Бекітемін

Астана қаласы әкімдігінің

ТҮЗЕТЕ -ДАМЫТУ БАҒДАРЛАМАСЫ

1-сынып

Арнайы педагог: Кисыкова С.А

Түсінік хат

Түзете-дамыту бағдарламасы Қазақстан Республикасы Білім және ғылым министрінің 2012 жылғы 8 қарашадағы № 500 бұйрығының 4-қосымшасының 6-тарауында психикалық дамуы тежелген оқушыларға арналған бастауыш білім берудің үлгілік оқу жоспарының «Түзету компонентінде» көрсетілген «Білімдерінде жетіспеушілігін жетілдіруге арналған жеке түзету сабақтары» пәнін негізге ала отырып құрастырылды.

Бағдарлама мазмұны оқушылардың жеке даму ерекшеліктерін ескере отырып, жалпы дамытушылық және пәндік бағыттарда жүзеге асырылады. Сабақтарда білім алушылардың оқу жетістіктеріндегі олқылықтарды толықтыруға, танымдық әрекеттерін дамытуға, тілдік дағдыларын жетілдіруге және жаңа оқу материалын қабылдауға мақсатты бағытталған дайындық жұмыстарына ерекше мән беріледі, сондай-ақ оқушылардың оқу мотивациясын арттыруға, өздігінен білім алуға, әлеуметтік бейімделуіне жағдай жасалады.

Сабақтың мақсаты – оқушылардың біліміндегі олқылықтардың орнын толықтыру, танымдық әрекеттері, тілдік, математикалық және графо-моторлық дағдыларын дамыту арқылы жаңа оқу материалын меңгеруге дайындау.

Негізгі міндеттері:

1. Оқушылардың танымдық процестерін (зейін, есте сақтау, ойлау, қиял) дамыту;

2. Сөйлеу тілін және коммуникативтік дағдыларын жетілдіру;

3. Жалпы оқу біліктері мен дағдыларын (оқу, жазу, санау) қалыптастыру;

4. Математика, қазақ тілі және басқа да негізгі пәндер бойынша білімдегі олқылықтарды толықтыру;

5. Кеңістікте бағдарлау, графо-моторлық және математикалық дағдыларды дамыту;

6. Әлеуметтік бейімделу, өзін-өзі басқару және қарым-қатынас жасау дағдыларын қалыптастыру.

Арнайы педагогтың түзете-дамыту бағдарламасының мазмұны келесі бағыттардан тұрады:

• Жалпы дамытушылық бағыт. Бұл бағыт оқушылардың жеке даму ерекшеліктерін ескере отырып, олардың танымдық әрекеттерін (зейін, есте сақтау, ойлау, қиял), сөйлеуін, қарым-қатынасын, кеңістікте бағдарлауын, графо-моторлық дағдыларын және оқу мотивациясын дамытуға бағытталған. Сабақ барысында баланың жалпы оқу дағдыларын қалыптастыруға, тілдік және коммуникативтік қабілеттерін жетілдіруге ерекше көңіл бөлінеді.

• Пәндік бағыт. Бұл бағыт білім алудағы олқылықтарды толықтыруға арналған. Қазақстан Республикасы Оқу-ағарту министрлігінің 2022 жылғы 16 қыркүйектегі №399 бұйрығының 1-қосымшасына сәйкес бастауыш білім беру деңгейінің 1-сыныбына арналған «Әліппе» оқу пәні бойынша үлгілік оқу бағдарламасының мазмұны және тереңдетілген педагогикалық диагностика нәтижелері негізге алынады. Осыған сәйкес математика пәнінің үлгілік оқу бағдарламасынан тиісті оқу мақсаттары енгізіліп, оқушылардың пәндік білімдері жетілдіріледі.

«Әліппе» оқу пәнінің 1-сыныпқа арналған базалық мазмұны:

Тыңдалым мен айтылым:

      1) мұғалімнің, өзге білім алушылардың сөзін тыңдай білу, тыңдалым мәнін түсіну, сұраққа дұрыс әрі нақты жауап беруді қалыптастыру; коммуникативтік мақсаттарына сәйкес қарым-қатынас дағдыларын дамыту;

      2) ертегі айту; өлең, санамақ, мақал-мәтел, жаңылтпаш, жұмбақты жатқа айту;

      3) дауысты және дауыссыз дыбыстарды ажырата білуді; буын, сөзді буынға бөлу; дауысты дыбыстардың буын құрау дағдыларын қалыптастыру;

      4) дыбыстың әріппен жазылуын; сөздің дыбыстық және әріптік құрамының сәйкестігін/ сәйкес еместігін анықтау;

      5) сөздік қорын байыту; сөзді тіркестіре білу, сөйлем және шағын мәтін (сюжетті суреттер бойынша әңгіме құрау; көрген-білгені, естігені туралы әңгімелеу) құрай білу;

      6) сөз әдебінің формаларын қолдану (сәлемдесу, алғыс білдіру, кешірім сұрау, өтініш айту, рұқсат сұрау, қоштасу).

      Ескерту: Тыңдалым материалының көлемі: 30 сек - 1мин.

      15. Оқылым:

      1) сөздер мен сөйлемдердің құрылымын сызба арқылы түсініп, тани білу (сөздегі буын санын, сөйлемдегі сөз санын анықтау);

      2) сөздің мағынасын, сөйлемде айтылған ойды түсіну;

      3) қазақ тіліндегі жұп дыбыстардың (а-ә, о-ө, ұ-ү, ы-і, л-р, н-ң, с-з, с-ш, ж-ш, п-б, к-қ, г-ғ) ерекшеліктерін тану, өзге тілден енген сөздерде кездесетін дыбыстарды дұрыс айтуға үйрету;

      4) сөйлемді (2-6 сөз), мәтінді (4-10 сөйлем) түсініп, дауыстап оқу;

      5) буындап оқудан сөзді үзбей, толық оқуға үйрету.

      16. Жазылым:

      1) жазуға дайындық (дұрыс отырғызу, жарықтың дұрыс түсуі, дәптердің көлбеу орналасуы және жазу кезінде қарындаш/қаламды ұстай білу); парақтағы кеңістікті бағдарлай білуді қалыптастыру (жазу жолын, жоларалық кеңістікті, жазу жолының жоғарғы және төменгі сызықтары мен тік көлбеу сызықтардан шықпау); сурет салу, штрихтау, бастыра жазу, әріп элементтерін жазу;

      2) сурет бойынша сөйлем құрастыру, берілген сөздерден сөйлемдер құрастыру, сөйлемдегі сөздердің санын анықтау, сөйлемдердің графикалық модельдерін құру;

      3) көркем жазу нормаларын сақтай отырып, әріп элементтерін, бас және кіші әріптерді, буын, сөз, сөйлемді және оларды байланыстыра жазу;

      4) сөйлемнің басындағы сөзді бас әріптен жазу, сөйлем ішінде сөздердің бөлек жазылуы, сөйлемнің соңына тыныс белгісін қою;

      5) қарапайым сұрақтарға жазбаша жауап беру, сюжетті суретке қарап мәтін құрастыру;

      6) қатесіз, көркем жазу дағдыларын қалыптастыру.

«Математика» оқу пәнінің 1-сыныпқа арналған базалық мазмұны:

1. «Сандар мен шамалар»: натурал сандар тура, кері және реттік санау, сандарды оқу, жазу және салыстыру, сандар құрамы, разрядтық құрамы, разрядтық қосылғыштар, ондықтар, сандарды топтап санау, сандармен амалдар орындау, сандарды қосу мен азайту, қосу мен азайту өзара кері амалдар, қосудың ауыстырымдылық қасиеті, сандардың қосу кестесі, шамалар және олардың өлшем бірліктері, ұзындық, уақыт шамалары, шамаларды өлшеу, салыстыру, түрлендіру, циферблат бойынша уақытты анықтау, тиындармен әрекеттер;

2. «Алгебра элементтері»: сандық және әріптік өрнектер, сандық және әріптік өрнектерді құрастыру, жазу және оқу;

3. «Геометрия элементтері»: геометриялық фигуралар және олардың жіктелуі, нүкте, түзу, қисық сызық, тұйықталған және тұйықталмаған сызық, кесінді, сәуле, бұрыш, жазық және кеңістік фигуралар, геометриялық фигураларды кескіндеу және салу, түзу, қисық сызық, сынық сызық, кесінді;

4. 4) «Математикалық моделдеу»: есептерді кесте, сызба, қысқа жазба түрінде моделдеу, ұғымдар, терминдар, есептерді талдау және шығару, кері есептер, есептерді шығару тәсілдері, сандарды бейнелеу, "+", "-", "≠", "=", ">", "<" белгілері, сан сәулесі, қосу және азайту амалдарының компоненттері.

Оқу жылының соңында қорытынды педагогикалық диагностика жүргізіліп, түзете-дамыту жұмыстарының нәтижесін қорытындыланады, мониторинг жасалады.

Түзету-дамыту бағдарламасы

1-сынып, І-жартыжылдық

   Бағдарламаны әзірлеу күні: 15.09.2025

      Баланың тегі, аты, әкесінің аты: Әнуарбек Әміре Қуанышұлы

      Жасы: 8жас

      Дефектолог: Кисыкова С.А

Түзету – дамыту көмегінің нәтижелері

Маман қорытындысы:_________________________________________________________________
_____________________________________________________________________________________
______________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________