Ұлттық мұра үйірмесінін жоспары, түсінік хат

Павлодар облысының білім беру басқармасы, Аққулы ауданы білім беру бөлімінің «Ямышев жалпы орта білім беру мектебі" КММ

«Ұлттық мұра»

үйірмесі

Жетекшісі: Елтаева Д.Е

2024-2025 ж

Түсінік хат

Бұл үйірме оқушыларды еңбекке, түрлі өнер бұйымдарын жасауға,ой-өрісін,шеберлігі мен дағдысын арттыруда қазақ халқының өнерін санасына сіңіре отырып, бар затты ұқсата білуге,сол заттың қадір-қасиетін білуге, күнделікті өмірде қолдана білуге көмектеседі. Қазақ халқы өзінің күн көріс тіршілігіне қажетті үй-жай салуды, киім-кешек тігуді, азық-түлік өндіруді өзінің тұрмыстың кәсібі етіп, оларды күнбе-күнгі тіршілік барысында орынды пайдаланса, әсем бұйымдар жасап, өмірде сән-салтанат та құра білді. Халықтың қолөнеріне әдет-гұрып жабдықтарымен қатар, аң аулауға, мал өсіруге және егіншілікке қажетті құрал жабдықтар да кіреді. Киіз үйдің сүйегі, ағаш керует, кебеже, сандық жасап, кілем, сырмақ, алаша, ши, түрлі бау-басқұрлар тоқып, арқан, жіп есіп, көннен және илеулі теріден қайыс, таспа тіліп, өрім өріп, қолдан әр алуан ыдыс-аяқ, адалбақан, асадал, бесік және т. б. көптеген заттарды халық шеберлері, өнерпаздар өз қолдарымен жасады.

Үйірменің мақсаты:

Балаларға қосымша білім беруде оқушының білімін, шеберлігін көрсету. Оқушыны шығармашылық жұмысқа тарту арқылы танымдық қабілеттерін, қызығушылығын арттыру, жетістіктерін бағалап көрсету, белсенділігін қалыптастыру, өздігінен еңбек етуге дайындау, іскерлігін дамыту.

Үйірменің міндеті:

• Оқушыларды шығармашылыққа тарта отырып , он саусағынан өнері тамған баланы тәрбиелеу.

• Шәкірттердің шеберлігін, білім мен еңбегін көрсету.

• Іскерлік, икемділік қабілеттерін арттыру

• Тәрбиелік дағдысын жеткізіп, еңбектену жұмысына төзімділігін жеткізу.

• Қабілет-қарымын дамытып, өздігінен ықыластылық, талпыныс қызығушылық танытуға дағдыландыру;

• Оқушыларды өздігінен еңбек етуге баулу;

• Өз жұмысындағы шығармашылық шешімдерге сипаттама беруді;

• Шеберлердің туындыларына талдау жасауға үйрету;

• Орындалған жұмыстың сапасы мен қасиетін сыни тұрғыда анализдеуді (коммуникативтік дағды) біледі;

• Шығармашылық идеяларын дамыту үшін түрлі ақпарат көздерін қолдана білулерін;

• Техника қауіпсіздік ережесін және санитарлық – гигиена нормаларын орындау.

«Ұлттық мұра» үйірмесінің

оқушылар тізімі

«Ұлттық мұра» үйірмесінің

күнтізбелік-тақырыптық жоспары

(қыздарға арналған) 34 сағат

Барлығы: 34 сағат.