"Туған жердей жер болмас"

Жүзімдіктен шыққан жаны жайсан,жомарт аға

Туған жер,туған өлке дегенге баршаның алып ұшып тұратыны анық. Ауылына қарап адамын таны демекші, бүгінде Жүзімдік ауылының көркейуіне үлкен септігін тигізіп жүрген

Талғат Ысқақов туралы не десекте жарасатыны мәлім. Елге,жерге деген сүйіспеншілігі мен кеңдігі керегедей бұл кісінің айтсақ ауыз толтырарлық істері ерен.

Адамды айтқан сөзден емес істеген істен таниды демекші, бүгінде Талғат ағамыздың Жүзімдік ауылына деген шексіз қызметі өлшеусіз. 2014 жылы ауылға мешіт салдырды

Мектеп не мешіт салдыру ол – игі істің басы деген сөзді естігенім бар еді. Бұл өте сауапты іс. Ауыл орталығында күмбезі көкпен жалғасқан алланың үйі бар. Мешіттің ашылуы салтанатты түрде өтті. Ауылдың беделі бір көтеріліп, ауыл қарияларымыз бір марқайып қалды. 2016 жылы ауылға үлкен спорт кешенін салып берді.

«Спорт денсаулық кепілі» демекші спортқа қызықпайтын адам жоқ шығар. Бүгінде ауыл жастары спорт кешенінен аяқ үзбейді.Жүзімдік ауылының жас спортшылары бүгінде валейбол,баскетбол,футбол,тенис тағы да басқа спорт түрлерінен жарысқа барып ауыл абыройын айға іліп келген жетістіктері жетерлік. Тәуелсіздіктің 25 жылдығымен тұспа - тұс келген бұл қуаныш, нұр үстіне нұр болды.

Талғат Ысқақовтың туған жерге,елге деген осындай қызметтері мұнымен шектелмейді. Ауылдан шыққан кеңпейілді кәсіпкер аудандық жарысқа барған оқушыларға көмек көрсетіп жеңіске жетуге мүмкіншілік жасап отырады. Қазіргі таңда Талғат ағамыз ТОО «Бал Текстиль» кілем өндіру мекемесінің диреторы болып қызмет атқарады. Талғат ағамыздың қызметін айтқан себебім ауыл жастарының бәрін өз қарамағына алып, қаншама отбасын жұмыспен қамтып, ауыл тұрғындарының алғысына бөленіп отыр. Талғат ағаға айтар алғысымыз шексіз.

Қазақстанда осындай жомарт жандар көбейсе ғылым,білім, спорт,өнер салалары қарқындап дамып, дес бермес елге айналарымыз кәдік. Осындай көк туымыз көкте, керегеміз кеңейіп, шаңырағымыз шарықтаған заманда «Қазақ» деген елдің бар екенін бүкіл әлемге паш еткізіп келеміз.Туған жердің,туған өлкенің әр қашан орны бөлек.

Оңтүстік Қазақстан облысы

Бәйдібек ауданы,Жүзімдік елді мекені

Жүзімдік жалпы орта мектебі МКМ

10-сынып оқушысы Отызбай Бексұлтан

жетекші мұғалім: Айымбет Назира