«Ұлттық рухани құндылықтарымыз»

«Ұлттық рухани құндылықтарымыз»

/мақала/

Дін-адамзат өміріндегі өте күрделі әрі маңызды мәдени сана. Діннің басты мақсаты-рухани сана мен Құдайға деген сенім. Ғалымдардың зерттеуінше дін бұдан шамамен қырық-елу мың жыл бұрын тас дәуірінде пайда болған. Дін әлемдік және ұлттық дін деп бөлінеді. Жалпы әлемдік дін үшеу: ислам, христиан және будда. Ал, ұлттық дінге индуизм, конфуций, иудаизм және синтаизм жатады.

Дін ұғымы өте аумақты, мейілінше көп нәрселерді қамтитын кең ұғым. Адам өміріне қажетті рухани байлықтарды реттеу үшін дін түрлі заңдар мен ережелер белгіледі. Ислам дінімен тәрбиеленген адам біреуге жаманшылық тілемейді және міндетті істі тек адалдықпен орындайды. Сондықтан, біз қазіргі таңда жер бетінде миллиардқа тарта адамның зейінін өзіне тартқан ислам дінін ең алдымен рухани құбылыс ретінде құрмет тұтамыз. Ислам діні адам өміріндегі ең таза дін деп есептеледі. Ислам діні деп- Аллаһтан басқа құлшылық қылуға лайықты Тәңір жоқ екендігіне және Мұхаммед Аллаһтың елшісі екендігіне жүрекпен, тілмен куәлік беруді айтады. Дін-қоғамның ең қажетті, негізгі тармағы және діннің қоғамда алар орны ерекше. Себебі, дін қағидаларына байланысты адам баласының өзгелерге жәбір көрсетуден тәртіпсіздіктен, ішімдік, есірткі секілді жаман әдеттерден бойын алыс ұстайды. Дінсіз қоғамда қылмыс пен тәртіпсіздік етек жаятындығы бәрімізге белгілі. Біреулер қаласа да, қаламаса да дін қоғам өмірінен өз орнын алатын болады. Өйткені, адамда сана мен жүрек бар. Мұңға батқан жүрек өзінің дауасын іздесе діннің құндылықтарына жүгінуге мәжбүр болады. Адамды тек осындай биік құлшынысқа, рухани жетілуге жетелейтін діннің басты бір маңызы болып табылады.

Дін-адамзатпен бірге жасасып келе жатыр.Қазіргі уақытта ізденемін деген жастарға барлық жолдар ашық. Тек сол нәрсені дұрыс пайдалана білген жөн. Діни сауатын арттыратын орын ретінде мешіттер, мешіттер жанынан ашылған түрлі курстар бар. Сол жерлерден білім алса қоғамға пайдасын тигізер жастарымыз да өсіп келеді. Сол жағдайды бізде қолға алып, жастарымыздың діни сауатын арттырсақ қоғамда тыныштық пен ынтымақ боларына сенемін.