"Туған жерім Жүзімдігім"

Туған жерім Жүзімдігім

Туған жер... Әр адамның құлағына ыстық естілетін сөз. Туған жер дегеніміз адамның кіндік қаны тамған жері, жастайынан топырағында аунап,асыр салып ойнаған жері,өзенінде шомылып,бұлағынан су ішкен жері. Әрине, мұндай жер адамның жадында мәңгіге сақталады,ешқашан ұмытылмайды. Туған жер деген сөз естілгенде,өз ауылын бірден есіңе түседі. «Туған жердей жер болмас,туған елдей ел болмас» деп дана халқымыз бекер айтпаған.Туған жерге ешбір ауыл, қала тіпті Нью - Йорк,Дубай, Лондон, Париж сынды қалаларда тең келмейді. Ал, осы туған жерімізді көркейтуге өз үлесімізді қосу әрбір адамның парызы деп білемін. Алайда, қазіргі таңда туған жердің қадірін түсінбей жүрген жастарымыз қаншама. «Өзге елде сұлтан болғанша, өз елінде ұлтан» бол деген мақалды дана халқымыз бекер айтпаған болар. Сол себепті өзіміздің туған жерді аялап,қорғау біздің парызымыз.

Менің туған жерім - шағын ауыл Жүзімдік елді мекені. Мен бұл ауылды бессаусағымдай әрбір жерін жатқа білемін. Өйткені мен бұл жерде тудым,өстім. Біздің ауыл 80-90 шаңырақтан тұратын шағын ауыл. Ал, осы ауылымызды көркейтіп, үлкейтіп үлкен ауыл,тіпті қала қылу да өз қолымызда. Біздің ауылдан түрлі кәсіпкерлер , ақындар, әншілер, жазушылар да шықты. Біз осы ауыл түлектерімен мақтанамыз. Осылардың ішінде мен жеке кәсіпкер Талғат Ысқақов ағамызды ерекше айтқым келеді. Ол қазіргі таңда ауылды дамытуға ,көркейтуге белсене атсалысып жатқан ағамыздың бірі де,бірегейі. Атап айтқанда ол ауылға мешіт салдырып берді. Ауыл тұрғындары бұған дән риза әсіресе ауыл қариялары өте қуанышты. Одан кейін ауылға бұрын сонды болмаған спорт мектебін салдырып берді.Ауылдың спортқұмар балалары,жастары түрлі спорт түрлерімен айналысып, спортқа бейімделуде. Соның арқасында болашақта біздің ауылымыздан бүкіл Қазақстанға немесе әлемге танымал спортшы шықпасына кім кепіл. Осындай ағамызға қарап, қазіргі ауыл балалары біздер, үлгі алуымыз қажет. Бізде осы ағамыз сияқты болу үшін,әрине,көп оқып, еңбектенуміз қажет. Бізде келешекте Талғат Ысқақов ағамыз сынды елге үлгі боларлықтай азамат бола білуіміз керек ,- деп өз ойымды қорытындылаймын.

Ерхан Саңғылбай

Жүзімдік жалпы орта мектебі

мемлекеттік коммуналдық мекемесінің

8- сынып оқушысы

Оңтүстік Қазақстан облысы,Бәйдібек ауданы, Жүзімдік ауылы

Жетекші мұғалім: Айымбет Назира