Баяндама тақырыбы: Топтық оқыту барысында кездесетін қиындықтарды шешу жолдары

Орындаған: М.Өтемісов атындағы БҚУ-нің ҚТӘ 11-3 топ студенті Л.Е.Кенжалиева

Бүгінгі баяндамамның тақырыбы – топтық оқыту барысында кездесетін қиындықтарды шешу жолдары. Бұл мәселе қазіргі білім беру процесінде өзекті, себебі топтық оқыту оқушылардың белсенділігін, ынтымақтастығын арттыруда маңызды рөл атқарады.

Кіріспе

«Топтық жұмыс» – бұл оқушылардың бір мақсатқа жету үшін бірігіп жұмыс жасауы. Бұл тәсіл оқушылардың білім алуға деген қызығушылығын оятып, өз пікірін ашық айтуға, тыңдауға, талдауға және бағалауға үйретеді. Топтық жұмыстың құрылымы – өзара әрекеттестікке негізделген.

Топтық жұмыс әдістері:

Топтық жұмысты тиімді ұйымдастыру үшін түрлі әдістер қолданылады. Олардың қатарында:

«Ыстық орындық»

«Автор орындығы»

«Миға шабуыл» стратегиясы

сияқты тәсілдер бар. Бұл әдістер оқушылардың шығармашылық және сыни ойлау дағдыларын дамытады.

Кездесетін қиындықтар мен шешу жолдары:

Топтық жұмыс барысында келесі қиындықтар кездесуі мүмкін:

1. Топ ішіндегі теңсіздік.

2. Қарым-қатынас тапшылығы.

3. Уақытты тиімді пайдалана алмау.

4. Жауапкершіліктің болмауы.

5. Бағалау жүйесінің нақты болмауы.

Бұл қиындықтарды шешу жолдары:

Рөлдер мен ережелерді нақтылау: Әр оқушының міндеті айқын болуы керек (мысалы: көшбасшы, баяндамашы, жазушы, бақылаушы).

Сапалы қарым-қатынас орнату: Тыңдай білу, өзара сыйластық пен келісімге келу – топтың үйлесімді жұмыс істеуінің кепілі.

Бағалау мен кері байланыс: Оқушыларға жүйелі кері байланыс беру, олардың жеке және топтық жетістіктерін бағалау маңызды.

Интербелсенді оқытудың тиімділігі:

Интербелсенді әдістер оқушының терең ойлауына, вқпаратты талдап, жаңа білім құрастыруына, өз көзқарасын дәлелдеуге, мәселелерді шешуге

үйретеді.

Қорыта айтқанда, топтық оқыту – тиімді әрі заманауи әдіс. Алайда оны дұрыс ұйымдастыру – табыс кілті. Мұғалім мен оқушы арасындағы өзара түсіністік, белсенділік пен жауапкершілік – табысты топтық жұмыстың негізі.

Топтық оқыту арқылы біз:

Оқушылардың сенімін арттырамыз,

Жауапкершілікке тәрбиелейміз,

Өз ойын еркін жеткізуге, талдауға және бағалауға баулимыз.