Ұйымдастырылған іс-әрекет: Математика негіздері, көркем әдебиет, сөйлеуді дамыту ,сурет салу,жапсыру, қоршаған ортамен таныстыру

Тақырыбы: «Табиғат сыйы»

Мақсаты: Балалардың табиғат жайлы ұғымдарын тиянақтау, табиғатта болатын таңғажайып құбылыстарды бақылай білуге үйрету. Табиғатты сүюге, аялауға, оған қамқор бола білуге тәрбиелеу. Балалардың сөздік қорын ойындар арқылы кеңейту, таныс ертегінің мазмұны бойынша сұрақтарға жауап беру және мазмұнын эмоционалды түрде өз бетінше айту. Сурет салудың дәстүрден тыс техникасымен салуды меңгерту және түстерді ажырату.Балалардың жапсыруға қызығушылығын арттыру.Ұсақ дәнді дақылдармен о йындара қауіпсіз әрекет ету дағдыларын қалыптастыру. Дала гүлдерінің, кейбір көкөністер мен жемістердің атауын атауға үйрету. Табиғатта қауіпсіз мінез-құлық ережелерін сақтауға үйрету (қоқыс қалдырмау, қоқысты жинау) Геометриялық фигуралармен: үшбұрыш, шаршы, дөңгелекпен таныстыру, ұстап және көру тәсілдері арқылы аталған фигураларды зерттеуге мүмкіндік беру. Қазақ халқының дәстүрлі киіз үйімен таныстыру.

Көрнекіліктер: Магнитті тақта карточкаларымен, «Шалқан» ертегісінің кейіпкерлері, түрлі түсті дәнді дақылдар және макарон өнімдері, табиғат бұрышына керекті құралдар (алжапқыштар, қопсытқыш таяқшалар, суқұйғыш, күректер), дала гүлдерінің дәндері, бөтелкелер, краска,гуашь,тұз, мақта, сүт, медициналық қолғап, металл, қоршау, лента, Дьенеш блоктары.

Кіріспе бөлім:

Сәлеметсіңдерме,балалар! Бүгін бізде қызыққа толы күн болмақ.Балалар қараңдаршы,біздің топқа көптеген қонақтар келіп қалыпты.Ең алдымен апайларымызбен амандасып алайық.
Біз ботақан тең басқан,
Дос құшағын кеңге ашқан
Тілегіміз тыныштық
Ашық болсын кең аспан.
Мықты болсын іргеміз
Бәрімізде біргеміз ...
Жарайсыңдар,балалар!

Ал балалар,біз сендермен ұйымдастырылған іс-әрекетімізді бастайық.

Қазір сендерге мен сөз тіркестерін айтамын. Ал сендер қолдарыңдағы сөз тіркесіне сай суретті жоғары көтересіңдер.
-Балалар қазір жылдың қай мезгілі?

-1 жылда неше мезгіл бар?

-Көктем мезгілінде ауа-райында қандай өзгешеліктер болады?

-Күн күркіреп, жанбыр жауады, өйткені аспанды не басады? (Бұлт)

- Шуағын не шашады? (Күн)

-Құстар не істейді? (Ұшып келеді)

- Далада әдемі не өсіп шығады? (Гүлдер)

- Сол гүлге нелер қонады?(Көбелектер)

-Балалар менің қолымдағы не?

-Телефонның ішінде қандай желілер бар?

Жарайсыңдар,балалар!Барлық сұрақтарға дұрыс жауап бердіңдер,өте тамаша. Балалар сендер саяхаттағанды ұнатасыңдар ма? Ендеше балалар бірге жайлауға шығайық?

Ғажайып сәт:

Балалар «Әжені» көреді

-Сәлеметсіздер ме,балалар. Сендер жайлауда қайдан жүрсіңдер?

-Сәлеметсіз бе, әже! Біз «Балдаурен» бөбекжайынан келіп тұрмыз. Жайлауға саяхатқа шыққан едік.

-Жақсы болды ғой. Сендер өзі дәл уақытында келіпсіңдер. Сендердің жайлауда көмектерін қажет. Жанымдағы немерем кішкентай, балаларым қалада. Ал жайлауда жұмыс көп. Сиырым сауылмаған, гүлдеріме су құйылмаған.

- Жарайды, әже. Біздің «Ботақан» тобының балалары өте мейірімді, еңбекқор және ақылды. Сізге көмектесуге дайынбыз. Ендеше балалар, әжеге көмектесіп, жайлаудың бір күндік қызығын тамашалап қайтайық.

Негізгі бөлім:

Балалар енді сендермен тұрлі түсті көбелектер арқылы 7 топқа бөлінеміз. Көбелектерді ұстап, тиісте гүліне, түсіне қарай қондырамыз.

-Қызыл көбелектер

-Қызғылт көбелектер

-Сары көбелектер

-Қызғылт сары көбелектер

-Көк көбелектер

-Жасыл көбелектер

- Ақ көбелектер

- Күлгін көбелектер

Топқа бөлінеміз.

-Қызыл көбелектер тобы:

Жас экологтар орталығы-Балалар ағаштың астындағы шашылған қоқыстарды сұрыптап, жинайды.(Металл, пластик және қағаз қоқыстар)

-Қызғылт көбелектер тобы:

Шығармашылық топ- Steam технологиясы бойынша бөтелкелердегі суретті бояу, Көкөністер және жемістер туралы білімін кеңейтеді және түстерін ажыратады,

-Сары көбелектер тобы:

Қол моторикасын дамыту орталығы-Әртүрлі түсті боялған дәнді дақылдар және макарон өнімдерін, жәндіктердің дайын сұлбасына, түстеріне қолмен алып, салу.

Әже балалардың жұмысын бақылып жүреді,мақтап-мадақтайды.

-Қызғылт сары көбелектер тобы:

Әлеуметтік топ- Арнайы дайындалған көрнекіліктер арқылы, сиырды сауады және қойдың жүнін жабыстырады. Ауыл шаруашылығы қызметкерлерінің еңбегі жайлы, сиырдың сүтінің және қойдың жүнінің пайдасы туралы әңгімелеу.
Сергіту сәті.

Көк көбелектер тобы:

« Магнитті тақта» ойынында дайын карточкаларға қарап, әртүрлі бейнелер жасайды.

Жасыл көбелектер тобы:

Табиғатты зерттеу орталығы-арнайы дайындалған гүлдің топырағына, гүл егу. Гүлдің пайдасы туралы әңгімелеу.

Ақ көбелектер тобы:

Коммуникативтік топ- Фетр тақтасы және липучка арқылы, өздеріне таныс ертегілерді реттілікпен жабыстырып, айтып беру.

Күлгін көбелектер тобы:

Танымдық топ- «Дьенеш» логикалық блоктары арқылы суреттерге қарап, тиісті пішіндерді суретке қойып шығу.

Сергіту сәті.

Балалар барлық жұмысты толық аяқтап болған соң, Әже жұмыстарын көріп, балаларға алғысын білдіріп, құрт таратып, қоштасады.

Қорытынды бөлім:

Бағалау:

Шаңырақ әдісі арқылы балалар өздерін бағалайды.

-Жасыл ұнады

-Сары айтарым бар

- Қызыл достарыммен бөлісемін