«Ұрпақ болашағы - тәрбие мен білімде» танымдық тәрбие сағаттың сценарлық жоспары

Өтетін орын: АКТ зал

Қатысатындар: 5-6 сыныптың оқушылары

Форматы: Танымдық тәрбие сағат

Көрнекілігі: Ұлттық құндылық, отбасы, ата-ана, салт-дәстүрлер туралы нақыл сөздер.

Көрме бұрышы: Ұлттық құндылық, отбасы, қазақы салт-дәстүр локациясында көрнекілік бұрышы жасалды, кітаптар, фотосуреттер, буклеттер, дидактикалық таратпа материалдар.

Безендірілуі: Оқушылар арнайы дайындалған межелі орындарына отырады, қонақтар келгенде 6 немесе 8 оқушы Отан, ұлттық құндылық, әке, ана тақырыптарында өлеңдер оқиды.

Мақсаты: «Біртұтас тәрбие бағдарламасы» аясында оқушыларды қазіргі заман талабына сай сапалы білім мен саналы тәрбие алуға ынталандыру.

Міндеттері:

• Жас ұрпақтың танымдық көзқарасын, ой-өрісін, дүниетанымын кеңейту;

• Жас ұрпақты тәрбиелеуде ұлттық тәрбие негіздерін қолдану;

• Балалардың бойына ұлттық құндылықтарымызды сіңіру;

• Оқушыларды ұлттық құндылықтарды ұлықтауға;

• Ата-аналарын сыйлауға, құрметтеуге тәрбиелеу;

• Халқымыздың әдет-ғұрпы, салт-дәстүрі арқылы оқушылардың бойында асыл да адамгершілік қасиеттерді қалыптастыру;

• іскерлік қасиеттерін дамыту; 
  Логикалық ойлау, сөйлеу қабілеттерін шыңдау, оқушылар бойына ұлттық мәдени құндылықтарды сіңіру. 
  
  
  

Модератор: Қайырлы күн құрметті ұстаздар, оқушылар! Бүгінгі «Ұрпақ болашағы - тәрбие мен білімде» танымдық тәрбие сағатымызға қош келдіңіздер!

Барысы: 
Бүгінгі жастар – халқымыздың болашағы, еліміздің ертеңі. Оқушылардың ой-өрісін кеңейтіп, есте сақтау қабілетін шыңдайтын, білімді жастарды анықтайтын, білімге қызығушылықтарын арттыратын ұлтжанды ұрпақтың бойына адамгершілік құндылықтардың дәнін егетін сайысымызды бастаймыз. 

Ақыл –тон аңдағанға тозбайтұғын 
Білім – кен қанша болса азбайтұғын. 
Қатарың оза шауап бара жатса,
Арқаның ауруы не қозбайтұғын,- деп Тұрмағанбет Ізтілеуов айтқандай білім сайысына құлшынып тұрған білімді оқушыларымызды таныстырып өтейін. 

1._____________________________________________________

2._____________________________________________________

3._____________________________________________________

4._____________________________________________________

5._____________________________________________________

6._____________________________________________________

Ойын барысына тоқталсақ, сайысымыз 5 кезеңнен тұрады:

(интерактивті тақтадан көрсету) 
І кезең «Кім көп біледі?» 
ІІ кезең «Полиглот ойыны» 
ІІІ кезең «Ата салтың – халықтық қалпың» 
ІҮ кезең «Кім жылдам?» 
Ү кезең Логикалық сұрақтар «Ойлан тап» 
Модератор: Ойынды бастамас бұрын сайысымыздың ұпай сандарын есептеп әділ бағалайтын әділ қазымызды таныстырып өтейін. Олай болса сөз кезегі өздеріңізде, оқушылар! 

Әділқазылар алқасы:

1._____________________________________________________

2._____________________________________________________

3._____________________________________________________

4._____________________________________________________

І – «Кім көп біледі?» кезеңі қойылған сұрақтарға келіскен-келіспегеніңді білдіріп «ия» немесе «жоқ» деп жауап беруі қажет. 
1. Сыйлы адамға берілетін етті сыбаға деп атай ма? Ия 
2. Абай атамыздың шын аты Ибраһим дегенге келісесіз бе? Ия 
3. Тоқтар Әубәкіров қазақстанда алғаш ғарышқа ұшты ма? Ия 
4. Әбілхан Кастеев атақты сазгер ма? Жоқ 
5. «Үш бақытым» М.Әуезовтың өлеңі ме? Жоқ 
6. «Тоғызқұмалақ» қазақтың ұлттық ойыны ма? Ия 
7. Күй атасы Қорқыт баба дегенге келісесіз бе? Ия 
8. 1 мамыр балаларды қорғау күні ма? Жоқ 
9. Мұқағали Мақатаев «Абай жолы» романының авторы ма? Жоқ 
10. Аққу киелі құс дегенге келісесіз бе? Ия 
11. 9 мамыр Ұлы отан соғысының басталған күні ма? Жоқ 
12. «Палау» қазақтың ұлттық тағамына жата ма? Жоқ 
13. Жылқының пірі Қамбар ата ма? Ия 
14. 22 наурыз қазақ халқының Жаңа жылы дегенге келісесіз бе? Ия 

ІІ Полигот. Дұрыс жауапты үш тілде айту: қазақша, орысша және ағылшын тілде. 
1. Жақсы ... үшін жан пида. ( дос, друг, friend) 
2. Айдың он бесі .... , он бесі қараңғы ( жарық, свет, eight) 
3. Көңіл сырын ... білдіреді ( көз, глаз, eye) 
4. ....... – алтын қазына ( кітап, книга, boor) 
5. Еңбегі жоқ ..... – ыстығы жоқ жалын ( ғалым, наука, science) 
6. Көз қорқақ, .... батыр ( қол, рука, hard) 
7. .... басы – бұлақ, сөздің басы – құлақ ( су, вода, water) 
8. ...... алма, білім ал ( алтын, золото, gold) 
9. Есепші ..... қарайды, айды, күнді санайды (аспан, небо, sky) 
10. Күндіз ... алса, түнде үкі алады ( бүркіт, орел, eagle) 

Ән шашу

ІІІ – «Ата салтың – халықтық қалпың» Салт-дәстүрге байланысты сұрақтар. 
1. Сәукелені желегімен кім, қай уақытта киеді? ( Жаңа түскен келін) 
2. Жаңа аяқтанған баланың тез әрі сүрінбей жүруі үшін жасалатын салт қалай аталады? ( Тұсаукесер) 
3. Үш арсызды ата? ( Ұйқы, күлкі, тамақ) 
4. Ұзатылған қызға берілетін дүние мүлік қалай аталады? ( Жасау) 
5. Кешкілік ауылдың қыз-жігіттері ауыл сыртына барып ойын-сауық жасайды, бұл қандай ойын? ( Ақсүйек) 
6. Бес қаруды ата ( Садақ, мылтық, найза, қылыш, айбалта) 

ІҮ – «Кім жылдам» кезеңі

Анаграмманы шешіп, артық сөзді тап: 

БЫЖҢАР Жаңбыр 
ЗАНЙЙҒАА Найзағай 
КҚҚОАЕІПМРС Кемпірқосақ 
СЫЖАРОБЛ Жолбарыс 
НАЖДЫТЛҰ Ұлтжанды

ПАҚРҰ Ұрпақ

ЛБІМІ Білім

ӘРТИЕБ Тәрбие

Жылдам жауап берген, бірінші келген үш балаға жоғары ұпай қойылады .
Ү - Логикалық сұрақтар «Ойлан тап» кезеңі
2. Жұмулы көзбен нені көруге болады? ( түс) 
3. Жаңбыр жауып тұрғанда қоян қандай ағаштың түбінде отырады? ( ылғал, сулы) 
4. Теңізде қандай тастар болмайды? (құрғақ) 
5. 31 ақпан күні не болады? ( 31 ақпан болмайды) 
6. Қара мысықтың үйге кіруі қашан ыңғайлы? ( есік ашық тұрғанда) 
7. Тамақ пісер алдында қазанға ең бірінші не салады? ( көз салады) 
8. Тышқанды ылғи қуып жүретін не? ( құйрығы) 
9. Сен жарысқа қатыстың да, екінші орында келе жатқан адамды басып оздың. Сен қазір қай орындасың? (екінші орынды) 
10. Сандар қатарын жалғастыр: 18,20,24,32? (48) 
11. Төрт аққайың өсіп тұр. Әр қайыңның төрт бұтағы бар, әр бұтақтың төрт сабағы бар. Әр сабақта төрт алма өсіп тұр. Сонда қанша алма бар? (аққайыңда алма өспейді) 
12. Құландыға әжей кетіп бара жатыр. Оған қарама-қарсы үш шал келе жатыр. Әр шалдың қолында дорба бар. Әр дорбаның ішінде бір-бір мысықтан. Барлығы неше адам құландыға бара жатыр? (Бір әже ғана)

Әділқазылар сайыстың нәтижесін хабарлайды

«Жүйріктен жүйрік озар жарысқанда» демекші шын жүйріктердің ұпайын білу үшін сөз әділқазылар алқасына беріледі.

Марапаттау: Сайыс жүлдегерлеріне мектеп директорының жүлделі І, ІІ, ІІІ дәрежелі дипломдар мен Алғыс хаттар табыс етіледі.

Қорытынды

Модератор:

Адам баласы тек білім арқылы дүниені таниды, табиғаттың құпия сырларын ашады, ғылымды дамытады, техниканы өрістетеді, қоғамды ілгері бастырады. Білім арқылы өткен тарихын таниды, одан тағылым алады, болашағын болжап, келешегін белгілейді "Ақыл жастан, асыл тастан" деген сөзді халқымыз жас толқынның болашағынан үміт күткендіктен айтқан болар. Сондықтан ел алдындағы, аға ұрпақ алдындағы жауапкершілікті ұмытпайық. Қоғам талабына сай өз тілін сүйетін, көп тілде еркін сөйлей білетін білімді, өнерлі, ақыл - парасаты мол азамат, ұлт үшін қызмет ететін отансүйгіш, елжанды тұлға болып өсе беріңдер, құрметті оқушылар!

Осымен, «Ұрпақ болашағы - тәрбие мен білімде» танымдық тәрбие сағатымыз тәмам. Барша қатысушы оқушылар мен көрермендерге зор алғыс білідіреміз. Келесі, кездескенше күн жақсы болсын!

Естелік суретке түсу рәсімі (барша жүлдегерлер мен қатысушылар, көрермендер, ұйымдастырушы фотоға түседі, жүлдегер оқушылар қазылар алқасымен ортада тұрады)

Соңы