Ұстаз ұлы есім!

Ұстазым!

Санамызға сақтап білім ұранын,

Қасиетті ұлы тұлға - Мұғалім!

Өмір-өзен қиындығын үйреткен,

Бастау алар сенсің мөлдір бұлағым!

Көзімді аштың ұстатып алғаш қалам,

Борыштармын қашанда алғашқы адам!

Жазу - сызу үйреттің еш жалықпай,

Анам сынды басқызған алғаш қадам.

Тəрбиені үйреттің болып данам,

Есептеймін деп сені екінші анам.

Ақ жүрекпен шынайы тек тілерім,

Ұстаз - Ана жар болсын саған Аллам!

Жастайымнан сөз маржанын тергізген,

Жанашырым мақтанамын мен сізбен.

Жол көрсетіп бағыттаған өмірде,

Жүріп келем өзің салған сол ізбен.

Ұлағатты ұлы тұлға - Ұстазым,

Арналсыншы бүгін саған жыр-сазым.

Ұмытпаймын есіміңді ұлықтап,

Бас иемін қай кезде де мың тағзым!

Жанарға нұр беретін Ұстаз ғана,

Сізден асып ақыл да озбас дана.

Қасықтап жинап жүрген біліміңді,

Есейіп бөлектенсек бұзбас бала!