Сабақтың кезеңдері

Оқушының әрекеті

Педагогтің әрекеті

Бағалау

Оқу ресурстары

Сабақтың

басы

10 минут

Сабаққа спорттық киіммен келу. Қатарға тұру. Сәлемдесу. Рапорт тапсыру. Сабақтың тақырыбымен және мақсатымен танысу. Бағалау критерийлерін анықтау. Техника қауіпсіздігін сақтау. Бой жазу жаттығуларын орындау. Тыныс жолдарын қалпына келтіру.

Оқушылардың спорттық киімдеріне назар аудару. Қатарда түзу тұруың қадағалау. Келмеген оқушылардың себебін анықтау. Сабақтың тақырыбымен және мақсатымен таныстыру. Бағалау критерийлерін түсіндіру. Техника қауіпсіздігін ескерту. Бой жазу жаттығуларын ережеге сай орындалуын қадағалау.

http://www.tursport.akmol.kz/public/uploads/pravila_igri_asik.pdf

https://articlekz.com/article/5852

https://www.youtube.com/watch?v=zpavGOT2GmM

http://www.tursport.akmol.kz/public/uploads/pravila_igri_asik.pdf

Сабақтың

ортасы

30 минут

Төрешілердің міндеті:

Бас төреші жарыстың ойдағыдай өтуіне жауапты. «Тақта» немесе «Алаң» басындағы төрешілердің шешіміне наразылық туса, әділ төрелік жасайды. Жарыс өтетін орынның техникалық дайындығын тексереді. Жауапты хатшыны тағайындайды.

Техникалық хатшы – төрешілер алқасының хаттамасын әзірлейді. Бәсекеге түсетін топтарды жіктейді. Жарыстың уақытын белгілейді. Бас төрешінің шешімдерін жеткізеді және ұсыныс жасай алады. Журналистерге ақпараттық мәлімет таратады. Жарыс барысында орын алған ескертпелерді жазып алады. Техникалық хатшы чемпионаттың жеңімпаздары мен жүлдегерлерін анықтауға қатыспайды.

Төрешілер – тақта немесе алаң басында тұрып ойынды бастауға, тоқтатуға үкім береді. Қолына қызыл және көк түсті екі шағын жалауша ұстайды. Ойыншыға «Баста» деп айтып, көк жалаушаны көтереді. Бұл ойын басталғанының белгісі. Ойыншы қателік жібергенде «Тоқта» деген бұйрық беріп, қолындағы қызыл жалаушаны көтереді. Осылай келесі ойыншыға «Баста» сөзі айтылып ойынды жалғастыруын ұсынады.

Ойын басындағы төреші ереженің қатаң сақталуын қадағалайды. Әрі жеңімпазды анықтайды. Ұпай санын белгілеп, хатшыға хабарлама жасайды.

Ойын қалай басталады?

Ойын қалай аяқталады?

(Т, ҚБ) «Хан алшы» ойыны ойлауды, зейін қоюды қасиеттерін дамытады. Ойынға 5-10 ойыншы қатыса алады. Ойын бірнеше асықты қажет етеді. Асықтардың ішіндегі ең үлкені, қызыл түстісі «хан» болады. Санамақ арқылы жүргізушіні анықтайды. Ол барлық асықтарды екі қолына алып, сырмақ үстіне шашады. Басты шарты ұқсас түскен асықтарды ғана атады. Асықтарды ату бас бармақпен орындалады. Басқа асықтарға тигізбей атып алынған асық, ұпай ретінде олжаланады. «Ханды» ең соңғы қалған ұқсас асықпен ғана атады. Егер жүргізуші басқа асықтарға қолымен немесе асығымен тигізсе, кезек келесі ойыншыға беріледі.

Ойын ережелері мен қауіпсіздік ережелерінің сақталуына көңіл бөліңіз. Ойыншылардың іс-әрекетін талдаңыз.

(С, ҚБ) Сыныпты бірнеше топқа бөліп, «Асық» ойынындағы төрешілердің ым-белгілерін көрсету:

Бүк – жұмылған қолды алға созып саусақтардың бүгілген жағын төмен қарату.

Шік – жұмылған қолды алға созып саусақтардың бүгілген жағын жоғары қарату.

Алшы – жұмылған қолды алға созып бас бармақты тік ұстау.

Тәйке - саусақтарды түзу ұстап, қырынан көрсету

Омпа– қолды алға созып бес саусақты төмен қаратып ұстау (900).

Шоңқы – қолды созып бүгілген бес саусақты жоғары қаратып ұстау.

Ереже бұзылған жағдайда төреші көк білек қабы бар қолын көтеріп, ойынды тоқтатады.

Мұғалім бұл ойындардың тактикалық білім мен стратегиялық ойлауды қалай дамытатынын көрсетуі тиіс.

Жарыс іс-әрекеттерін және төрелік ету ережелерін, ойыншылардың іс-әрекеттерін талқылаңыз.

Т, ҚБ) «Қаржу»(қақпақыл). Бұл

ойын үш кезеңнен тұрады. Бірінші

кезең – көн киіз немесе кілем үстіне

төреші бес асықты арасын

алшақтатып шашып тастайды Ойыншы өзінің

қолындағы қолайлы асығын жоғары лақтырып

жіберіп, киіз үстіндегі бір асықты іліп алып,

жоғарыдан түсіп келе жатқан өз асығын жерге

түсірмей қағып алады, жаңағы жерден алған

асықты жерге қойып, тағы да өз асығын жоғары

лақтырып, жерден екінші асықты іліп алып,

жоғарыдағы өз асығын қағып алады. Осылай

үшінші, төртінші, бесінші асықты алады . Осы

бес асықты қателік жібермей қаржып алар болса,

10 ұпай беріледі.

Жиналған ұпай санын

қадағалаңыз. Қозғалыс

белсенділігін арттыру үшін

сыныпты бірнеше топқа

бөліңіз. Бұл ойынды өткізу

үшін спорт залында бар спорт

құралдарын пайдаланылады.

Сұраңыз: бұл ойынды қалай

күрделендіруге болады?

Берілген ойын қандай

дағдыларды дамытады?

Тоғызқұмалақ ойынындағы келесідей қалыптан ойын бастау арқылы тактикалық әрекеттерді сынамалап көріңіз, нәтижесімен бөлісіңіз:

а) екі ойыншы да тұздықсыз ойын бастайды;

b) екі ойыншының біреуі ғана тұздықпен ойын бастайды;

с) екі ойыншыда да тұздық бар, тұздықтардың қақтығысын ұйымдастырады.

Әрекеттерді сынамалаған соң сәтті болған тұстарын қарсыласыңызбен талқылаңыз, жетілдіру үшін қолдау көрсетіңіз (төрелік ету, негізгі терминдерді түсіндіру, ұсыныс білдіру т.б.).

Дескриптор

- нәтижеге қол жеткізу үшін бірнеше әрекет түрлерін тізбектеп жазады;

- тиімді нәтиже үшін қол жетімді ресурстарды пайдаланады (кітап, ғаламтор, сыныптасы, ата-анасы т.б.);

- ұлттық ойынды дамытатын дағдылар туралы айтады.

Сабақтың

соңы

5 минут

Оқушылар тыныс жолдарын қалпына келтіреді. Қиындық тудырған мәселелер бойынша сұрақ қояды. Бір-біріне кері байланыс жүргізеді.

Мүғалім оқушыларға кері байланыс жүргізеді. Сабақ барысында жіберілген кемшіліктер мен нәтижелерді талқылайды.

Үй тапсырмасы: жалпы дамыту және бой жазу жаттығуларын орындау

Оқушылардың үй тапсырмасын мұқият тындауын қадағалау