САБАҚ: Абайтану

Тарау: Абайдың поэмалары

Тақырып: Қорытынды сабақ.»Ұлы сөзді іздесең, Абайды оқы, жалықпа!» атты «Абай оқулары» сыныпішілік байқауы

Мектеп: «Солтүстік Қазақстан облысы, Мамлют ауданы әкімдігінің білім бөлімі» КММ

«Бексейіт орта мектебі» КММ

Күні:

Мұғалімнің аты-жөні: Кажигалиев Акежан Максатович

СЫНЫП: 9

Қатысқандар: 9

Қатыспағандар:

Осы сабақ арқылы жүзеге асатын оқу мақсаттары

9.31 Абайдың бай шығармашылық мұрасын қолдануды үйрену

Сабақ мақсаттары

Барлық оқушылар орындай алады:

Абайдың бай шығармашылық мұрасын қолдануды үйрене алады

Оқушылардың көпшілігі орындай алады:

• Абайдың өлеңдерін нақышына келтіріп, мәнерлеп оқи алады

Кейбір оқушылар орындай алады:

• Абайдың қарасөздерін мәнерлеп оқи алады

Бағалау критерийлері

1. Абайдың бай шығармашылық мұрасын қолдануды үйренеді

Тілдік мақсат

Оқушылар орындай алады:

• Абай оқуларына қатысады

Пәнге қатысты сөздік қор мен терминдер:

Абай оқулары

Алдыңғы оқу:

«Абайтану» курсындағы өтілген амтериалдарды біледі

Жоспар

Жоспарланған уақыт

Жоспарланған жаттығу түрлері

Ресурстар

Басы

2 минут

Мұғалімнің алғы сөзі

Абай –артына мол мұра қалдырған адам. Оның шығармалары күні бүгінге  дейін терең мағынасымен,асыл да құнарлы  жұртқа жол көрсетіп тұр. Екінші бір Абайдың  сөз өнерін сүюіне зор ықпал еткен нәрсе – сол заманның шешендерінің тамаша сөздері.Нағыз ақын,әрі патриот Абай. Ол- халықты өнер-білімге шақырады. Сонымен бірге шетел классиктерінің, орыс ақындарының еңбектерін қазақшаға аударып,қазақ оқырманының жүрегіне терең бойлата білді. Биыл міне Абай Құнанбайұлының туғанына 175 жылдық мерейтойына байланысты ұйыдастырылып отырған Абай оқуларын ашық деп жариялаймын.

Ортасы

31 минут

(Муызка ойнайды да Абайдың19 қара сөзі оқылады.)
1-жүргізуші

Өнердің түрі көп. Соның ішіндегі ең құдіреттісі ол – сөз өнері.

2-жүргізуші

Құрметті ұстаздар, оқушылар, ата-аналар! Бүгінгі кешіміз ғұлама ақынымыз Абай Құнанбайұлының 175 жылдық мерейтойына арналады.

1-жүргізуші

Жылуы мол жібітердей тоң-тасты,
Жылдар легі жылжып алға жалғасшы.
Жақсылық пен жақсы үміттің ғасыры,
Жылың мынау барады өтіп алғашқы.

2- жүргізуші

Жүректердің жарқылдағай жасыны,
Тыныш өмір-адамзатқа асылы.
Ел тілегі: адал еңбек, маңдай тер,
Ей ғасырым, бол білімнің ғасыры!

1-жүргізуші

Озық ойлы Абайтанушылар! Жыл керуені алға жылжыған сайын Абай Құнанбайұлының артына қалдырған өшпес мұрасы жарық жұлдыздың қараңғы түн қайнауынан құпия сәулесін шашқандай жарқырап, өркендей өсіп, айшықтала түсуде. Асыл сөздері келешек заманымызда да гауһардай жарқырап, көзі ашық көкіректерге нұр болып құйыла берері хақ.

Алдарыңызда Зұлқарнай Алматтың орындауында ән «Мереке» қошемет пен қарсы алыңыздар.

2-жүргізуші

«Асыл сөзді іздесең, Абайды оқы, ерінбе,» - деп Сұлтанмахмұт ағамыз айтқандай, сайысымыздың басты үш номинациясымен таныстырып өтейік.
Бірінші номинация: «Білімдіден шыққан сөз» Абай шығармаларын жатқа айту сайысы.
Екінші номинация: «Ұйықтап жатқан жүректі ән оятар» Абайдың әндері
мен күйлерін орындаушылардың сайысы..
1- жүргізуші

Енді осы байқауға сайыскерлеріміздің оқу мәнерін, әнді орындау сазы мен сахналық шеберлігін, інкәр сезімдерінен өлең өрнектеген жас ақындарымыздардың дарындылығын бағалайтын әділқазылар алқасымен таныстырып өтейік:
1. Орыс тілі мен әдебиеті пәні мұғалімі Қорғанбаева Нағима Қожахметқызы
2. Қазақ тілі мен әдебиеті пәні мұғалімі Кенжетаева Құралай Кенжебайқызы
3. Мектеп директорының тәрбие ісі жөніндегі орынбасары, абайтану пәнінің мұғалімі Қажығалиев Әкежан Мақсатұлы

2 - жүргізуші

Әділқазылардың міндеттері:
- қатысушылардың өнеріне талдау жасайды және бес ұпайлық жүйемен
бағалайды;
- жеңімпаздарды анықтайды және жүлделі орынға бөледі;
- қатысушылардың өнерін бағалаудағы даулы мәселелерді талқылайды және
қажет болған жағдайда тиісті түзетулер енгізеді;

1-жүргізуші

Жарыстар өтсін алуан,
Сынасын күшін барлық жан.
Жүлдесін алып шаттансын,
Білімі мықты әрбір жан – дей келе сахна төріне бүгінгі Абай оқуларының қатысушыларын қошемет пен қарсы алайық.(саханаға қатысушылар шығады)

2- жүргізуші

Өлең-сөздің патшасы, сөз сарасы,
Қиыннан қиыстырар ер данасы.
Тілге жеңіл жүрекке жылы тиіп,
Теп-тегіс жұмыр келсін айналасы-дей келе бірінші кезең «Білімдіден шыққан сөз» атты номинациясы бойынша сайысымызды бастаймыз.

1-жүгзізуші

Осымен бірінші кезең «Білімдіден шыққан сөз» атты номинациямыз өз мәресіне жетті. Сіздердің алдарыңызда 8 «А» сынып оқушысы Жұмажанов Еркебуланның орындауында күйі «Түркістан» қол соғып қарсы алыңыздар.
2- жүргізуші

Әлем танып, таңданды, ұлы Абайға,
Нұрын шашты, сөз зергері маңайға.
Жылдар көші лек-легімен өтсе де,
Құрмет тұтып, іліп қойдық маңдайға.
Абай салған ән қосып жырға екпінін,
Солар менің жырымда жүрмек бүгін.
Тірілерін құрметтеп, өлілерін
Тірілтуде әнменен міндеттімін.
1-жүргізуші

Екінші кезең «Ұйықтап жатқан жүректі ән оятар» атты номинациясы бойынша сайысымызды бастауға рұқсат етіңіздер.

2-жүргізуші

Екінші кезеңіміз «Ұйықтап жатқан жүректі ән оятар» атты номинациясы бойынша сайысымызды аяқтаймыз.

1-жүргізуші

Поэзия!
Менімен егіз бе едің?
Сен мені сезесің бе, неге іздедім?
Алауыртқан таңдардан сені іздедім,
Қарауыртқан таулардан сені іздедім, - деп бүгінгі жас ұрпақ өз сағынышы, жүректегі ыстық ықыласын жыр шашу етіп шашады.

1-жүргізуші

Сонымен бүгінгі байқауымыздың үшінші кезеңі де өз мәресіне жетті.

Әділқазылар алқасы қорытындысын шығарғанша алдарыңызда Ахметжан Ілиястың орындауында күй «Ерке сылқым» қол соғып қарсы алыңыздар.
2-жүргізуші
Абай бізбен мәңгі бірге, өйткені Абай шығармалары ұлттық өнерді дамытудың жаңа бағыты ретінде қызмет атқарып келеді. XXІғ. қазақ әдебиеті Абай дәстүрін жалғастыра отырып өсті, жетілді. Абай ұлтымыздың туы.Абай адам өмірін мағыналы етуді, ақылға, еңбекке сүйеніп өмір сүруді, жамандық жасамауды , адамгершілікті сақтауды, жастарға өсиет етті.

1- жүргізуші
Елбасымыз Нұрсұлтан Әбішұлы Назарбаевтың: «Біздің міндетіміз бәсекелістікке лайық ұрпақ тәрбиелеу», - деген пікірі жастарға Абайша білім алу, Абайша ойлау, Абайша өмір сүру дегенді ұқтырады.

Соңы

7 минут

2- жүргізуші
Бүгінгі байқаудың қорытындысы мен марапаттау үшін құттықтау сөз орыс тілі мен әдебиеті пәні мұғалімі Қорғанбаева Нағима Қожахметқызына беріледі.
1-жүргізуші

Абай әлемін бүкіл дүниеге таратушы кемеңгер ұлы Мұхтар «Мен Абай тереңінен шөміштеп қана іштім» деген екен. Ал біз Ұлы ғұлама тереңіне бас қойғанымызбен тек қана сол тереңнен дәм таттық қой деп ойлаймын. Сол себептен оқудан, білімге ұмтылушылықтан, ізденуден жалықпайық. Сондықтан балалар өз ғұламамыздың шығараларын қашан да дәріптеп, сүйе білейік достар!

2-жүргізуші

Бүгін міне, Абай атамыздың шығармаларынан шалықтатып ән салып, күмбірлетіп күй төгілтіп, көркем сөз оқу шеберліктеріңді де шыңдадыңдар. Осында Абай сүйген шәкірттері бар екеніне біз бақыттымыз. Барлықтарыңның өз үлестеріңді қосып жауапкершілік пен қатысқандарыңа көп рақмет. Келесі кездескенше!