Үйірме жұмысы

Сыныпқа мінездеме

«Оралхан Бөкей атындағы №44 лицейі» коммуналдық мемлекеттік мекемесінің 6 «б» сыныбында тізім бойынша 30 оқушы бар. Оның ішінде 16 ұл бала, 14 қыз бала.

Сынып жетекшісі: Мухажанова Мадина Адилхановна.

Сыныптың әлеуметтік құрамы жақсы, материалды жағынан жеткілікті қамтылған.

Сынып оқушылары ұйымшыл, бір-бірімен жақсы араласады. Сыныптың жалпы танымдық бағыты жақсы.

Озат оқушылар саны 20, екпінді оқитын оқушы саны 10. Сыныптың үлгерімі-100%, «5» білім сапасы -67% құрайды. Сынып математика сабағынан және ауызша сабақтардан да алдарына жан салмай бір-бірімен жарысып сабақ айтады.

2020-2021 оқу жылы нәтижесі бойынша -Бас жүлде (Оралхан Бөкей сыныбы атанып, ең үздік сынып ). 2021-2022 оқу жылы 1-ші жартыжылдық нәтижесі бойынша 1- орын иеленді.

Сынып оқушылары лицейішілік және қаладағы спорт үйірмелеріне қатысады. 12 оқушы спорт үйірмесіне, 6 оқушы өнер үйірмесіне,8 оқушы ағылшын үйірмесіне ,18 оқушы пәндік үйірмеге қатысады.

Сыныптан тыс жұмыстарды сынып жетекшісінің көмегімен көбінесе топ басшысы мен тәрбие секторы ұйымдастырады. Барлығын жоспарлап алғаннан соң әрбір оқушыға тапсырмаларын бөліп беріп, орындалуын қадағалап отырады.

Сынып іші топ –топқа бөліну бір-бірімен араласпай жүру деген сияқты жаман қылықтардан аулақ. Оқушылар ұйымшыл, бір-бірімен өте жақсы араласады. Сабақ үстінде бір-біріне үнемі көмектесіп отырады. Сынып оқушылары сыныптан тыс жұмыстарға белсене, бірігіп ұйымдастырып құштарлана қатысады.

Сынып жетекшісі: Мухажанова М.А.