Тойлыбаева Гульмира Нурмаханбетовна Химия,биология пәндерінің мұғалімі

А.С.Пушкин атындағы №6 жом Кентау қаласы gulia_0822 @mail.ru.

«XXI ғасыр ұстазы»

Өмірдегі көп мамандықтардың ішінде жан-жақты білімділікті, икемділікті, шеберлікті, ерекше шәкіртжандылықты, мейірімділікті қажет ететін мамандық та – ұстаздық мамандық Олай дейтінім алғаш рет жас ұстаз ретінде осыдан 10 жыл бұрын қызметімді бастағанымда көптеген өз мамандығыма көңілім толмаушылық , сондай ақ кішкене қиындықтар болды. Бір күні мектебіміздегі аға ұстаз баланы шын ықыласымен жақсы көру керек, ұстаз кешірімді болу керек, бұл ұстаз болудың ең бірінші қасиеті деді.Осыдан мұғалім еңбегі біріншіден, адамзат қоғамы тарихында жинақталған ғылым негіздерінен білім беруге тиіс болса, екіншіден, үнемі шәкірттерімен қарым-қатынаста болып, білсем, үйренсем деген бала арманы мен оның сырлы тағдырына басшылық етуді мойнына алған маман екеніні, ұстаз шәкіртіне ғылым негіздерінен мәлімет беріп қана қоймай, адам болуға, қатаң бәсеке жағдайында өмір сүруге тәрбиелеуі керек екендігім түсіндім. Менің ұстаз болып қалыптасу дағдым , осындай түсініктен басталды.

Қазіргі жас буын - еліміздің келер күнгі келбеті. Бұл жөнінде Елбасымыз Нұрсұлтан Әбішұлы Назарбаев: «Ғасырлар мақсаты – саяси-экономикалық және рухани дағдарыстарды жеңіп шыға алатын, ізгіленген ХХІ ғасырды құрушы іскер, өмірге икемделген, жан-жақты жеке тұлғаны тәрбиелеп қалыптастыру»,- деген тұжырым жасады. Елбасымыз көздеген әлемдік рейтинг кестесінің жоғары бөлігіне іліккен елдер қатарынан орын алуымызға мүмкіндік беретін басты негіздерінің бірі - жастарымыздың еркін дамуына, жан-жақты білім алуына, белсенді, шығармашыл болуына жағдай жасау болып табылады. Әлемдік білім беру және білім алу кеңістігінде бәсекеге барынша қабілетті кірігудің тиімді жолдарының бірі – әрбір қазақстандықтың кемінде 3-4 тіл білуі деп атап өтілді.

Осы биік мақсаттарға жетелеу, қалыптастыру кезеңі адам өмірінің мектептегі өткізген жылдарына сайма-сай келетіні - білім беру саласына үлкен жауапкершілік пен сенім артады, білім берудің жаңа ұлттық тиімді механизмдерін құрумен байланыстырады.

Білімді түрлендіруде, білім беру үрдісін реформалауда зерттеуші мұғалім жаңа формация мұғалімі ретінде орталық тұлға болып табылады.Ұстаздың кəсіби шеберлігінің негізі, біріншіден, мұғалімнің өмірге көзқарасы, оның идеялық нанымы. Екіншіден, пəнді жетік білуі, ойын оқушыларға жеткізу үшін жан жақты, терең дайындықпен баруы, оқушылар бойына əдеп, əдет, дағды сияқты жақсы қасиеттерді сіңіруі, моральдық нормаларды білуі. Үшіншіден, оқыту мен тəрбиелеудің əдіс тəсілдерін міндетті түрде меңгеру. Білім берудің ұлттық моделіне көшкен қазіргі мектепке ойшыл, зерттеуші, практикалық қызметте педагогикалық үйлестіруді шебер меңгерген психолог педагогтік диагностика қоя білетін іскер мұғалім қажет.

Ендеше, бүгінгі білім мен білік бәсекелес заманда ұландарымыздың биіктен көрінуіне күнделікті ісіміздегі жаңашылдығымыз арқылы, жан-жақты берген тәрбиеміз арқылы қол жеткіземіз. ХХІ ғасыр - білімділер ғасыры. Ендеше бізге ой өрісі жоғары дамыған, зерделі, жан-жақты дамыған, парасатты ұрпақ керек екенін бір сәтте естен шығармағанымыз жөн.

Қорыта айтар болсам, бұрын тәжірибемде көрініс таппаған топтық, жұптық жұмыстардың пайдалы тұсын көре білдім.Алдағы уақытта мүмкіндігінше бұл жаңа әдіс-тәсілдің өзім үшін меңгере түсіп, тәжірибеме енгізуді мақсат қойдым.

Курста болған екі аптада бір ұжымдай ынтымақтастыта, достық қарым-қатынаста болдық. Бұл курстың әріптестер үшін маңызы зор болды.

Жаңартылған бағдарлама көп нәрсені үйретті.Тренердің осы бағдарлама жайлы мағлұматтары, өткізген әрбір сабақтары тренингтері өте құнды болды.Осындай курсты ұйымдастырушыларға алғысымды білдіре отырып, жеттістіктер тілеймін.