Садиков Нургали Халдарбекович

№100 «Жұлдыз» ЖОМ-нің жоғары санатты мұғалімі, Ы.Алтынсарин төсбелгісінің иегері.

Туған жерім Сайрамым

Ыстық маған туған жердің топырағы, тасыда,

Ауасы мен суының да орны бөлек расында.

Кең даласы малға жайлы жатыр әне көсіліп,

Көз тоймастан қарай берем көкжиекке тесіліп.

Көне қала арман қала Сайрам дағы осында,

Тарихтарын айта бергің келеді екен досыңа.

Үйілген бір төбедей боп орны жатыр бүгінде,

Бүккен сырын білсем деймін, кейде қолдың босында.

Сайрам-су деп аталатын өзені бар атақты,

Таси қалса мезгілдетіп, салады бір шатақты.

Бірақ оны елеп жүрген, екшеп жүрген біздер жоқ,

Табиғаттың өз заңы ол шытпау керек қабақты.

Бабалардың қасиетті бір дініменен жуылған,

Қазақтың бұл қасиетті жерінде мен туылғам.

Сондықтанда қымбат маған қайда жүрсем туған жер,

Мен сол жердің жаралғанмын ауасы мен суынан!.