"Туған күнге арналған шарлар" Сенсорика.Ерте жас тобы

1 жас ерте «Балбөбек» тобы

Білім беру саласы:Таным

Ұйымдастырылған оқу қызметі:Сенсорика.
Тақырыбы: «Туған күнге арналған шарлар»
Мақсаты:Бір-бірімен байланысты тура және кері әрекетті орындай алады.Түрлі түсті шарларды қораптардан ауыстырып алып,сала біледі.

Күтілетін нәтиже:Түсі мен көлеміне қарамастан таныс заттарды таниды және көрсетеді, заттармен іс-әрекеттерді орындайды.
Көрнекілігі:Қоянның үйі.Түрлі-түсті шарлар.Әдемі қорап.

Барысы:

Шаттық шеңбері:
Қайырлы күн, ашық аспан!
Қайырлы күн, балабақша!
Қайырлы күн,балалар!

Тәрбиеші:Балалар бүгін біз балабақшамыздың жанындағы қоянның үйіне қонаққа барамыз.Бүгін қоянның туған күні екен.Мына сыйлықтарды қоянға сыйлаймыз.(Бір топ бала қоянның үйіне қарай барады )

Алдарынан қоян шығады.
-Сәлеметсің бе,қоян.Туған күніңмен.Біз құттықтауға келдік.
-Балалар,бұл қолымыздағы шар деп аталады.Шарларды туған күндерде,қуанышты күндерде пайдаланамыз.Шарлардың түрлі-түсті түстері бар.Көлемдері де әр түрлі.
-Қане Аслан қолыңдағы шардың түсі қандай?
-Қызыл шар.
-Қоянға береміз.
-Феруза мынау қандай шар.
-Көк шар.
-Сыйлықтарымызды қоянға берейік.
Қоянжанның туған күнін көңілді өткізу үшін ойындар ойнайық.

1. «Өз орнын тап»Қорапқа әр түрлі шарларды өз көлеміне сәйкес ұяшықтарға орналастыру.

2. Қораптың ішінен әр түрлі дәндер салынған шарларды алу.Алақандарына салып қысу.

Сергіту сәті:

Қолға алып шарды,
Үрлеймін мен былай.
уф-уф-уф.
Үрлеймін деп қатты,
Жарып алдым шарды.
Пах.

Қоянжан біздің балабақшамызға қайтатын уақытымыз болды.Туған күн жақсы өтті.Рахмет.

Балалар өлең айтып қайтады.
Қызыл,сары,көк шар,
Қолымызда көп шар.
Әуеде қалқиды,
Әніміз шалқиды.2 рет

Қызыл,сары көк шар,
қолымызда көп шар.
Айдаймыз,күндейміз
Ойнаймыз,күлеміз.