Ұлттық құндылықтар

Ұлттық рухани құндылықтарымыздың тарихи маңызы

Ұлттық рухани құндылықтың бастауы- салт-дәстүріміздің негізінде жатыр. Бүкіл әлемдік жаһандану үрдісі қай ұлттың болмыс-бітіміне , салты мен дәстүріне өз ықпалын тигізбей қоймайды. Әсіресе дәл бүгінгі күндегі түрлі әлеуметтік желінің жылдам дамуы, мәдениет пен қоғамдық өмірдің сан алуан түрлілігі – оңы мен солын енді тарып келе жатқан жас ұрпақ үшін өз ұлтының тұрмыс-тіршілігіне ой өмір сүру құндылықтарынан алыстатына әкеліп соғары сөзсіз. Дәл осы жерде өз еліміздің рухани болмысы мен салт-дәстүрін келер ұрпақтың сананына тоқыта отырып, өмір салтында қолданысқа енгізіп, атамұралық қасиетін жоғалпау қасиетін қолға алу басты міндет болып саналады.Сонымен қатар, ұлттық тәрбиенің басты құралы болып табылатын ежелгі ауыз әдебиеті мен дәстүрімізге негізделген тағлымы мол дүниелерімізді дәріптеу немесе жас ұрпаққа тікелей оқу-ағарту жүйесі арқылы ұсыну - жас өреннің бойындағы зеректігі мен ибалылық қасиетін қалыптастырып қана қоймайды , өз ұлты мен елін , жерін сүюге, Отанын қорғауға деген патриоттық сезімдерін де дамытып, тұлғалық ерекшелігі өз ұлтына тән қасиетпен толығатыны сөзсіз.

Сонау тарих беттерінен байқайтынымыз, қазақ зиялы қауымының тұлғаларының көпшілігі өзінің тұлғалық қалыптасу кезеңінде балалық балдәуренін ата мен әжесінің әңгімелеп берген ертегі, аңыздар мен қиссаларын, батырлар жырын көп тыңдағанын айтады. Мәселен бесікте жатқан сәбидің бесік жырын тыңдап өсуі баланың тілінің ерте шығып, таза сөйлеуіне , әрі ойы мен өресі жылдам дамып, жүйке-жүйесінің берік болуына әсер ететіні анықталған.

Олай болса еліміздің бүгінгі және кейінгі ұрпақтары өзіндік іс әрекеті мен болмысына және өзіне тән құндылықтарын дамытуы тиіс және бұл іс оның бабалар алдындағы үлкен парызы деп санаймын.

Смайыл Азамат

Талдықорған қаласы

Бақтыбай Жолбарысұлы атындағы мектептің

• 11 сынып оқушысы