Білім беру саласы: Қатынас.
Бөлімі: Сөйлеуді дамыту.
Ұйымдастырылған ашық оқу қызметінің тақырыбы: «Үй жануарлары мен үй құстары»
Мақсаты: Үй жануарлары мен үй құстары туралы және олардың адамға келтіретін пайдасы
туралы түсініктерін қалыптастыру.Балалардың тілін, ой-қиялын ұштау, дүниетанымын
қалыптастыру, құстар, жануарлар әлеміне деген қызығушылығын арттыру. Үй жануарларымен үй
құстарына деген қамқорлық сезімін ояту. Табиғаттың жаршысы- құстарды, жануарларды
қорғауға, аялауға, қамқоршы болуға тәрбиелеу.
Шаттық шеңбері.
Арайлап таң атты,
Алтын шуақ таратты.
Армысың көк аспан,
Армысың Жер- ана,
Армысың достарым,
Сәлем, сәлем, сәлем!
- Жарайсыңдар, балалар. Ендеше оқу қызметімізді бастайық. Мен бүгін балабақшаға келе жатып бір
сандық тауып алдым. Ол жай сандық емес, сиқырлы сандық екен. Бұл сандықтың ішіне
жануарлар мен құстарды сиқырлап салып қойыпты. Оларды құтқару үшін біз сендермен
жұмбақтар шешуіміз керек. Егер жұмбақтың жауабын дұрыс тапсаңдар, жануарлар мен құстарды
сандықтан босатады. (әрбір жауаптағы жануарлардың суретін слайд арқылы көрсету)
1. Кезекті бір жануар,
Үстінде екі тауы бар. (түйе)
2. Құлды екен әр шаруа,
Сарқылмайды сүт-қаймақ,
Қазығына құт байлап,
Қанша құйып алсаң да. (сиыр)
3. Көкке шаншып құйрығын,
Келеді шауып жүйрігім. (жылқы)
4. Кішкене ғана бойы бар,
Айналдырып киген тоны бар. (қой)
- Балалар, бұлардың барлығын бір сөзбен қалай атаймыз?
- Үй жануарлары.
- Балалар, жануарлар сендерге көмектескендерің үшін рахмет айтып жатыр.

-Ал, балалар, сиқырлы сандықтан тағы бір дыбыстар шығатын сияқты. Балалар, біз үй құстарын
ұмытып кетіппіз. Үй құстарына да көмектесуіміз керек. Сиқырлы сандықтың бізге берген
тапсырмасы тақпақтар айтып, үй құстарын құтқаруымыз керек. Көмектесеміз бе, балалар?
-Иә.
-Жарайды ендеше тақпақ айтайық.
1. Жақын түгіл маңайды,
Оятудан талмайды.
Төбелеске келгенде,
Алдына жан салмайды.
2. Шығып ауыл шетіне,
Жайылады бетімен.
Қызықтырар ол бізді,
Жұмыртқамен, етімен.
- Өте жақсы, балалар, біз бүгін сиқырлы сандықтан үй жануарларымен үй құстарын құтқардық.
Сендерге рахмет айтып жатыр.
- Сонымен, балалар, үй жануарларына нелер жатады?
- Сиыр, түйе, жылқы, қой.
- Үй құстарына нелер жатады?
- Тауық, әтеш, қаз, үйрек.
- Өте жақсы, балалар.
- Енді үй жануарларының бізге тигізер пайдасы қандай екеніне тоқталып кетейік.
1. Сиыр-зеңгі баба тұқымы. Ол адамға үйір, әрі момын жануар. Біздің ішіп-жейтін
тамағымыздың барлығы осы сиыр малының өнімі. Балалар, сиыр сүтінен не жасаймыз?
-Сүттен құрт, сүзбе, қаймақ, май, айран, ірімшік жасаймыз.
2. Түйе- төрт түліктің төресі. Түйенің тигізер пайдасы өте көп. Түйенің сүті-шұбат. Ол әрі сусын,
әрі тамақ. Шұбаттың емдік қасиеті бар, ішсе сүт, жесе ет, майы мол, сапалы жүні бар.
3. Жылқы-жер жүзінің бәріне тараған. Ол қыста сақылдаған сары аязда да далада жайыла береді.
Сүтінен қымыз, етінен қазы-қарта, жал-жая пісіреді.
4. Қой- төрт түліктің ішіндегі ең момыны. Қойдың етін жейміз, жүнінен киімдер тоқимыз, көрпе
жасаймыз. Балалар ауырып қалған кезде де, осы қойдың құйрық майымен сылайды, ішкізеді.
- Өте жақсы, балалар, үй құстарының пайдасы өте көп. Жұмыртқасын азық- түлік ретінде
пайдаланамыз. Мамығынан көрпе, жастық жасаймыз. етін жейміз.
Сергіту сәті.
-Балалар, ендеше сергіп алсақ ойын ойнайық.

Дидактикалық ойын: «Төлдерін тап».
Шарты: Үстел үстіндегі әр жануарлардың төлдерін табу.
Дидактикалық ойын: «Көлеңкесін тап».
Слайдта көрсетілген үй жануарларымен үй құстарының көлеңкелері арқылы қандай жануар
немесе құс екенін ажыратулары керек.
Қорытындылау.
- Жарайсыңдар, балалар. Сонымен бүгінгі оқу қызметімізде не туралы айттық?
- Үй жануарлары туралы.
- Үй жануарларын атайықшы.
- Сиыр, жылқы, түйе, қой.
- Қандай үй құстарын білесіңдер?
- Тауық, әтеш, қаз,үйрек.
-Үй құстары мен үй жануарларының пайдасы бар ма?
-Үй жануарларының етін жейміз, сүтін ішеміз.Үй құстарының да етін,жұмыртқасын жейміз,
мамығынан көпшік жасаймыз.
- Балалар, бүгінгі оқу қызметімізге жақсы қатынасқандарыңызға көп-көп рахмет. Сау болыңыздар!