Спорттық жарыстар: «Салауатты өмір салты – ел болашағы»

Мақсаты:

Оқушылардың ойын жағдайларын шығармашылықпен шешу қабілетін қалыптастыру, қиялын дамыту.

Міндеттері:

а) Сауықтыру: әртүрлі жаттығулар кезінде дұрыс тыныс алуды қалыптастыруға ықпал ету.

б) Дамытушылық: қимыл-қозғалыс үйлесімділігін, ептілікті, қозғалыстың еркіндігін дамытуға жағдай жасау.

в) Тәрбиелік: ұжымшылдыққа, командада жұмыс істеуге тәрбиелеу.

г) Білімдік: балалардың дене қабілеттерін дамытуға бағытталған ойындар мен эстафеталарды үйрету.

Ойын барысы:

Командаларды қарсы алу. Қазылар алқасын таныстыру.

1-кезең: «Басына кастрөл қойып жүгіру»

Эстафетаға беру үшін 2 кастрөл қажет.

2-кезең: «Картоп отырғызу»

Мұғалімнің белгісі бойынша балалар картопты «ұяшықтарға» орналастырады, екінші қатысушы оны жинайды. Бірінші болып аяқтаған команда жеңеді.

3-кезең: «Қаппен жүгіру»

Белгі бойынша оқушы қапқа кіріп, секіріп белгіге дейін барады. Қайтарда келесі ойыншыға береді.

4-кезең: «Пингвиндер»

Оқушылар допты тізелерінің арасына қысып, түсірмей эстафетадан өтуі керек.

5-кезең: «Тасбақалар»

Төрт аяқтап, шалқасынан қозғалып, допты ішіне қойып, иегімен ұстап алып жүреді.

6-кезең: «Шар жарысы»

Қатысушылар ракетка арқылы үрленген шарды алға қарай жүргізеді. Бірінші болып аяқтаған команда жеңеді.

7-кезең: «Боулинг»

Командалардың алдында кегльдер қойылады. Доппен оларды құлатады. Ең көп кегль құлатқан команда жеңеді.

8-кезең: «Жастықпен күрес»

Қарсыластар кезекпен орындыққа тұрып, белгі бойынша бір-бірін жастықпен итереді. Ең көп ұпай жинаған команда жеңеді.

9-кезең: «Арқан тарту»

10-кезең: «Капитандар сайысы»

Екі орындық қойылады, астынан секіртпе жіп тартылады. Капитандар айналып жүгіріп, белгі бойынша тез отырып, жіпті тартып алуы керек. Кім бірінші орындаса, сол жеңеді.

Сөз қазылар алқасына беріледі.

Жарыс қорытындысы шығарылады.

Командаларды марапаттау.

Спорттық жарыстар

5–7 сынып

05.12.2025 ж.

Нұрсапа М.Б.