Аудандық Pro эко байқауының «Туған өлке табиғаты» бағыты

Оқушының аты-жөні .........................................................

Менің туған өлкем. Еліміздің табиғаты неткен сұлу десеңші! Мөлдір суын, жайқалған жасыл шөбін, асқар тауларын сүйемін. Өзімнің туған өлкемнің табиғаты өзіме қатты ұнайды. Бұл өлкем Т. Рысқұлов ауданы. Өлкемнің табиғатымен таныстыруға шақырамын. Елдегі әртүрлі аудандар болса да, менің ауданымның табиғатында шек жоқ. Өз өлкемнің табиғаты әртүрлі құнарлы жерлерге бай. Бізден суда ағады. Бұлақта бар. Тауда бар.Өзенде бар.

Осындай өлкеде туғаныма мақтан етемін. Туған жерім күннен күнге көркейіп келеді. Әсем ғимараттар бой көтеруде. Бау-бақшасы, таза ауасы, , егінді даласы, малға толы өрісі - біздің мақтанышымыз. «Туған елдей ел болмас, туған жердей жер болмас»- деп, ата-бабаларымыз бекер айтпаған екен ғой. Елімнің кең даласындай байтақ дала еш жерде жоқ шығар. Біздің еліміздің табиғаты өте ерекше. Жыл мезгілінің қай тұсын алсаң да, ауылымыз жайнап тұрады. Қазір қыс мезгілін алсақ, терең тыныс алатын таза ауа, ақ көрпесін жамылған жер, екі беттері алмадай боп шана тепкен балалар. Ал, енді көктемге мезгіліне сипаттама берсек, жан-жақтың бәрі көгеріп, жер астынан бәйшешегіміз бүршік атып шығады, Жаз нағыз жеміс-жидектің пісіп, балалардың мәз-мейрам болатын уақыты. Күзге тоқталсақ, бұл жыл мезгілі алтын уақыт. Ауылымыздың жерінің көлемі, табиғат байлықтары орасан зор. Олар халық қажетін қанағаттандыру әрі шаруашылықты дамыту үшін қажеттің бәрін береді. Еліміздің қазыналы байлығын сақтап, дұрыс пайдалануға міндеттіміз.