Үйден оқыту КТП 9 сынып химия пәні

ТҮСІНІК ХАТ

Денсаулығына байланысты жалпы білім беру мекемелеріне бара алмайтын балаларды үйде жеке оқытуды ұйымдастыруға арналған орта білім беру деңгейінің «Химия» пәнінің оқу бағдарламасы 9-сыныптарда оқытылады.

«Химия» курсын 7-9 сыныптарда оқытудың мақсаты – оқушылардың ғылыми дүниетанымының негіздерін, танымдық қызығушылығын, сын тұрғысынан ойлауын, зияткерлік және шығармашылық қабілетін қалыптастыру, физиканың негiзгi заңдарымен танысудан, табиғаттың құбылысын зерттеуден меңгерген білімі және білігін техникада және күнделiктi өмiрде пайдалана білу.

Осы мақсатқа жету үшін мынандай міндеттерді шешу қамтамасыз етедi:

1. қазіргі заманғы әлемнің химиялық бейнесінің негізін беретін химиялық құбылыстар, ұғымдар, заңдылықтар және теориялық қорытынды туралы білімдерді, табиғаттың ғылыми таным әдістері туралы білімдерді, құбылыстарды бақылау, эксперименттік тапсырмаларды орындау, болжау және жобалауды жүзеге асыру біліктілігін меңгерту;

2. химиялық экспериментті орындау дағдысын, зерттеушілік қабiлетін, өмірлік, тәжірибеде мәні бар есептерді шешу үшін игерген білім және білігін қолдану үдерісінде танымдық қызығушылығын, зияткерлік және шығармашылық қабілеттерін дамыту;

3. оқу және зерттеу жұмысына жауапкершілікпен қарау, қоршаған ортаны қорғау және табиғат құндылықтарын тиімді пайдалану, қоғам және адам өмірінің қауіпсіздігін қамтамасыз ету, базалық білім негізінде экономикалық және саяси, әлеуметтік, мәдени қызметтерге ат салысу дағдысына тәрбиелеу.

«Химия» оқу пәні бойынша оқу жүктемесінің көлемі:

9 сыныпта – аптасына 0,5 сағатты, оқу жылында 17 сағатты құрайды. 9 сыныптарға арналған «Химия» оқулығының базалық оқу материалының мазмұны толық сақталды, яғни химияның барлық бөлімдерін қамтиды, оқушылардың негізгі игерген білімдерін тәжірибеде көбірек қолдануға бағытталған және қазіргі қоғамда өмірлік жағдаяттарға бейімделуге негізделеді. Осыған байланысты оқытылатын тақырыптардың уақыты азайды.

Төмендегі кестелерде «Химия» оқу пәнінің үлгілік күнтізбелік тақырыптық жоспарлары берілген.