"Туған жерім аялы алтын бесігім"

Болашаққа бағдар: рухани жанғыру аясында «Туған жерім -аялы алтын бесігім» атты жыр кеші

Көрнекілігі: «Ауылым – киелі мекенім» атты кітап көрмесі

Мақсаты: Жас оқырмандарды өз елінің тарихын білуге, оны құрметтеуге тәрбиелеу, туған жеріне деген сүйіспеншілігін арттыру, туған елін, жерін қорғау әрбір азаматтың міндеті екенін көңіліне ұялату.

Жүргізуші: Құрметті оқырмандар! Болашаққа бағдар: рухани жанғыру аясында өткізіліп отырған «Туған жерім-аялы алтын бесігім» атты жыр кешіне қош келдіңіздер.

Шетте жүріп, қу тірліктен шаршасаң,

Жүректегі сағынышты байқасаң

Ауылға кел, тауға шығып бой сергіт,

Туған жердің таза ауасын аңсасаң! – деп ақындарымыз жырлаған екен.

Кітапханашы: Туған жердің әрбір сайы мен қырқасы, тауы мен өзені тарихтан сыр шертеді. Әрбір жер атауының төркіні туралы талай-талай аңыздар мен әңгімелер бар. Әрбір өлкенің халқына суықта пана, ыстыққа сая болған, есімдері ел есінде сақталған біртуар перзенттнрі бар. Осының бәрін жасұрпақ біліп өсуі тиіс.

(Ауыл тарихынан бірер сөз)

Жүргізуші: Туған жерге, оның мәдениеті мен салт-дәстүріне айрықша іңкәрлікпен атсалысу-шынайы патриотизмнің маңызды көрністерінің бірі. Туған жерім, туған тарих қазынам,

Ақындарым жыр арнаған жазып ән

Сүмбе ауылында туғаныма мақтанам,

Туған жерім ол да менің бір анам.

Ауылдан шыққан ақындарымыздың жыр шумақтарына кезек берсек.

1. Көктемде

2. Сәби былдыры

3. Сыр

4. Ақжаңбыр

5. Тотықұс

6. Менің табиғатым

7. Әке мен бала\

8. Ескі сарын

9. Өзім туралы

10. Абай ескерткіш жаында

Жүргізуші: Патриотизм кіндік қаның тамған жеріңе, өскен ауылыңа, қалаң мен өңіріңе яғни туған жеріңе деген сүйіспеншіліктен басталады.

Жетісудіың алтын діңгегі,

Қосамын жырға Сүмбені.

Алатау маған дем беріп,

Кеудемнің шоғын үрледі. –деп Нұрлан ағамыз айтқандай «Туған жер жайындағы толғаулар» оқырмандар шығармашылығы туған жерге деген арнаулары.

1. Сүмбе самалы

2. Атамекен

3. Сүмбенің сұлу таулары

4. Ауылым

5. Тау қызымын

6. Тау самалы

Жүргізуші:

Ауылым ырысы мол құт мекенім

Мәңгіге ақ бесігін тербетемін

Саяңда ойнап өсіп білім алып,

Алаңсыз асыр салып ер жетемін.

Ер жетіп үмітіңді біз ақтармыз

Жеріңді ұлтарақтай біз сақтармыз

Қасиетті жер ана ауыл елді

Көркейтуге болашақ біз жастармыз.

Сөз: кітапхананың тұрақты оқырмандарының бірі Атагулова Гульназға беріледі.

Жүргізуші: Адам баласы – шексіз зерденің ғана емес, ғажайып сезімнің иесі. Туған жер- әркімнің шыр етіп жерге түскен, бауырында еңбектеп, қаз басқан қасиетті мекені, талай жанның өмір-бақи тұратын өлкесі. Оның қайда жүрсе де жүрегінің түбінде әлдилеп өтпейтін жан баласы болмайды.

Көгілдір көктем... Оралмас сол шақ,

Құс болып самғап кетіпті алшақ.

Жанымды кенет мұң торлай қалса,

Сүмбенің тұрам самалын аңсап.

1. Туған жер

2. Мұқағалиға

3.Атамекенім менің

4. Жалғыз мұң

Кітапханашы: Құрметті оқырмандар! Сүмбе деген ерекше сұлу мекен,

Туған жерге, сірә, не жетеді екен?

Ата-бабам аруағы, қолдай жүрсін,

Әрдайым аман болсын атамекен! –деп жырлаған Бүбішхан апамыз «Өнер алды қызыл тіл » деп өнеге айтып, ал өлеңдері – сөз патшасы деп бағалайтын жырсүйер қауымға ақындардың қадірі туралы айтып жатудың өзі артық. Ежелден –ақ еліне жыр қонақтап, көңілінде ән әуелеген қасиетті туған жерде, «Туған жер бағдарламасы» аясында өткізіліп жатқан шаралар осының айғағы емес пе? Ауылға деген ыстық жүректен шыққан жырлар мен шығармаларын тыңдап көрдік, осы шараға қатысқан оқырмандарымызға үлкен рахметметімізді айтамыз.

Ұйғыр ауданының білім бөлімінің «Сүмбе орта мектебі мектепке дейінгі шағын орталығымен» коммуналдық мемлекеттік мекемесі кітапханасының

«Болашаққа бағдар: рухани жаңғыруға» арналған қосымша жоспар