"Туған жерім, тұғырым - Қазақстан»

Барлыбаева Айша Есетбековна

Жамбыл облысы, Тараз қаласы

Әлихан Бөкейханов атындағы №1 гимназияның

қазақ тілі мен әдебиеті мұғалімі

«Туған жерім, тұғырым - Қазақстан» атты 6 сынып оқушылары арасында мәнерлеп оқу байқауы

Мақсаты: Жас ұрпақтың туған жерге, туған елге деген сүйіспеншілігін ояту, Отанды құрметтеуге шақыру, патриоттық тәрбие беру. Ой- өрісін, дүниетанымын кеңейту, өлеңді қазақ тілінде жатқа айту арқылы тіл байлығын арттыру.

Өту платформасы: «Дарын-онлайн»

Көрнекілігі: слайдтар, қанатты сөздер, ән «Көк тудың желбірегені».

Барысы:

Жүргізуші: Құрметті оқушылар мен ұстаздар, бүгінгі «Туған жерім, тұғырым - Қазақстан» атты 6 сынып оқушылары арасында өткізгелі отырған мәнерлеп оқу байқауына қош келдіңіздер!

Бұл байқаудың мақсаты, балалардың туған жерге, туған елге деген сүйіспеншілігін ояту, Отанды құрметтеуге шақыру, патриоттық тәрбие беру. Ой- өрісін, дүниетанымын кеңейту, өлеңді қазақ тілінде жатқа айту арқылы тіл байлығын арттыру.

Қазақстан дейтін, менің бар елім,

Жатыр алып жарты дүние әлемін,

Бұл даланы анам жаспен суарған

Бұл далада атам қолға ту алған,

Бұл далаға жылап келіп уанғам

Бұл даланы көріп алғаш қуанғам,

Бұл далада өскен жанда жоқ арман.

Байқаудың әділ қазылар алқасымен таныстырып өтейін:

Баймакашева Нурсулу Сайлаубековна-директордың орынбасары;

Шахабаева Айжан Аманкельдиевна-директордың орынбасары;

Исаев Бағдат Иманалиевич -директордың орынбасары;

Рапильбекова Гульшат Джумабаевна-қазақ тілі мен әдебиеті мұғалімдері.

Есенов Шапагат Нургаинович

Мұсабекова Мәдина Даниярбекқызы

Ажибаева Айнура Усербаевна

Абдуанова Мадина Оразбекқызы

Құдайберген Жансая Сандыбекқызы

Жомартова Назерке Ардаққызы

Мәлік Айгүл Біржанқызы

Асилдин Әлия Ерланқызы

Туған жер, туған ел, Қазақстан туралы өлең шумақтарын дайындап, осы байқауға қатысқалы отырған балаларымыз да дайын екен.

1.Менің Қазақстаным
Қазақстан – бар қазақтың киелі туған жері,
Қазақстан – қазағымның туған елі.
Кен байтақ Қазақстандай жерде туған
Қазақтың Тәңірі берген несібесі!

Алматы бұл бұрынғы астанамыз,
Алатаудай тауы бар асқаралы.
Нұрсұлтандай арысты туған өлке
Бақыттың баршасы басталады. Дайана Мақұлбек 6Г

2.Астана

Астана - бәйтеректің қаласындай,
Астана - бұл қазақтың панасындай.
Елге ғана осындай даласы бар
Астанадай жас қала жарасымды - ай!

Қазақстан - бұл біздің Отанымыз,
Қазақстан – бұл біздің ардағымыз.
Кең байтақ Қазақстандай жерде туған
Біздің сірә, барма екен арманымыз?! Алина Хамзаева 6Г

3.Елбасына
Елбасымыз жолдайды,
Халқы оны қолдайды.
Ешқашанда орынсыз,
Шешімдері болмайды.

Елбасы елді қорғайды,
Халық қамын ойлайды.
Осындай жақсы адамның,
Жақсылығы тарайды.

Тәуелсіздікті елге сыйлады,
Бейбітшілікті қалады.
Орындалып арманы,
Халқымыз да ажарлы.
Осының бәрі әрине,
Елбасының арқасы. Адель Есимова 6В

4.Туған жер

О, туған жер, кең пейіл, құшағың кең,

Саған көңіл бұлқынар күш-ағынмен.

Сағынышымды қанат қып саған қарай

Балапандай талпынып ұшамын мен.

Алақаны анамның – топырағың,

Сендік махаббатымның оты жалын.

Сені қалай сүюдің керектігін,

Мен ешқандай кітаптан оқымадым. Карина Хамзаева 6Г

5. Отан

Мен оның түнін сүйем, күнін сүйем,

Ағынды өзен, асқар тау, гүлін сүйем.

Мен оның қасиетті тілін сүйем,

Мен оның құдіретті үнін сүйем.

Бар жәндігін сүйемін қыбырлаған,

Бәрі маған: «Отан» деп сыбырлаған.

Жаным менің,

Кеудемді жарып шық та,

Бозторғайы бол оның шырылдаған! Акмарал Ильяс 6В

6. Туған жер

Шықшы тауға, қарашы кең далаңа,

Мәз боласын ұқсайсың жас балаға.

Ол шеті мен бұл шетіне жүгірсең,

Шарсайсың ба, құмарың бір қана ма?

Уа, дариға, алтын бесік - туған жер,

Қадіріңді келсем білмей, кеше гөр!

Жата алмас ем топырағыңда тебіренбей,

Ақын болмай, тасың болсам мен егер. Мафтуна Назарова 6В

7.Қазақстан

Ұлан байтақ жері бар,

Пайдалы қазба кені бар.

Тәуелсіз ел - Қазақстан

Көркіне көркі жарасқан.

Тәуелсіз азат елім,

Туып өскен- байтақ жерім.

Мәңгі жайнап тура бер

Қазақстаным менің! Эльзара Халилова 6В

8. Отаным

Отаным менің Қазақстан

Мәңгілік сенімен мақтанам

Саяңда жүрсем әрдайым

Күлімдеп жүрем бақ табам.

Отаным менің Қазақстан

Қарызбын саған әрқашан

Азаматтық борышты

Өтеуге мәңгі талпынам. Тамерлан Алатаев 6В

9. Отаным менің – Қазақстан.

Отаным менің - Қазақстан ,

Ыстық қой сенің топырағын.

Орманын, көлін, бау-бағын,

Қастерлеген қазағым.

Найзаның ұшымен қорғаған,

Халқым менің мықты ғой.

Ата-бабам әрқашан,

Салт - дәстүрін сақтаған. Ерсұлтан Серік 6Г

10. Туыспыз біз бәріміз,

Бір Отанды сүйеміз.

Бақытты елде тұрған соң,

Бақытты өмір сүреміз.

Қуат алған өзіңнен,

Туған елдің ұлымын.

Бақытты етіп өсірген,

Отанымның гүлімін. Зафар Алиев 6Г

«Челендж». Қатысушылардың бәрі бірігіп «Көк тудың желбірегені» әнін айтады.

Балалар көк тудың смуретін көтереді.

Қорытындылау. Қазылар алқасына сөз беру.