"Туған күнге сыйлық"

Өзін-өзі тану

Тақырыбы: Туған күнге сыйлық.

Мақсаты: Балаларды өз туған күндерін білгізу, үлкендерді, бір-бірін сыйлауға, құрметтеуге, ұқыптылыққа тәрбиелеу, әсемдікті, көре білу, тілдерін дамыту, қуанышқа бөлеу.

Әдіс- тәсіл: әңгімелеу, сұрақ- жауап, ән,би,қуыршақтың көйлегі, ойын.

Құрал: түсті қағаз, желім, қағаз,орамал.

Көрнекіліктер: слайд, шарлар.

Барысы: Әдемі әсемделген залға кіру, сәлемдесу. Шаттық шеңберін жасау.

Үлкенге де «сіз»,

Кішіге де «сіз»,

Барша жанды құрметтеп,

Бас иеміз біз.

-Балалар, қазір жылдың қай мезгілі?

-Көктемнің қандай ерекшелігі бар?

-Қазір қай ай?

-Дұрыс. Балалар,сендер білесіңдер ме, әр адамның туылған күні, дүниеге келген күні бар екен.Сендер өз туған күндеріңді білесіңдер ме? Кәне, айтыңдаршы.

-Жарайсыңдар, балалар,барлығың өз туған күндеріңді біледі екенсіңдер.

Сәуір айында Нияз бен Аянаның туған күні екен.Екеуін құттықтап қояйық.

-Нияз, Аяна, туған күндерін құтты болсын! Жастарың ұзақ болып, бақытты болыңдар. Мектепте тек беске оқыңдар.

Арнұр:-Нияз, Аяна, туылған күндерің құтты болсын, сендерге ұзақ өмір, денсаулық тілейміз.

Аяжан: - Мен сендерге тақпақ айтып берейін.

Армысыздар, халайық,

Бармысыздар, халайық!

Нияз бен Аянаның туған күнін

Жылда қарсы алайық.

Туған жерде күндей күліп,

Жайнаймыз да ойнаймыз.

Туған күнде бірге жүріп,

Ән саламыз, тойлаймыз.

Біз ақылды баламыз,

Айтқан тілді аламыз.

Туған күн иесіне

Ұзақ өмір тілейміз.

-Рақмет, балалар, тағы кім құттықтағысы келеді.

Бақытжан:- Біз «Балдырған» әнін айтып береміз.

Нияз: -Рақмет, сендерге балалар, біз де өз өнерімізді көрсетіп, бір би билеп берсек . Би «Қуыршақ».

Туған күн иелері бейнеленген слайд көрсету.

Бой сергіту сәті.

-Рақмет, балалар, барлығың құттықтап, өз өнерлеріңді көрсеттіңдер, енді туылған күн иелеріне сыйлық жасап берейік.

Үш топқа бөлініп, үш түрлі сыйлық жасау.Жасап болған соң, не жасағандарын айтқызу.

Аяжан : -Біз Аянаға арнап моншақты түрлі-түсті дөңгелектерден жасадық.

Нияз:- Мен Аянаға қағаздан құс жасадым.

Владик:- Біз қуыршақтың көйлегін гүлдермен әсемдедік.

Аяна, Нияз:- Рақмет, балалар, сендердің сыйлықтарың бізге ұнады.Өте әдемі болып шықты.

-Иә, жасағандарың өте әдемі, әсем болды.Енді «Шар жинау» ойынын ойнайық. Ойынды ойнау(2 топқа бөлініп тұру. Бір топ шарларды Аянаға апарып береді, екінші топ Ниязға апарып береді).Нияз бен Аяна шарларды балаларға таратып береді.

Қорытынды:- Бүгін біз оқу іс- әрекетінде не істедік? Кімдерді құттықтадық? Қандай сыйлық жасадық? Қандай ойын ойнадық? (Балаларды мадақтау). Нияз бен Аяна балаларды дастарханға шақырады.