ҰЛТТЫҚ ӨНЕР-РУХАНИ ҚАЗЫНА («Домбыра» раrty)

ҰЛТТЫҚ ӨНЕР-РУХАНИ ҚАЗЫНА

(«Домбыра» раrty)

Төлеков Әуелбай Жұмағалиұлы

Ақтөбе облысы, Шалқар ауданы, Қаратоғай жалпы орта білім беретін мектебінің информатика пәні оқытушысы

Мақсаты: Қазақтың ұлттық өнерін, ұлттық музыкасын насихаттау, игі дәстүрін, құндылықтарын дәріптеу, оқушыларымыздың өнерге деген сүйіспеншілігін арттыру, қызығушылығын ояту.

Өту барысы:

1 -жүргізуші: Армысыздар, ана тілін ардақтайтын, дәстүрін қадірлейтін барша әлеумет!

2 жүргізуші: Қайырлы күн, қадірлі ұстаздар, құрметті оқушылар!

1 жүргізуші: Халық өнері-асыл қазына. Сыры ғасырлар бойы сақталған өнер қазынасын қазақ ұлтымен бірге жасайтын ұлттық музыка мәдениетінің сан алуан сырын ашатын рухани мұра.

2 жүргізуші: Өнер-халық тарихының шежіресі. Осы өнерді кейінгі ұрпаққа насихаттауға арналған «Ұлттық өнер-рухани қазына » атты «Домбыра» раrtyға

Екі жүргізуші бірге: Қош келдіңіздер!

1 жүргізуші: «Рухани жаңғыру» бағдарламасы арқылы ұлттық мәдениетімізді әлемге танытуға домбыра ерекше үлес қосады. Құрманғазы мен Дәулеткерейдің , Тәттімбет пен Сүгірдің, Қазанғап пен Динаның күйлері-төл мәдениетіміздің бірегей үлгілері

2 жүргізуші: Біздің мәдени құндылықтарымыз бен дәстүріміз қос ішектің үні мен күмбірлеген күй арқылы ұрпақтан-ұрпаққа беріледі. Ұлттық домбыра күнінің аталып өтуі өскелең ұрпақтың қасиетті домбыраға, ұлттық өнерге деген құлшынысын арттыра түсері қақ.

1 жүргізуші: Домбыра-қазақтың жаны, рухы, тарихы, салт-дәстүрі, бүкіл-болмысы.

2 - жүргізуші: Ендеше, мектебіміздің мақтанышына айналған күйшілерімізге кезек берейік «Адай» күйі

1 - жүргізуші: Қазақтың би өнері -ерте заманнан қалыптасқан, халқымыздың аса бай ауыз әдебиетімен , ән-күйлерімен, дәстүрлі тұрмыс-салтымен біте қайнасып келе жатқан ел мұрасы.

1 - жүргізуші: Қазақ халқы ежелгі би өнерінің дәстүрі мен өрнегін сақтап, өзінің рухани қазынасымен ұштастыра отырып, ғасырлар бойы дамытқан. Қазақ биі халықтың тіршілік-тынысын, адамның табиғатқа көзқарасын , дүниетанымын айшықтайтын өнер ретінде өркендеуде.

1 -жүргізуші: Халықтың көркемдік ойының көрінісі ретіндегі би өнері ұлттық өнердің басқа түрі сияқты қазақ жұртының жалпы дүниетанымына сай арман-мұраттарын бейнелейді.

2 - жүргізуші: Келесі кезекте мың бұрала билеген бишілерімізді «Қара жорға» биімен қарсы алыңыздар!

1 - жүргізуші: Қазақтың ән өнері-сонау көне заманнан бері қалыптасқан халқымыздың асыл қазынасы

2 - жүргізуші: Ол «халық даналығы, халық білімі» деген мағынаны білдіреді. Ән дәстүріндегі өзіндік ерекшеліктерін танытады.

1 - жүргізуші: Ән –халықтың сүйіп айтатын, тыңдайтын, сан ғасырлық тарихы бар халық музыкасының ең бір бай арнасы. Музыка әлемі адамзат мәдениетінің байлығы ішіндегі мұхиттай шексіз, ғажайып дүние.

2 - жүргізуші: Олай болса, қазақ әнін дәріптеп жүрген талантты да өнерлі оқушымыз Нұрдананы «Қазақ дастарханы» әнімен қарсы алыңыздар!

1 - жүргізуші: Баршаңызды рухани азығымыз-дәстүрлі ән -жырларымызды, күй мен би өнерін құрметтей білуге шақырамыз

2- жүргізуші: Ұлттық өнерімізді, ұлттық қазынамызды дәріптей білейік!

Қош –сау болыңыздар!