқушылардың өмірге деген ойларын, өз өмірлеріне және басқаның өміріне деген көзқарастарын білу. Бір-бірімен пікір алмастыру арқылы жаңа ой түйдіру.

Нұсқау: Оқушылар төмендегі сұрақтарға жауап береді.

-         Өмір  дегеніміз не , қалай  түсінесің ?

-         Өмір  сүру  жақсы ма ,әлде  жаман ба ?

-         Сен  бақыттысың ба ?

-         Сені  не  қобалжытады , сондай  кездерің  болады  ма?

-         Өз - өзіне  қол  жұмсау  ерлік пе ,әлде  әлсіздік  пе ?

-         Егер  саған  біреу  қатты дауыс  көтеріп  ұрысса , сен  не  істейсің ?

-         Сенің  мінезіңнің  жаман , жақсы  жақтары  қандай ?

-         Келешекте  сен  өз  өміріңді  қалай  құрар  едің ?

2. « Сөйлемді  жалғастыр »  жаттығуы .

Мақсаты: оқушыларға аяқталмаған сөйлемдер айтып, жалғастыруға тапсырма беріп, олардың ой-толғаныстарын тыңдау. Олар үшін өмірде не маңызды екенін анықтау.

Нұсқау: ( жазылған  сөйлемді  өз  сөзімен толықтырып  жазып , ой  қорыту .)

-  Жақсы  өмір  - бұл   .....

-  Бақытты  адам  - ол  ......

3. «Егер  сен  ағаш  болсаң » тренинг .

Мақсаты: табиғатты мысалға ала отырып, адам өміріндегі құндылықтар жөнінде оқушылардың ойларын білу.

Нұсқау: балалар ,(жапырақ , діңгек , тамыр) біреуін  таңдаулары керек , неге  таңдағандарын  айтып  түсіндірулері  қажет.

жапырақ  - ол  көктейді , гүлдейді;

діңгек  -  барлық  ауыртпашылықты , жауапкершілікті  көтереді ;

тамыр – ол арқылы  бүкіл  ағаш  қоректенеді ;

4.Психологиялық  кеңес :  қызықты  өмір  сүру  үшін   ...

Мақсаты: оқушылардың жайлы, тыныш өмір сүрулері үшін маман ретінде кеңес беру. Олардың өмірінде болып жатқан қиын мәселелерді шешуге көмек беру.

- ай сайын  жаңа  кітап  оқы , оқығандарыңды  көңіліңе  тоқы ,

- икемің  бар  іспен айналыс , мыс. (ән  айту , би  билеу , шеберлік істер )

- әрбір  демалыс  күніңе  жоспар  жасап, қызықты  өткізуге  тырыс ,

- ертеңгілік  жаттығу  жаса , сергек  жүресің ,

- ата – анаңа , бауырларыңа т.б. жақындарыңа  көмектесіп  тұр.

- әр айдың бір  күнінде  өзіңді  басқа  біреудің орнына  қойып  көр , содан  өзгеше  ойлап , тәлім  алуға  тырыс ,

- әр  күні  кешке « мен  бүгін  не істедім?» деп  өзіңе  есеп  беріп  үйрен ,

- күнделік  жазуға  дағдылан , ол  сенің  ең  сенімді  серігің  бола алады .

Енді  осы  бүгінгі  іс – шарамыздың  соңында   «Өкпені  еріту» және

«Тазару»   жаттығуларын  жасайық.

Олай  болса  балалар  бүгінгі  күнімізге  ризамыз ба ?

Бәріміз    РИЗАМЫЗ  деп үш рет  қайталап  айтамыз.