«Ұлтжанды ұрпақ – ұлт тірегі» патриоттық - танымдық сағаттың сценарлық жоспары

Өтетін күні: 12- сәуір, 2024 жыл

Өтетін орын: АКТ зал

Қатысатындар: 5-6 сыныптың жас ұландары

Форматы: Патриоттық- танымдық сағат

Көрнекілігі: Ұлттық құндылық, отбасы, ата-ана, салт-дәстүрлер туралы нақыл сөздер.

Көрме бұрышы: «Жас ұлан», «Жас қыран» ұйымының қызметін сүйемелдеу бойынша көрнекілік бұрышы жасалды, тәлімгердің құжаттары, есептер, анықтамалар, әдістемелік нұсқаулық, кітаптар, фотосуреттер, буклеттер, QR код арқылы жасалған материалдар, жас ұландардың сапалық көрсеткіші.

Безендірілуі: Жас ұландар арнайы дайындалған дөңгелектенге межелі орындарына отырады, қонақтар келгенде 6 немесе 8 жас ұлан Отан, ұлттық құндылық, әке, ана тақырыптарында өлеңдер оқиды.

Мақсаты:

Жас ұрпақты тәрбиелеуде ұлттық тәрбие негіздерін қолдану, балалардың бойына ұлттық құндылықтарымызды сіңіру, оқушыларды ұлттық құндылықтарды ұлықтауға, ата-аналарын сыйлауға, құрметтеуге тәрбиелеу. Халқымыздың әдет-ғұрпы, салт-дәстүрі арқылы оқушылардың бойында асыл да адамгершілік қасиеттерді қалыптастыру.

Модератор: Қайырлы күн құрметті ұстаздар, семинар қатысушылары, жас ұландар! Бүгінгі патриоттық – танымдық сағатымызға қош келдіңіздер!

Патриоттық -танымдық сағаттың барысы:
І. Сан сұраққа саяхат
ІІ. Сыңарын тап
IІІ. Тыйым сөздерді оқушыларға беру.

ІV. Сіздің пікіріңіз. «Ұрпақ үшін тыйым сөздердің пайдасы бар ма?»

Ұлттық құндылық туралы бейнеролик көрсетіледі!

Модератор:
Ұлттық құндылық, ұрпақ тәрбиесі, ұлтжанды ұрпақ деген де ең алдымен, ойымызға отбасы деген ұғым оралады. Себебі, балалар «Отан отбасынан басталады». Қазақта мынадай жақсы сөз бар. «Әке - асқар тау, ана - бауырындағы бұлақ, бала - жағасындағы құрақ» деген. Сәби үшін ең жылы ұя ата-ананың аялы алақаны, мейірімі, қайырымдылығы.
Адам баласының ажары да, бақыты да отбасынан басталады. Ал отбасы бақыты деген не?
Ол адам бойына сырттан келіп сіңетін немесе аспаннан құйылып денеңе жұғатын нәрсе емес қой. Оның да көктеп шығатын тұрағы бар. Адам баласының бақыты оның үзіліссіз тәлімі мен тәрбиесінен қалыптасатын жарқын да адал мінездеріне байланысты. Шындап келгенде, отбасы бақыты ата-аналардың өз қолында деуімізге болады.
Бала тәрбиесіне арналған асыл сөздерге тоқталу.
Иә, «Сөз асылы – мақал» деп атам қазақ текке айтпаған ғой. Өйткені, бақыт та, нұр да, жыр да, тыныста - бала. Осы бала бағбаны кімдер?
Әрине, ата- ана. Жас жеткіншек қашан да ата – ананың ақылы, үлгі-өнегесі арқылы өсіп қалыптасады.

І. «Сан саяхат»
Оқушыларға:
1. Жеті ата деген не? Өз жеті атаңды білесің бе?
2. Төрт түліктің пірлерін ата?
3. Сүтті төрт түлік малдың аттарына байланысты ата (қой, ешкі, сиыр- сүт, бие сүті- қымыз, түйе сүті-шұбат)
4. Жылқы туралы мақал- мәтел айта аласыз ба?
(Жылқының сүті шекер, еті бал. Адам жылқы мінезді. Жылқы-малдың патшасы.)
5. «Қара кемпір», «Қара шал», «Бозторғай» әндерінің авторы кім? (әнші сазгер А.Қоразбаев)
ІІ. Сыңарын тап
1. Әдепті бала ата-анасын мақтатар………. (әдепсіз бала ата-анасын қақсатар)
2. Ана сүтін ақтамағанды………… (ешкім жақтамайды.)
3. Әке тұрып ұл сөйлегеннен без……….(шеше тұрып қыз сөйлегеннен без )
4. Қарағайға қарап тал өсер…………… (қатарына қарап бала өсер)
5. Үйінде ұл-қызы бардың…………. (көгінде сөнбес жұлдызы бар)
Балаларға:
1. Жығылып жатып………..(сүрінгенге күлме)
2. Күлме досыңа…………(келер басыңа)
3. Ауру қалса да …………(әдет қалмайды)
4. Әдепті бала арлы бала……………(әдепсіз бала сорлы бала)
5. Ұяда не көрсең…………(ұшқанда соны ілерсің)
IІІ. Тыйым сөздер
1. Оқушыларға тыйым сөздер туралы сөз кезегін беру

ІV. Сіздің пікіріңіз.
«Ұрпақ үшін тыйым сөздердің пайдасы бар ма?»

Балалардың пікірін тыңдау!

Модератордың қорытынды сөзі:

Халқымыздың аяулы ұлы, зиялы азаматы Б.Момышұлы кезінде «Жаудан да, даудан да қорықпаған қазақ едім. Енді қорқынышым көбейіп жүр. Балаларын бесікке бөлемеген, бесігі жоқ елден қорқам. Немересіне ертегі айтып беретін әжелердің азаюынан қорқам. Дәмді, дәстүрді сыйламайтын балалар өсіп келеді. Оның қолына қылыш берсе, кімді де болса шауып тастауға даяр. Қолына кітап алмайды. Үйреніп жатқан бала жоқ, үйретіп жатқан әке- шеше жоқ.»- деп мұнайған екен. Бауыржан атамыз бүгінде біздің арамызда жоқ. Осы атамыз көтерген мәселе бүгінде бәрімізді алаңдатуы тиіс. Бұл ата-анаға да, ұстаздарға да, балаларға да ой салады деп ойлаймын. «Жұмыла көтерген жүк жеңіл» демекші, балаларымызды бірлесе тәрбиелейік дей келе бүгінгі ата-ана сағатымызды аяқтаймыз.

Естелік суретке түсу рәсімі

Соңы