Ұлт үшін - жан берген ұлылар

Ұлт үшін - жан берген ұлылар

Әл-Фараби атындағы Қазақ Ұлттық Университеті Журналистика факультеті 1 курс 102 топ студенттері 1937-1938 жылы өткен репрессия құрбандарына арнап кеш өткізді.

Қазақ көзін ашқан бұл тағдырлар,ғасырлар бойы естен кетпес еңбек қалдырды.Кешегі “Оян Қазақ” , “Мен жастарға сенемін” атты өлеңдерімен жырлаған Міржақып Дулатұлы,Мағжан Жұмабаев,Ахмет Байтұрсынұлы,Әлихан Бөкейхан,Сәкен Сейфуллин,Ілияс Жансүгіров,Бейімбет Майлин және т.б ұлт зиялыларының бұл еңбектері еш ұмытылмас.Бірі өлең жазып,шығарма жазса,бірі әліппе жазды.Олардың осы еңбектерді жазу кезінде қанша қиыншылық көргенін ешкім сезінбескін. Шараның басты мақсаты – жас ұрпаққа ұлт зиялыларының ел болашағы жолындағы жанқиярлық еңбегін таныту, олардың рухани мұрасын дәріптеу. ҚазҰУ қабырғасында Журналистика факультетінде болған бұл көріністер,ұлттық сана мен бірлік жайлы ой қозғады.

Сахна төрінде Мағжан Жұмабаев пен Зылиха есімді арудың арасындағы нәзік лирика бейнеленді. Мағжанның «Пайғамбар» өлеңінен үзінді оқып, оны Зылихаға жолдаған сәті көрерменнің ерекше ықыласына ие болды. Бұл көрініс тек поэзия емес, тұтас ұлттың арман-үмітін, ұлт рухының серпінін жеткізді.

Көрініс кезінде Ахмет Байтұрсынұлы мен оның жары Бадрисафа сауатсыз балаларға хат танытып, білім үйреткені,ұлт ұстазының ағарту ісіндегі ерлігі мен Бадрисафаның жанашырлығын көрсеткені сахна залында отырған студенттердің рухын оятты.

Сонымен қатар Жүсіпбек Аймауытов пен Мадина арасындағы терең рухани байланыс бейнеленді. Мадинаның жан тебірентерлік монологыда оқылды

Бұл кеш–тек өнер емес, тәрбие мен тарих сабақтары тоғысқан тағылымды кездесу болды. Айта кету керек, бұл шарада тек 102-топ қана емес, 101, 103, 104 және 105-топтардың да қойылымдары өте жоғары деңгейде өтті. Әр топ ұлт зиялыларының түрлі қырын ашып, олардың ерлігін, ағартушылығын, әдебиет пен саясаттағы қызметін әсерлі сахна арқылы жеткізді.

Ұйымдастырушыларға және 102-топ студенттеріне алғыс білдіре отырып, осындай рухани шаралардың жиі өтіп тұруын тілейміз. Ұлт рухын ұлықтау – мәңгілік міндет!