Серікбай Еркежан

6-сынып оқушысы

Жетекшісі: Байызакова

Айгерим Орайхановна

Қазақ тілі мұғалімі

Эссе

«Менің туған өлкем»

Менің туған өлкем-Қазақстан. Қазақстанның жері бай, қазба байлықтары мол өлке. Еліміздің табиғаты, жасыл алқаптары орманға бай, қарасаң көз тоймайды. Мөлдір суын, жайқалған гүлдерін, асқар биік тауларын сүйемін. Және де аң құстары көп елді мекен. Зубаирдың табиғатына жетерлік жер жоқ шығар деп ойлаймын. Елімнің байлығын көрген адамды тамсандырады. Әркімнің кіндік қаны тамған жері бар. Сол сияқты менің де кіндік қаным тамған жерім бар. Ол Зубаир ауылы. Туған жерімді қатты жақсы көремін. Осындай өлкеде туғаныма мақтан етемін. Туған жерім күннен-күнге көркейіп келеді. Ауылымның әсем табиғаты, ауасымен жайқалған бидайымен шемішкесі, егінді даласы, малға толған өрісі-біздің мақтанышымыз. «Туған елдей ел болмас, туған жердей жер болмас»-деп, ата-бабаларымыз бекер айтпаған. Елімнің байтақ жеріндей жер жоқ шығар сірә. Туған жерім қадірі дүниедегі ең ұлы нәрсемен пара-пар. Өйткені себебі: ол менің әлпештеген анам, аялап өсірген әкем, туған-туысым, аға-әпкелерім, мені білім жолына жетелеген ұстаздарым, бәрі осы өлкеде дүниеге келген. Туған жерім-Зубаир ауылы. Кішкентай болса да, мен үшін аса қымбат әрі киелі жер. Осы мекенде менің көңілді де шаттыққа толы, уайымсыз да бейкүнә балалық шағым өтті. Қызыққа толы балалық шағым өткен туған ауылдың ауласында ойнап жүргенмін. Менің туған жерімнің көрікті жерлері өте көп. Мысалы біздің парк, ол ауылдың басында орналасқан. Онда көптеген алмалар өседі. Балалардың бәрі сонда барады. Ауылдың ауасы таза, денсаулыққа пайдалы.

Сондықтан мен туған ауылымды мақтаудан жалықпаймын. Сіздер де өз өлкелеріңізді мақтауды ұмытпаңыздар. Өскенде туған еліме, жеріме, отаныма қызмет атқарамын. Ауылымның көркеюіне өз үлесімді қосамын. Бұл менің отан алдыңдағы борышым.

«Жердің де иесі, елдің де иесі өзің екеніңді ұмытпа» дегендей қайда жүрсекте өз елімізді, ауылымызды ұмытпайық. Мен өз өлкемді мақтан тұтамын. Ауылым үшін болашақта маңдай терімді аямаймын. Ауылымның өркендеуіне үлес қосамын.