Ұлы даланың дарабоз саңлағы

Ұлы даланың дарабоз саңлағы

Елбасымыздың мемлекетімізді «Ұлы Дала елі» деп бейнелі түрде атап,мемлекетімізді көркейту жолында аянбай еңбек еткен, «Ұлы даланың дарабоз саңлағы» атағына лайықты болған және осы жолда нәтижелі жұмыс атқарған,мемлекет және қоғам қайраткері - Қаратай Тұрысов атамыз.

Қаратай Тұрысов – өмірін туған жерінің, өркендеу, өсу жолына,тәуелсіз ел болып қалыптасуына, іргесін бекіту жолында сарп еткен жан. Ол киелі Тараз топырағынан сонау Мәскеуге арман қуып баруының да басты себебі болатын. Ол кездің қиыншылығы түгіл бертін, жаймашуақ жылдар болғанда да бұлай топталып барып, Мәскеудің оқуына түсу деген сирек оқиға болатын. Ал қайсар ұрпақ соғыстан кейінгі қиын­шылықтарды, жоқшылықты көзге  ілмей, бұрын ауылдан шығып көрмесе де Мәскеу төрінен бір-ақ шығады.. Осы институт қабырғасында Қаратай Тұрысовтың болашақ өміріне көзқарасы бекем қалыптасты. Ол өз мамандығын сүйіп қана қойған жоқ, осы саланың білікті мамандарының бірі болды.Өзінің мамандығы туралы сыр шерткенде «Соғыстан кейінгі ұрпақтың геологияға бет алуы – әлемдік масштабтағы академик Қаныш Сәтбаевтың Қазақстандағы жерасты қазба байлықтарын дүние­жүзілік аренаға шығарған еңбегіне тікелей байланысты» деген болатын. Әрқашанда тура сөй­лейтін, ойын ашық та бүкпесіз айта білетін Қаракең: «Геолог болу – қияметтің қияметі. Дүниеде 3 мың түрлі минералдар бар. Әрбір тастың құрамындағы ми­нералдарды «оқып» зерттеп, жер қой­нында қандай кен жасырынып жатқанын дәл білу керек… Арқаңда дорбаң… қо­лыңда балға-қайлаң… дорбаң толы тас. Қу даланы кезіп бара жатқан геолог осындай күн кешеді. Күні бойы тастармен сөйлеседі. Қазір де тау жоталарын, тау мен тасты көрсем болды, солай қарай бұрылып кеткім келеді», дейді Қаратай Тұрысов. Иә,осындай керемет жүректен шыққан сөздерді өз ісінің шебері ғана айта алары сөзсіз.

Олай болса, елі үшін туып, ерен еңбек еткен біртуар азаматымыздың игі істері келер ұрпаққа үлгі өнеге болары хақ.