Ұстаз болу – жүректің қалауы

Эссе

Тақырыбы: Ұстаз болу – жүректің қалауы

«Тегінде адам баласы адам баласынан ақыл, білім, ар, мінез деген қасиеттерімен озады» деген Абай атамыз. Ұлы ақын сөзі еш уақытта өз мәнін жойған емес. Озық ойлы білімдар адамдар заманның дамуына өз үлесін қосады. Ойлау, іздену-табиғаттың адамзатқа берген тамаша сыйы. Бұл қабілет барлық адам бойынан табылары да сөзсіз. Қабілет іс-әрекеттің белгілі бір түрін ойдағыдай нәтижелі етіп орындауда көрінетін адамның жеке қасиеті. Сол қабілетті өз бойынан көрсете алатын және де өскелең ұрпақты да қабілетті етіп шығара алатын «парасатты жандар» ұғымының иесі – ұстаздар жайлы айтқым келіп отыр.

«Ұстаз» деген сөз өте құдіретті және ұлы. Себебі әрбір адам баласы сол ұстаздың алдынан өтіп барып, сонау үлкен өмірге қадам басады. Ұстаз баланы жанындай жақсы көре отырып, білім береді, тәрбиелейді. Ұстаз...жаратылысынан өзіне айтылғанның бәрін жете түсінген, көрген, естіген және аңғарған нәрселердің бәрін жадында сақтайтын, ешнәрсені ұмытпайтын... алғыр да аңғарымпаз ақыл иесі..., мейлінше шешен, өнер – білімге құштар, аса қанағатшыл жаны асқақ және ар – намысын ардақтайтын, жақындарына да, жат адамдарына да әділ..., жұрттың бәріне... жақсылық пен ізгілік көрсетіп, қорқыныш пен жасқану дегенді білмейтін батыл, ержүрек болуы керек, деген - халық даналығынан алынған сөз. Халықтардың өзі сонау дәріптеп айтқан бұл сөз әрбір ұстаздың қандай екенін көрсетеді. В.Маяковский «Ұстаз ізденгіш болуы, ойлай білуі, қандай істі болсын, бар ынтасымен атқара білуі керек», - деп айтқан. Қазіргі жаһандану дәуірінде ұстаздар өте ізденімпаз және жаңашыл деп айта аламын, себебі жаңа технологияларды барынша жете меңгеріп, аяулы шәкірттеріне сол арқылы білім беріп отырған ұстаздарымыз жетерлік. Қиынның қиынын игеру үшін, сауатты ұрпақ тәрбиелеу үшін олар барлығына да дайын және төзімді. Міне сондықтан да осы мамандық иелері өз қызметтерін жүрегінің бар қалауымен таңдап, жасап жатқандар деп ойлаймын.