Ұстазым - мақтанышым!

«ҰСТАЗЫМ – МАҚТАНЫШЫМ!"

Әр адам ұстаздан білім алары хақ. Ұстаздық жолы ең ауыр жол. «Ұстаздық еткен жалықпас, үйретуден балаға" демекші, ұстаз өз білгенін балаға үйретуден шаршамайды, Өзі тәрбиелеп, өсірген оқушысының «өмір» атты осынау теңізден титтей де болса жетістікке жеткенін қалайды. Оқушысы жетістікке жетсе, қуанышы қойнына сыймай, бір мақтаныш сезімі көкірегінде ойнап тұратындай… Ұстаз ерен тұлға десем қателеспеймін. Балаға біліммен қатар, тәрбиені де беруші. Оқушыны өз баласындай көріп, өз баласын қалай тәрбиелесе, оқушысын да солай тәрбиелеп, өсіруші. Соның бірі, бірегейі, менің ұстазым – Жанбибі Дүйсенқызы. Филология ғылымдарының докторы, менің үлгі тұтушы ұстазым, бар білгенін бізге үйретуге жалықпаған нағыз ардагер ұстаз десем болады. Ол кісінің әрбір айтқан сөздері, берген білімі әрдайым жадымызда. Ұстазы мықтының – ұстамы мықты. Мен «ұстазыммен» мақтанамын.