"Туған қалам - Алматы!"

Ересектер « Күншуақ» тобы

Ұйымдастырылған оқу қызметі: Сөйлеуді дамыту

Білім беру саласы: Қатынас.

Тақырыбы: «Туған қалам -Алматы »

Мақсаты: Балаларға Алматы қаласы туралы түсінік беру, тілдерін дамытып, ой өрісін кеңейту, сөздік қорын байытумен бірге еске сақтау қабілеттерін қалыптастыру , грамматикалық тұлғада жүйелі сөйлеуге, берілген сұраққа жауап беруге үйрету, әсемдікке, сүйіспеншілікке, қамқорлық, еңбекшіл болуға тәрбиелеу.

Көрнекілік: Алматы қаласының суреттері, кеспе әріптер, үлестірмелі суреттер, текше,кірпі, алма, ермексаз,

Сөздік жұмыс: Алматы қаласы, алма бағы ,Алатау, Медеу мұз айдыны.Көктөбе т.б.

Мотивациялық қозғаушы:

1. Ұйымдастыру кезеңі.

Шаттық шеңбері.

Ашық , жарқын күніміз,

Болашақтың гүліміз

Балалық шақ үйінің,

Жайнап тұрған гүліміз.

Сәлеметсіздер ме, қонақтар,

Қош келдіңіз, бәріңіз!

Балалар қазір жылдың қай мезгілі?

• Қыс мезгілі .

• Қыста қандай өзгерістер ,құбылыстар болады ?

• Қыс туралы қандай тақпақтарды білесіңдер?

Тақпақтар:

Далада қар борайды, ( Мерей)

Ақ мамыққа орайды

Мұз болады, қатады

Жып жылтыр боп жатады.

Аралайды бақшаны, ( Бақыт)

Үзілмейді жақсы әні.

Гүлденеді бақшалар,

Жауса жаусын ақша қар.

Жұмбақтар:
Аяз қысып,
Өрнек сызып,
Терезені торлайды.
Қарға омбығып,
Бет домбығып,
Сырғанап балалар ойнайды. /Қыс/ ( Даяна)

Қыста ғана болады,
ұстасаң қолың тоңады. (қар)( Айзере)

Тісі жоқ тістеп алады,
Қолы жоқ сурет салады. (аяз)( Ерсулта

Музыка ойналады. Ән тыңдау.

Көзімізді жұмып, мұқият көңіл бөліп әнді тыңдайық.

• Ән не туралы айтылған?

• Қай қаланы естеріңе түсірді?.

- Сендер қай қалада тұрасыңдар?

• Балалар сендер қандай көшелерді білесіңдер? Қандай көрікті жерлерді көрдіңдер? Не көрдіңдер?

Тақпақ( С. Оспанов )

«Алматы қаласы».

Жап -жасыл ағашы,

Қып- қызыл алмасы.

Ақ басты тауы бар,

Алматы қаласы. (Батыр)

Ағаш- таза ауа,көлеңке. ( Айзада)

Алма Тау-демалыс,шынығу.

Алма-жеміс, дәрумен.

Алматы-үлкен, көркем ,әсем .

Сергіту сәті: «Кірпі»

Кірпі, кірпі, кірпісің,

Темір тікен түрпісің,

Сансыз сары найзасың,

Сонда өзің қайдасың.

Жауды көрсең жатасың,

Садағыңмен атасың

Темір тікен сар садақ,

Берген саған кім қадап?

Ребусты шеш:

,, ,,,

Текшеден сөз құра. Неше дыбыс, неше әріп? Алматы, алма, қала, көше.т.б.

 Ойын: «Кім жылдам?» Сөз құрастыру.

Сөзден сөйлем құрау. Алматы, алма сөзіне сөйлем құрау.

Рефлексивті корригиялық. .

Бекіту. Кірпінің қонаққа келуі.

Ермексаздан апорт алманы мүсіндеу. Қандай пішіндерден жасаймыз? Дөңгелек, үшбұрыш, түсі қызыл.

’’ Алматының алмасы” өлеңді айтып қолдарына жасаған алманы ұстап, кірпіге жапсыру.

Қорытынды.

сұрақ – жауап.

Бүгін біз қай қаламен таныстық?

Алматы қаласы қандай екен ? Ол әсем, көрікті қала екен.

балалар еңбегін бағалап, мадақтау.

Тәрбиеші : Тлевжанова Г.С.