Заман айтады: тез-тез бол!

  Соңғы уақытта ғасыр талабында қандай өзгерістер орын алды?

   Әлем түрлі жаңғыруларға ие болып, өзіне тән талаптарын даму жолына енгізіп келеді. Қазіргі уақытта өмір ағысында қалу үшін белгілі бір қағидаларды ұстанып, нық мінез қалыптастыру қажет.

 Әрине, XXI ғасыр — жастардың қолында. Алайда оларға қойылатын талаптар мен міндеттер барған сайын күрделене түсуде. Мәселен, қазіргі таңда мамандар үшін ең маңызды дағдылар қатарында: өзгерістерге икемділік, уақытты тиімді басқару, шешім қабылдай алу қабілеті секілді қасиеттер бар.

 Бұл өз кезегінде бір ойды айқындай түседі: қазіргі заманда тек білімнің болуы жеткіліксіз — оны орынды пайдалана білу, үздіксіз даму жолында болу және өзгеріске ілесе алу әлдеқайда маңызды.

Мысал ретінде, 2025 жылы электронды үкімет арқылы жүргізілген сауалнаманы алуға болады. Нәтижесінде, қатысушылардың 79%-ы жасанды интеллект саласындағы машықтарын жетілдіруге қызығушылық танытқан, ал 65%-ы оны күнделікті өмірде пайдаланып жүргенін айтқан.

  Яғни, жасанды интеллекттің дамуы енді басталып жатқанымен, бүгінгі жастар тек оны тұтынушы ғана емес, тереңірек зерттеушіге айналып келеді.

  Білімді әрі шапшаң жастар — қазіргі қоғамды алға сүйрейтін басты қозғаушы күш. Елде жасалып жатқан жағдайлар да осы ұрпақтың мақсаты мен ұмтылысына сай келіп отыр.

Мысалы, Astana Hub пен мемлекеттік бағдарламалар аясында алдағы бес жылда 1 миллион адамға жасанды интеллект дағдыларын үйрету жоспары көзделген.

   Қазіргі ғасыр — шапшаңдықтың, білім мен бейімділіктің дәуірі.

Уақыт сені тосып тұрмайды. Сондықтан әрбір адам өзінің мақсатын айқындап, заман талабына сай қадам жасауға ұмтылуы қажет. Өмір — сынақ алаңы, ал бұл сынақта жеңу үшін тек білім алып қою аздық етеді — сол білімді орынды пайдалану маңызды.