Ұлы Абай тағылымы

Қордай ауданы

№ 25 негізгі мектеп директоры:Байбеков М.Ж.

Ұлы Абай тағылымы

Абай атамыз 19 – қарасөзінде естілік туралы сөз қозғап, «Адам ата-анадан туғанда есті болмайды: естіп, көріп, ұстап, татып ескерсе, дүниедегі жақсы, жаманды таниды дағы, сондайдан білгені, көргені көп болған адам білімді болады» ,- дейді. Қалай есті болады? Көре жүре, ести жүре ,сол көргені мен естігенін санасына түйе жүре , бойындағы білімі мен адамгершілік қасиеттерін дамытады. Сол арқылы білімі артады, «толық адам» деңгейіне көтеріледі, өзі де өзгелерге үлгі болып , сара жолды көрсете алады.

Ал, бүгінгі таңдағы қашықтықтан оқытуда да ұлы Абай атамыздың сөздері есімізге түседі. Ол тағы бір қарасөзінде ақылға кесел нәрселерден сақ болған жөн.Естіген нәрсені ұмытпасқа төрт түрлі себеп бар.

1.Көкірегі байлаулы берік болу керек.

2.Сол нәрсені естігенде я көргенде бірдемеге үлгі етіп,ұқсатып,бар ынтамен ұғу керек.

3.Бірнеше рет қайталап,көңілге бекіту керек.

4.Ой кеселді нәрселерден қашық болу керек.Ол кеселді нәрселер: салғырттық,уайымсыздық,ойыншы-күлкішілдік,я бір қайғыға салыну,болмаса бір нәрсеге құмарлану,бұл төрт нәрсе ақыл мен ғылымды тоздыратын нәрселер» - дейді .

Бүгінгі таңдағы мектептің алдында да осындай зор міндет тұр, яғни баланың қашықтықтан оқуы кезінде ойыншы – күлкішілдікке салынбай , әр сабақты мұқият тыңдап , көңілге түйе білу керек, баланың көргені мен білгенін санасына түйе жүруге, өз тарихы мен әдебиеті үшін мақтануға, мақтана отырып, күллі әлемге паш ете білу үшін білімді де парасатты болуға дағдыландыру . Бұл істе бүгінгі таңда ата-аналар мектепке көмекее келмек , барлық қиындықты біресе отырып жеңе білуіміз керек.