«Үлкен арман керек екен адамға»/ «Дара жол» бағдарламасы/Мақсаты:Қазақ поэзиясында өзіндік орны бар М.Шаханов шығармашылығына терең ену арқылы оқушыларды отансүйгіштікке, поэзияны сезінуге тәрбиелеу.Көрнекілігі: ақын портреті, ұлағатты сөздер жазылған плакаттар, презентация, бейнежазба, аудиожазбалар.
Шараның барысы:Жүргізуші: -Армысыздар, жырсүйер көрермен! «Дара жол» бағдарламасына қош келдіңіздер! Хабарымызды бастамас бұрын бейнежазбаға назар салайық. /Ақынның шығармашылық кешінен ұзінді көрсетіледі/.Иә, шығармалары әлемнің 40-тан астам тіліне аударылған, қазақ тарихында және әлемдік әдебиетте өз қолтаңбасы бар Мұхтар Шахановтың шығармаларын жас та, кәрі де іздеп жүріп оқиды десек, қателеспейміз. Оның жырларын ұрпағы жаттайды.«Жігерлендіру»- Е.Ғалым.Жүргізуші: -Ақын шығармаларының ерекшелігі - айтар ой, сезімі ақын өмірімен астасып жатады. Мына бір әнін тыңдап көрелік. / «Гүлдәурен» әні тыңдалады/.К.Турсунова: Бұл- «Гүлдәурен» әні. Ақын «Ұлан» газетіне берген сұхбатында: «Әнде айтылғандай 10 жыл мектеп партасында отырған жоқпын. Бірақ осы әнді барша түлектер қосылып шырқаса деген ниетпен жазып едім. Ән тез таралып кетті, жұрт оның авторын да білмеді. Бір қызығы Кеңестер Одағы «Осы ән шыққалы мектеп терезелері мен партасына оқушылардың сүйген қыздарының атын жазу дәстүрге айналды. Сондықтан бұл әнге тыйым салыну керек»,-деп ұйғарып, ән қудаланды.Жүргізуші:Мұхтар Шаханов жайлы қандай еңбек жазылса да, Желтоқсан оқиғасы мен ақын есімі қатар айтылары анық. Халық намысы жер етілген сол жылдары Мұхтар ақын болмағанда не болар еді. Желтоқсан оқиғасы Шахановтың азаматтығының, парасаттылығының айшықты көрінісі болғаны анық.«Оралу»-А.Гумаров.«Желтоқсан алаңы»-И.Усманов.А.Нәсіпқали: Ақынның балалық шағы туралы айтқан сөздері есіме түсті. «Менде балалық шақ мүлдем болмады. Әкем 9 жасымда қайтыс болды. Анам ауырып үнемі жатып қалатын. Трактордың тіркеушісі болдым. Тракторлық курсқа өзің кіп-кішкене бір жапырақсың, тракторға әлің келмейді деп қабылдамай қойған. Содан мен директордың кабинетінен шықпай отырып алдым.Содан әлгі директор «Өзі сондай қайсар бала екен»,-деп оқуға қабылдады»,-дейді. Сондай қайсар рухымен әлі күнге елдің мұңы мен жоғын айтып келген ақынға таң қалмасқа болмайды.«Төрт ана»-А.Ергалиева.Жүргізуші:Біртуар ақын туралы халқы не айтады, оны қалай дәріптейді? Тыңдайық. / «Ақын шығармашылығы туралы мұғалімдер мен ауыл тұрғындарынан алынған сұхбат көрсетіледі»/. Иә, елі құрмет тұтқан асқақ ақын туралы Ш.Айтматов: «Ол-жаңаша ойлау дүниесінің өрені. Мұндай өзгеше мән-мазмұнға ие ақын бүгінге дейін күллі Азия әдебиетінде болған жоқ»,-деген. «Жаңа қазақтар немесе жас бизнесменге хат»-МиленаЖүргізуші: М.Шаханов-эпикалық жанрға да мол еңбек сіңірген қаламгер. «Танакөз» поэмасы-ақынның ең алғашқы эпикалық туындысы. Оқиғалары жастар өмірінен алынған. Поэмадағы тақырып өзегі-адамзат баласындағы сезімнің ең қастерлісі-махаббат пен асыл достық. Ендеше, достық сезімнің ұлы құдіретін ту етіп көтерген әр оқырманның жүрегінде жатталып қалатын мәні терең шығармадан үзінді тыңдалық.«Танакөз»-А.Усманова.А.Курбанова:- Мен ақын шығармаларын зор сүйіспеншілікпен оқимын. Әсіресе маған тарихи тақырыптағы поэмалары ұнайды. Мұхтар ақын өз естелігінде: «Әкемнен мен ерте айырылдым. Міне, сол 9 жасыма дейін әкем көптеген тарихи оқиғаларды әңгімелеп берген еді. Бала күнімнен санама сіңген сол тарихи оқиғаларды кейіннен шығармаларыма арқау еттім. «Отырар» дастаны осылай дүниеге келді,»-деп жазыпты.«Шыңғысханның қателігі»-Г.Манарбек.«Әке үкімі» -Р.Нагиев.Жүргізуші:Мұхтар Шаханов тек қазақ халқының ақыны ғана емес, Ол – «Түркі халықтары арасынан шыққан ең үздік әлем ақыны» атағының иегері.
Жүргізуші:Қай кезде де шын достықтың парқы ұлы,Тиісті оған әркім басын июгеБір адамды шексіз сүю арқылыБолады екен бүкіл ұлтты сүюге.«Ғайша жеңгей»- Д.Маху.«Ғашықтық ғаламаты» - А.Хасанғалиева.Жүргізуші:Байтақ ғажап даласындай дархан ел,Білгің келсе, бізге досым, жақын кел.Қазақ халқы Мұхтарымен жазушы,Қазақ халқы Мұхтарымен ақын ел.Кім еліне Мұқанша сыр ағытты,Кім Мұқанша бағындырар бағытты.Қазақ халқы Мұхтарымен Алатау,Қазақ халқы Мұхтарымен бақытты!Мұғалім:Иә, бұл қазақтың поэзиясына өзіндік мінезбен, адами рухпен, боямасыз болмыспен келген ақын Мұхтардың жыры әлемге әйгілі бүгінгі Шаханов шыңына дейінгі дара жолы болатын. Поэзия-сырлы да нұрлы әлем. Осындай киелі ақындарын әлдилейтін, жырын жаттап жүретін ұрпағы барда Қазақ Елі жоғалмайды. Елін сүйген жүректерің аман болсын!
«Тіл мен рух» әні. Орындайтын – Е.Мұқанов.
ҚР Білім және Ғылым министірлігінің стандартымен жасалған
19 Қараша 2018
743
0 рет жүктелген
