Материалдар / "Ұстаз туралы ой" эссе
2023-2024 оқу жылына арналған

қысқа мерзімді сабақ жоспарларын

жүктеп алғыңыз келеді ма?
ҚР Білім және Ғылым министірлігінің стандартымен 2022-2023 оқу жылына арналған 472-бұйрыққа сай жасалған

"Ұстаз туралы ой" эссе

Материал туралы қысқаша түсінік
жалпы оқырмандарға
Авторы:
Автор материалды ақылы түрде жариялады.
Сатылымнан түскен қаражат авторға автоматты түрде аударылады. Толығырақ
11 Қараша 2018
712
0 рет жүктелген
Бүгін алсаңыз 25% жеңілдік
беріледі
770 тг 578 тг
Тегін турнир Мұғалімдер мен Тәрбиешілерге
Дипломдар мен сертификаттарды алып үлгеріңіз!
Бұл бетте материалдың қысқаша нұсқасы ұсынылған. Материалдың толық нұсқасын жүктеп алып, көруге болады
logo

Материалдың толық нұсқасын
жүктеп алып көруге болады

«Ұстаз туралы ой» Түн. Дала жым-жырт. Үй ішінен жарық түсіп тұр. Осындай қалың жұрт тәтті ұйқыда жатса, қыбырлап, қиямет қызу істің қамын жасап отырған кім екен? Бұл... Бұл әрине-Ұстаз.! М.Әуезов «Ұстаз болу - өз уақытын аямау, өзгенің бақытын аялау»- деген сөзінен-ақ, ол біз үшін күні де, түні де тыным таппай еңбек ететін, адал да шыншыл жан. Еске түсіріп көрейікші, алғашқы мектепке келгенде қандай сезімде болғанымыз өзімізге ғана аян. Қолымызда бір құшақ гүл мен жүзімізде мұң мен қуаныш сезімдері білінер-білінбес болып, ұстазымыздың қолынан ұстап сыныпқа кірген сәттер есімізде мәңгі сақталып қалатын жағдайлар. Алғаш рет кіп-кішкентай саусақтарымызбен қалам ұстауға, жазуға, сызуға, сурет салуға үйреткен тек осы аяулы ұстаздың арқасы. Ұстаз! Осынау сөзде қаншама мән-мағына жатыр десеңізші! Ұлағатты ой иелері де, арман оты жүрегінде алаулаған жеткіншектер де, парасатты қоғам қайраткерлері де бір адамға қарыздар. Ол – Ұстаз! Алғаш "Әліппенің” бетін ашып, әріп танытқан, өмірдің қыр-сырын білуге, сан қилы құбылыстарды терең түсінуге мұрындық болып, жан дүниеңе нұрлы шуақ түсіріп, адамгершілікке баулыған мұғалімнің бейнесі көңіл төрінен орын алады ғой. Ұстаз! Ол  білгенін  үйретуші  ғана  емес,  тұла  бойы  тұнған  өнеге, мейірімге толған алып жүгері бар,  ақ  тілеулі  ана  тәрізді барлық  адамның  бойынан  жақсылық  іздейтін шапағат беретін  ізгі  ниет  иесі. Ұстаз  алдынан  тәрбие  алмайтын  жан  жоқ. Ұстаз  берген  тәрбие  әрбір  жанның  өміріне  жол  сілтер  шамшырақ болары  анық. Қазақта орақ тілді қақ жарар, бабаларымыздан қалған асыл мұра сөздерімізбен көркемдеп айтар болсам, «ұстаздан-шәкірт, озар»-деген сөзге мен айтар едім, егер,  «шәкірті  өзінен  озған  ұстаз  – еңбегі   жанған, гүлденген, ақталған  ұстаз.»  Өйткені, дәл қазіргі заманның талабы осы болып тұрған соң, өмірдің заңы –даму мен ілгерілеу, бір-бірінен қалыспай озу заманы емес пе? . Мен де осындай ұстаздардың қатарында болуды арман етіп, жүрек қалауыммен, жан тәніммен сабақ үйретіп балаларға, білгенімді-түйгенімді үйретсем, деген армандар жетегі осы  ұстаздықтың  ауыр  жүгін  арқалауды  өз  жүрегімнің қалауымен таңдадым. Маман, мұғалім, ұстаз ретіндегі негізгі ұстанымым: баланы тұлға деп тану, оның  пікірімен  санасу,  оқушының кішкентай  қуанышын,  табысын  бағалай  білу. Осындай мақсаттарыма қол жеткізсем, маған сабақ берген, тәлім мен тәрбиені үйреткен аяулы ұстазымның аялаған үмітін ақтадым деп оңаймен айта алар едім. Жалпы ұстаздар туралы Құран кәрімнің өзінде де тілге тиек етеді. "Ең бірінші анаңды сыйла, асқар тауың әкеңді сыйла, сосын барып, көзіңді ашқан, білімге құштарлығыңды оятқан ұстазыңды сыйла". Қазақтың атақты ақыны, Ахмет Байтұрсыновтың «егер мұғалім өн бойына, өз ісіне, шәкіртіне деген сүйіспеншілікті жинақтаса, ол нағыз ұстаз»-шыныменен де ұстаз деген сөздің өзінен жылылық пен мейірімге толы жүрек лебі сезіледі.Осы тұста Абай Құнанбаевтың керемет сөзі есіме түсіп отыр еді, «маған жақсы мұғалім бәрінен қымбат, өйткені мұғалім-мектептің жүрегі.»-деген сөзінен шынында да, ұстаз мектепті гүлдендіретін де , жандандырып, оқушыларлы өмірге деген қызығушылықтарында ашатын жалғыз осы мұғалім. Шынында,мұғалім  барлық  мамандық   иесін  тәрбиелейтін,  оқытып үйрететін  абзал  жандар.  «Мұғалім  мамандығы – барлық  мамандықтың  анасы»  деп  қалай  дәл  тауып  айтқан. Ғылым  иесі  ғалым  да,  ел  қорғаған  батыр  да, тілінен  бал  тамған ақын  да,  тегеуріні   темір   балқытқан   жұмысшы  да, егін  салған диқан да, мал  бағып   терін   төккен  шопан  да, көк  күмбезінен әрі  өткен ғарышкер  де  бәрі – бәрі  ұстаздан  білім,  тәлім  алған, сондықтан ұлағатты  ұстаздарға  бүкіл адам баласы құрметпен  бас  иеді.Менің  түсінігімдегі  ұстаз – рухы  таза,  ой – өрісі биік, ұлтымен Отанының  болашағы  үшін  тер  төгіп,  шыдамдылық  пен  табандылықтың  үлгісін  көрсетуші,  өз  бойындағы  асыл  қасиеттері  менбілімін  болашақ  ұрпақтың  бақыты  мен  кәдесіне  жаратып,  қоғамды өрге  өркендетуші,  жаңашылдықтың  бастаушысы,  жүрегі – жылы,  көңілі – дарқан  адам. Осы ұстаздар жайында халқымыздың ұлы батыры Бауыржан Момышұлы "Ұстаздық - ұлы құрмет. Себебі, ұрпақтарды ұстаз тәрбиелейді. Болашақтың басшысын да, данасын да, ғалымын да, еңбекқор егіншісін де, кеншісін де ұстаз өсіреді... Өмірге ұрпақ берген аналарды қандай ардақтасақ, сол ұрпақты тәрбиелейтін ұстаздарды да сондай ардақтауға міндеттіміз” деген. Менің ойымша, ұстаз диқаншы сияқты. Ол әр адамның жанына білім дәнін себеді. Әр шәкіртін аялап өсіріп, өмір атты шексіз ғаламға топшысын қатайтып ұшырады. Дәлірек айтсақ, адамды өмір сүре білуге тәрбиелейді. Сол үшін бойындағы асыл қасиеттерін шәкірттеріне сіңіріп, тер төгеді. Ұстаздарды аялап, құрмет көрсету біз жас өреннің алға қойған бірінші міндеті деп ойлаймын.



















Материал жариялап тегін сертификат алыңыз!
Бұл сертификат «Ustaz tilegi» Республикалық ғылыми – әдістемелік журналының желілік басылымына өз авторлық жұмысын жарияланғанын растайды. Журнал Қазақстан Республикасы Ақпарат және Қоғамдық даму министрлігінің №KZ09VPY00029937 куәлігін алған. Сондықтан аттестацияға жарамды
Ресми байқаулар тізімі
Республикалық байқауларға қатысып жарамды дипломдар алып санатыңызды көтеріңіз!