Үй жағдайында қол саусақтарына дамытуға арналған жаттығуларды ата-аналарға кеңес беру

Үй жағдайында қол саусақтарына дамытуға арналған жаттығулар.

(ата-аналарға кеңес)

Баланың сөйлеу процесін жақсартуда ең алдымен қол саусақтарын дамыту жаттығулары үлкен рөл атқарады. Оны үй жағдайында ата-аналар да жасай алады. Бұл жаттығулар қолдағы нүктелерге жақсы әсер етеді. Бұл жаттығуларды күніне 10-15 минут жасаса жеткілікті.

1. Үйде қарандаш немесе қаламды үйкелеу арқылы бала өзінің қолдарына массаж жасай алады.

2. Үйдегі дәнді дақылдармен жұмыс істеуге болады.Бала дәнді дақылдар арқылы үйшік,күн,әріптерді сала алады.Қатты картоннан жануарларды жасап,оларды тамақтандыруға болады.

3. Тіл тазалайтын щеткамен баланың алақанына және саусақтарына массаж жасауға болады.

4. Кішірек дренажды,су джок доптарын,жаңғақтарды қолда айналдыруға болады.

5. Баламен жұмыс істеу барысында саусақ жаттығуларын қоршаған орта түсініктерімен ұштастыруға болады.Мысалы:

6. Балаға ұзынырақ қалың жіпті екі жаққа байлап,қағаздан жасалған кір киімдерді қыстырғышпен жая алады.

7. Қағазды жыртып,бүктеп,домалатуға болады.

8. Макаронның әр түрлі пішіндерін араластырып,балаға макарондарды пішініне сәйкес ажыратып,жина деген тапсырма беруге болады.

9. Ыдыс-аяқ жуатын губканы қолданып,әр саусаққа массаж жасауға болады.

10. Пысқан жұмыртқаға жарықшақ (трещина ) келтіріп балаға беріп,бала ұстап,қысып,жұмыртқаны аршу керек.

11. Үйдегі моншақтарды түсіне сәйкес бір жіпке жинау.

12. Ермексаздан әр түрлі зат жасауға болады.

13. Тамақ ішетін қасық,шаңышқыны алып тамақ ішіп отырған кейіпінде қол қимылдарын жасау.

14.Балаға «тамаққа тұз сал» деп ,ойдан шығарылған тамаққа бала тұз сеуіп жатқан қол қимылдарын жасауына болады.

15.Киім-кешектін бауын байлауға болады.

Жалпы алғанда баланың сөйлеуін түзеу барысында ең алдымен қол саусақтарымен жұмыс жасау керек.Баламен тек мұғалім тарапынан жұмыс жасалынбау керек, ата-аналарда өз үлестерін қосып отыру қажет.